Lockdown5 आणि Unlock1 च्या अनुषंगाने पुणे शहरातील नियमावली सोमवारी प्रसिद्ध होणार ; 31 मे 2020 च्या ताज्या मराठी बातम्या आणि ब्रेकिंग न्यूज LIVE

Lockdown5 आणि Unlock1 च्या अनुषंगाने पुणे शहरातील नियमावली सोमवारी प्रसिद्ध होणार आहे. यात राज्य सरकारने दिलेले निर्देश आणि स्थानिक पातळीवर दिलेली मुभा, याला अनुसरून ही नियमावली तयार केली जाते.

पुण्यात गेल्या 24 तासांत 285 जणांची कोरोना चाचणी पॉझिटिव्ह आली असून 8 जणांचा मृत्यू झाला आहे. त्यामुळे पुण्यातील कोरोना बाधित रुग्णांची संख्या 7750 वर पोहोचली आहे. तसेच आज 152 रुग्णांना डिस्चार्ज देण्यात आला आहे. आतापर्यंत पुण्यात 4502 रुग्णांनी कोरोनावर मात केली आहे.

राज्यात १५ ते ३१ मे या काळात ६ लाख ६८ हजार ६४५ ग्राहकांना घरपोच मद्यविक्री. दिवसभरात ६३ हजार ९६२ ग्राहकांना घरपोच मद्य, यापैकी मुंबई शहर, मुंबई उपनगरात ४१ हजार ५३४ ग्राहकांना घरपोच मद्यविक्री, करण्यात आल्याची माहिती उत्पादन शुल्क आयुक्त कांतीलाल उमाप यांनी दिली आहे.

येत्या रविवारपासून महाराष्ट्रात वृत्तपत्रांच्या दारात डिलिव्हरीस परवानगी - उद्धव ठाकरे

येत्या काळात आरोग्य, शिक्षणाला प्राधान्य देण्यात येणार असल्याचे उद्धव ठाकरे यांनी म्हटले आहे. 

शाळा कधी सुरु होणार यापेक्षा शिक्षण कसे सुरु होणार याकडे लक्ष देण्यात येणार आहे. 

ज्या विद्यार्थ्यांना परीक्षेला बसायची इच्छा असल्यास त्यांच्यासाठी सुद्धा संधी देणार असल्याचे मुख्यमंत्री उद्धव ठाकरे यांनी म्हटले आहे. 

राज्यात तातडीने परीक्षा घेणे अशक्य असल्याचे उद्धव ठाकरे यांनी माहिती दिली आहे. अंतिम वर्षाच्या विद्यार्थ्यांना सरासरी गुण देऊ पास करण्याचा निर्णय घेण्यात आला आहे. 

पियुष गोयल यांनी राज्याला ट्रेन दिल्याबाबत उद्धव ठाकरे यांनी आभार मानले आहेत. 

मुख्यमंत्री सहाय्यता निधीतून  90 कोटीपर्यंत खर्च करण्यात आले असल्याचे उद्धव ठाकरे यांनी म्हटले आहे. 

संसर्ग रोखणे, तीव्रता रोखणे, मृत्यूदर घटवणे हेच  सरकारचे उद्दिष्ट असल्याचे उद्धव ठाकरे यांनी म्हटले आहे. 

महाराष्ट्रात ऑक्सिजन बेड्सची संख्या वाढवण्यावर भर देण्यात येणार असल्याचे मुख्यमंत्री उद्धव ठाकरे यांनी म्हटले आहे. 

राज्यातील कोरोना चाचणी केंद्रांची संख्या 100 करणार असल्याचे  मुख्यमंत्री उद्धव ठाकरे यांनी म्हटले आहे. 

पुढील रविवार (7 जून) पासून वृत्तपत्र घरपोच सेवा देण्यासाठी परवानगी देत असल्याचे उद्धव ठाकरे यांनी स्पष्ट केले आहे. 

राज्यात आतापर्यंत कोरोनाचे  65 हजार रुग्ण आढळून आले असून त्यापैकी 28 हजारांच्या आसपास रुग्णांची प्रकृती सुधारल्याचे उद्धव ठाकरे यांनी म्हटले आहे. 

राज्यातील 55-60 वर्षावरील नागरिकांनी घराबाहेर पडू नये असे मुख्यमंत्री उद्धव ठाकरे  यांनी म्हटले आहे. 

येत्या 5 जून पासून Odd-Even पद्धतीने दुकाने सुरु करण्यात येणार असल्याचे मुख्यमंत्री उद्धव ठाकरे यांनी म्हटले आहे. 

पुढचे काही दिवस कोरोना संबंधितचे नियम काटेकोरपणे पाळा असे उद्धव ठाकरे यांनी स्पष्ट केले आहे. 

कोरोनाच्या परिस्थितीत घराबाहेर पडताना तोंडावार मास्क लावणे अनिवार्य असणार असल्याचे मुख्यमंत्री उद्धव ठाकरे यांनी स्पष्ट केले आहे. 

येत्या 2-3 दिवसात चक्रीवादळ पश्चिम किनाऱ्यावर धडकण्याची शक्यता आहे. त्यामुळे पुढील काही दिवस मच्छीमारांनी समुद्रात जाण्याचे टाळावे असे मुख्यमंत्री उद्धव ठाकरे यांनी स्पष्ट केले आहे.