पाण्याची पातळी पुन्हा वाढत असताना, चामोलीतील नदीकाठाजवळील लोकांना सतर्क करण्यात आले; 7 फेब्रुवारी 2021 च्या ताज्या मराठी बातम्या आणि ब्रेकिंग न्यूज LIVE

पाण्याची पातळी पुन्हा वाढत असताना, चामोलीतील नदीकाठाजवळील लोकांना सतर्क करण्यात आले आहे. उत्तराखंड पोलिसांनी ही माहिती दिली.

ग्लेशियर फुटल्यामुळे आणि भूस्खलनामुळे प्रभावित झालेल्या लोकांबद्दल आम्हाला मनापासून दुःख आहे. आम्ही मृतांच्या कुटूंबासह आणि त्यांच्या मित्रांसोबत आहोत. जखमींची त्वरित व पूर्ण रिकव्हरीसाठी आशा व्यक्त करतो.' यूएस राज्य विभागाने उत्तराखंड दुर्घटनेबाबत ट्वीट केले आहे.

उत्तराखंडमधील पूर घटनेनंतर सात जणांचा मृत्यू, सहा जखमी आणि सुमारे 170 बेपत्ता आहेत. राज्य आपत्ती व्यवस्थापन केंद्राने ही माहिती दिली आहे.

उत्तराखंड येथे ग्लेशियर फुटल्यामुळे सखोल भागात अनेकजण अडकले आहेत. सुरुवातीला पाण्याचा प्रवाह खूप वेगवान असल्याने घटनेच्या ठिकाणाहून बरेच मृतदेह बाहेर काढले जात आहेत. काहीजण बोगद्यात अडकले आहेत, असं एनडीआरएफ आयजी अमरेंद्र कुमार सेंगर यांनी सांगितलं आहे.

कर्नाटकमध्ये आज 487 नव्या कोरोना रुग्णांची नोंद करण्यात आली असून 3 जणांचा मृत्यू झाला आहे.

महाराष्ट्रात आज 2,673 नव्या कोरोना रुग्णांची नोंद करण्यात आली आहे. तसेच 30 जणांचा मृत्यू झाला आहे. याशिवाय 1,622 जणांना डिस्चार्ज देण्यात आला आहे.

महाराष्ट्र: मुंबईतील लोअर परळ भागात बांधकाम सुरू असलेल्या इमारतीत भीषण आग लागल्याची घटना घडली आहे. घटनास्थळी अग्निशामक दलाच्या पाच गाड्या दाखल झाल्या आहे. अग्निशामक दलाचे जवान आग विझवण्याचा प्रयत्न करत आहेत.

मणिपूरमध्ये आज 9 नवे कोरोना रुग्ण आढळून आले असून 18 जणांना डिस्चार्ज देण्यात आला आहे.

बिजापूर येथे झालेल्या IED स्फोटात पोलिस कर्मचारी जखमी झाले आहेत.

चामोलीतील तपोवन जवळील बोगद्यात अडकलेल्या सर्व 16 जणांना वाचविण्यात आले आहे.

SDRF च्या 60 जवानांची टीम घटनास्थळी पोहचली असल्याचं उत्तराखंडचे सीएम त्रिवेंद्रसिंग रावत यांनी सांगितलं आहे.

तामिळनाडूमध्ये आज 471 नवे कोरोना रुग्ण आढळून आले आहेत. तसेच 1 जणांचा मृत्यू झाला आहे.

अभिनेता रितेश देशमुखने उतराखंड मधील प्रत्येकाच्या सुरक्षिततेसाठी प्रार्थना केली आहे. तसेच ITBP जवानांना त्यांच्या शौर्यासाठी सलामही केला आहे.

ITBP यांच्याकडून चामोलीतील तपोवन धरणाजवळील बोगद्यात अडकलेल्या 16 जणांची सुटका  करण्यात आली आहे.

उत्तराखंड आपत्तीशी झुंज देत असून मुख्यमंत्री त्रिवेंद्र रावत यांच्याशी संपर्कात असल्याची पंतप्रधान नरेंद्र मोदी यांनी म्हटले आहे.

दिल्लीत टिकरी बॉर्डर दोन्ही बाजूने वाहतूकीसाठी बंद करण्यात आली आहे.

दिल्लीत कोरोनाचे आणखी 119 रुग्ण आढळले तर 2 जणांचा मृत्यू झाला आहे.

उत्तराखंड येथे हिमकडा कोसळून घडलेल्या दुर्घटनेप्रकरणी राष्ट्रपती रामनाथ कोविंद यांनी आपल्या भावना व्यक्त केल्या आहेत.

तपोवन धरणात अडकलेल्या 16 जणांना सुरक्षित ठिकाणी  पोलिसांकडून हलवण्यात आल्याची उत्तराखंड डीजीपी यांनी माहिती दिली आहे.

उत्तराखंडचे मुख्यमंत्री त्रिवेंद्र सिंह हे चमोलीतील रावत रेणी गावात पोहचले आहेत.