असम येथे आज आणखी 157 कोरोनाबाधितांची नोंद; 5 डिसेंबर 2020 च्या ताज्या मराठी बातम्या आणि ब्रेकिंग न्यूज LIVE

असम येथे आज आणखी 157 कोरोनाबाधितांची नोंद झाली आहे. यामुळे राज्यातील कोरोनाबाधितांची एकूण संख्या 2 लाख 13 हजार 662 वर पोहचली आहे. ट्विट-

महाराष्ट्र: ठाणे जिल्ह्यातील मुंब्रा येथील दोस्ती कॉम्प्लेक्सजवळील दुकानांना आग लागली आहे. सध्या दोन फायर इंजिन, दोन द्रुत प्रतिसाद वाहने आणि दोन पाण्याचे टँकर घटनास्थळी उपस्थित आहेत. कोणतीही जीवितहानी किंवा कोणीही जखमी झाले नाही.

मुंबई: मच्छीमार कॉलनीजवळील माहीममध्ये 57 इंच व्यासाची मुख्य पाणीपुरवठा करणारी पाइपलाइन फुटली. यामुळे माहीम, माटुंगा, दादर आणि प्रभा देवी भागातील पाणीपुरवठा बाधित झाला आहे. दुरुस्तीचे काम सुरू असल्याने बाधित भागाच्या रहिवाशांनी धीर धरावा व सहकार्य करावे असे आवाहन बीएमसीने केले आहे.

तामिळनाडूमध्ये आज कोरोना विषाणूच्या 1,366 नवीन रुग्णांची नोंद झाली आहे. आज राज्यात 1,407 रुग्ण बरे झाले आहेत. यासह एकूण रुग्णांची संख्या 7.89 लाखावर गेली आहे. सध्या राज्यात 10,882 सक्रीय रुग्ण आहेत व एकूण मृत्यूंची संख्या 11,777 झाली आहे.

बिहार: राजद नेते तेजस्वी यादव आणि इतर 18 जण तसेच 500 अज्ञात लोकांविरूद्ध, पटना येथील गांधी मैदानाबाहेर शेती कायद्याविरूद्ध परवानगी न घेता निषेध नोंदविल्याप्रकरणी गुन्हा दाखल करण्यात आला. आयपीसी आणि साथीच्या रोग अधिनियमातील अनेक कलमांखाली एफआयआर नोंदविला आहे.

महाराष्ट्रात आज कोरोना विषाणूच्या 4,922 नवीन रुग्णांची नोंद झाली आहे. यासह एकूण रुग्णसंख्या 18,47,509 वर पोहोचली आहे. आज 95 रुग्णांचा मृत्यू झाला असून, एळून मृत्यूंची संख्या 47,694 झाली आहे.

टीआरपी घोटाळ्यातील आणखी एक आरोपी, रिपब्लिक टीव्ही पश्चिम विभाग वितरण प्रमुखाला मुंबई कोर्टाने जामीन मंजूर केला आहे.

दुबई येथून चेन्नई आंतरराष्ट्रीय विमानतळावर आलेल्या काही नागरिकांकडून 81.4 लाखांचे सोने आणि 7500 युरो जप्त करण्यात आले आहे. या प्रकरणी कस्टम विभागाकडून एकाला अटक  ही केली गेली आहे.

CID मधील ममता यांच्या अधिकाऱ्यांना फक्त भाजपच्या नेत्यांना अडकवायचे आहे असे भाजप नेते सौमित्र खान यांनी म्हटले आहे.

राजस्थान येथे कोरोनाचे आणखी 2076 रुग्ण आढळले असून 20 जणांचा बळी गेला आहे.

Farmers Protest: आम्हाला कॉर्पोरेट फार्मिंग नको असून तो फक्त सरकारच्या फायद्याचा आहे असे बोलले जात आहे. 

तुम्हा सर्वांना सलाम, शेतकऱ्यांनी एक नवा इतिहास रचला आहे असे  अभिनेता दलजित दोसांज याने सिंघु बॉर्डवर शेतकऱ्यांकडून करणाऱ्या येणाऱ्या आंदोलनात सहभागी होत म्हटले आहे.

पंतप्रधान नरेंद्र मोदी यांच्या हस्ते आग्रा मेट्रो प्रोजेक्टच्या कंस्ट्रक्शनचे येत्या 7 डिसेंबरला वर्च्युअली उद्घाटन करण्यात येणार  आहे.

सरकारने आमच्या मागण्यांसदर्भात निर्णय घ्यावा अन्यथा आम्ही बैठकीतून निघून जाऊ  असे शेतकऱ्यांच्या नेत्यांनी म्हटले आहे.

जम्मू-कश्मीर मध्ये पाकिस्तानकडून पुंछ जिल्ह्यातील शस्रसंधीचे उल्लंघन  करण्यात आले आहे.

नवीन संसदेच्या इमारतीचा शिलान्यास सोहळा 10 डिसेंबर रोजी दुपारी 1 वाजता घेण्यात येईल, असा निर्णय घेण्यात आला आहे. पंतप्रधानांच्या भूमीपूजनाने हा सोहळा सुरू होईल अशी माहिती लोकसभा अध्यक्ष ओम बिर्ला यांनी दिली आहे.

Narco-terrorism case मध्ये NIA कडून आरोपींच्या 6 विरोधात चार्जशीट दाखल करण्यात आले आहे.

बिहारमध्ये काल दिवसभरात 573 नवे कोरोनाचे रुग्ण आढळले असून राज्यात कोरोना बाधितांची एकूण संख्या 6145 वर पोहोचली आहे अशी माहिती बिहार आरोग्य विभागाने दिली आहे.

शेतकरी आंदोलनासंदर्भात  आज नवी दिल्लीतील विज्ञान भवनात शेतक-यांचे प्रतिनिधी आणि केंद्र सरकार यांच्यात बैठकीला सुरुवात झाली आहे.

मुख्यमंत्री उद्धव ठाकरे यांनी हिंदुहृदयसम्राट बाळासाहेब ठाकरे महाराष्ट्र समृद्धी महामार्गाची पाहणी केली. या वेळी हा महामार्ग लवकरच पूर्ण होईल, असा आशावाद व्यक्त केला.