इंदोरमध्ये आज 45 नवे कोरोना रुग्ण; 8 जून 2020 च्या ताज्या मराठी बातम्या आणि ब्रेकिंग न्यूज LIVE

इंदोरमध्ये आज 45 नवे कोरोना रुग्ण आढळून आले आहेत.

दिल्लीत आज 1,007 नवे कोरोना रुग्ण आढळून आले आहेत. त्यामुळे दिल्लीतील एकूण कोरोना बाधितांचा आकडा 29,943 वर पोहोचला आहे.

मुंबईमध्ये कोरोना व्हायरसने धुमाकूळ घातला आहे. आज दिवसभरात 64 जणांचा कोरोनामुळे मृत्यू झाला आहे. तसेच आज 1314 जणांची कोरोना चाचणी पॉझिटिव्ह आली आहे.

बारावीच्या विद्यार्थ्यांच्या उर्वरित विषयांची परिक्षा घेण्यासाठी भोपाळ येथील शाळेत आज निर्जंतुकीकरण करण्यात आले आहे. एएनआयचे ट्वीट- 

जम्मू-काश्मीरमध्ये 198 नवे कोरोना रुग्ण आढळून आले आहेत. यातील 33 रुग्ण हे जम्मूमधील असून 165 रुग्ण हे काश्मीर मधील आहेत. सध्या जम्मू-काश्मीरमध्ये 4285 जणांना कोरोनाची लागण झाली आहे. तर 45 जणांचा कोरोनामुळे मृत्यू झाला आहे.

राजस्थान येथे कोरोनाचे आणखी 277 रुग्ण आढळून आल्याने आकडा 10876 वर पोहचला आहे.

मुंबईत  कोरोनाचे नवे 1311 रुग्ण आढळून आल्याने आकडा 50,085 वर पोहचल्याची माहिती आरोग्य विभागाकडून देण्यात आली आहे.

हरयाणा येथे कोरोनाचे नवे 406 रुग्ण आढळून आल्याने आकडा 4854 वर पोहचला आहे.

महाराष्ट्रात आज कोरोनाचे नवे 2553 रुग्ण आढळले तर 109 जणांचा मृत्यू झाला आहे.त्यामुळे  राज्यातील COVID19 चा आकडा 88,528 वर पोहचला

गुजरात येथे कोरोनाचे नवे 477 रुग्ण आढळून आल्याने आकडा 20,574 वर पोहचला आहे.

तमिळनाडू येथे कोरोनाच्या नव्या 1562 रुग्णांची भर पडल्याने आकडा 33229 वर पोहचला आहे.

लॉकडाऊन दरम्यान गरिबांना त्रास सहन करावा लागणार नाही हे आम्ही सुनिश्चित केले आहे. तर आमच्या गाड्या प्रवासी कामगारांना त्यांच्या घरी नेण्यासाठी तयार आहेत. पण महाराष्ट्र सरकारच्या सहकार्याच्या अभावामुळे त्यांना अडचणींचा सामना करावा लागल्याचे संरक्षणमंत्री राजनाथ सिंह यांनी म्हणत सरकारवर टीका केली आहे.

धारावीत आज कोरोनाचे नवे 12 रुग्ण आढळून आल्याने आकडा 1924 वर पोहचल्याची माहिती मुंबई महापालिकेकडून देण्यात आली आहे.

मुंबईतील रुग्णालयात मृतदेहाच्या शेजारी कोरोनाचे रुग्ण असल्याचे टीव्हीवर पाहिल्यानंतर संरक्षण मंत्री राजनाथ सिंह यांनी महाराष्ट्र सरकारवर टीका केली आहे.

हिमाचल प्रदेशात कोरोनाबाधितांचा आकडा 414 वर पोहचला आहे.

केरळात आणखी 91 कोरोनाबाधित रुग्ण आढळून आल्याने आकडा 1174 वर पोहचला आहे.

तेलंगणा मध्ये 10 वी च्या विद्यार्थ्यांना अंतर्गत मुल्यांकन गुणांच्या आधारे त्यांना पुढील वर्षात प्रवेश देण्याचा मुख्यमंत्री चंद्रशेखर राव यांनी निर्णय जाहीर केला आहे.

सुखमा जिल्ह्यातील कोंडासावली गावात नक्षलवाद्यांकडून हल्ला करण्यापूर्वी CRPF च्या जवानांकडून प्रत्येकी 5 किलोग्रॅमचे 7IED  जप्त करण्यात आले आहेत.

तेलंगणा सरकारकडून  चित्रपट आणि मालिकांच्या शूटिंगसाठी परवानगी देण्यात आली आहे.

पश्चिम बंगाल राज्यात लॉकडाऊन 30 जूनपर्यंत वाढविण्याचा निर्णय मुख्यमंत्री ममता बॅनर्जी यांनी जाहीर केला आहे.