एअर इंडियाचे यूएसए आणि यूकेसह विविध देशांमध्ये सुमारे 300 विमानांसाठी बुकिंग सुरू; 5 जून 2020 च्या ताज्या मराठी बातम्या आणि ब्रेकिंग न्यूज LIVE

वंदे भारत मिशनच्या 3 ऱ्या टप्प्या अंतर्गत एअर इंडियाने यूएसए आणि यूकेसह विविध देशांमध्ये सुमारे 300 विमानांसाठी बुकिंग सुरू केली.

हरियाणामध्ये आज 316 नवे कोरोना रुग्ण आढळून आले आहेत.

मुंबईत आज 1150 नवे कोरोना रुग्ण आढळून आले आहेत. तर 53 जणांचा मृत्यू झाला आहे.

दिल्लीत आज 1330 नवे कोरोना रुग्ण आढळून आले आहेत. त्यामुळे दिल्लीतील कोरोना बाधित रुग्णांची संख्या 26334 वर पोहोचली आहे. तसेच आतापर्यंत दिल्लीत 708 जणांचा कोरोनामुळे मृत्यू झाला आहे.

गुजरात मधील पोरबंदर येथील भारतीय नौदलातील 16 जणांची कोरोनाची चाचणी पॉझिटिव्ह आली आहे.

गोव्यात दुसऱ्या ठिकाणाहून येणाऱ्यांची 100 टक्के चाचणी करण्यात येत असून जवळजवळ 130 कोरोनाचे रुग्ण राज्यात असल्याची प्रमोद सावंत यांनी माहिती दिली आहे.

गुजरात येथे गेल्या 24 तासात कोरोनाचे नवे 510 रुग्ण आढळून आले असून 35 जणांचा बळी गेला आहे.

पश्चिम बंगाल येथे आज कोरोनाचे नवे 427 रुग्ण आढळून आल्याने आकडा 7303 वर पोहचला आहे.

छत्तीसगढ येथे आज कोरोनाचे नवे 90 रुग्ण आढळून आल्याने आकडा 863 वर पोहचला आहे.

मणिपूर येथे आणखी 8 जणांची कोरोनाची चाचणी पॉझिटिव्ह आल्याने आकडा 132 वर पोहचला आहे.

महाराष्ट्रात आज सर्वाधिक म्हणजेच 139 जणांचा कोरोनामुळे बळी तर 2436 जणांची चाचणी पॉझिटिव्ह आली आहे. त्यामुळे राज्यातील COVID19 चा आकडा 80 हजारांच्या पार  गेल्याची माहिती आरोग्य विभागाकडून देण्यात आली आहे.

पंजाब येथे कोरोनाबाधितांचा आकडा 2461 वर पोहचला असून आज नव्याने 46 जणांची COVID19 ची चाचणी पॉझिटिव्ह आली आहे.

धारावीत आज कोरोनाचे नवे 20 रुग्ण आढळून आल्याने आकडा 1899 वर पोहचला तर 71 जणांचा बळ गेल्याची माहिती BMC कडून देण्यात आली आहे. 

पूर्व-मध्य अरबी समुद्रात नवा कमी दाबाचा पट्टा तयार झाल्यामुळे मुंबई आणि केरळमध्ये 8 जून किंवा 9 जूनपासून पाऊस वाढण्याची शक्यता व्यक्त करण्यात आली आहे.

हिमाचल प्रदेशातील कोरोनाबाधितांचा आकडा 389 वर पोहचला असून 5 जणांचा बळी गेला आहे.

भोपाळ येथे मुसळधार पावसाला सुरुवात झाली आहे. IMD यांनी आज शहरात पाऊस पडणार असल्याचा अंदाज व्यक्त केला होता.

राज्य सरकारने दिलेल्या आदेशानुसार, मुंबईती झवेरी बाजारातील काही दुकाने सम-विषम दिवसाच्या आधारावर खुली झाली आहे. यात सोशल डिस्टंसिंगचे देखील नियम पाळण्यात येत आहे. पाहा फोटोज

उत्तर प्रदेश कोरोना बाधित रुग्णांच्या संख्येत वाढ झाली असून गेल्या 24 तासांत राज्यात 502 नवे रुग्ण आढळले आहेत. या राज्यात आतापर्यंत एकूण 257 रुग्ण दगावले असून 5648 रुग्ण बरे झाले आहेत.

उत्तराखंड मध्ये 46 नव्या रुग्णांसह राज्यात कोरोना बाधितांची एकूण संख्या 1199 वर पोहोचली आहे. सद्य घडीला राज्यात 874 रुग्णांवर उपचार सुरु असून 11 रुग्ण दगावल्याची माहिती आरोग्य विभागाने दिली आहे.

पंचनाम्यांना 8-10 दिवस लागणार असून शेती आणि फळबागांचे मोठे नुकसान झाले आहे. त्यामुळे शासन सर्व गोष्टींची काळजी घेत रायगडला 100 कोटींची मदत मुख्यमंत्री उद्धव ठाकरे यांनी जाहीर केली आहे.