दिल्लीतील कंटेन्मेंट झोनच्या यादीमध्ये 14 नवीन ठिकाणांचा समावेश; 22 मे 2020 च्या ताज्या मराठी बातम्या आणि ब्रेकिंग न्यूज LIVE

दिल्लीतील कंटेन्मेंट झोनच्या यादीमध्ये 14 नवीन ठिकाणांचा समावेश झाला आहे. त्यामुळे दिल्लीतील कंटेन्मेंट झोनची एकूण संख्या 92 झाली आहे.

लॉकडाऊन काळात नाशिकमध्ये 'महात्मा गांधी राष्ट्रीय ग्रामीण रोजगार हमी योजने'अंतर्गत (मनरेगा) 75 हजार 997 मजूरांना रोजगार उपलब्ध करून देण्यात आला आहे. मनरेगा अंतर्गत शेल्फवर 98 हजार 851 कामे ठेवण्यात आली आहेत. यात 1 लाखापेक्षा अधिक अपूर्ण कामे उपलब्ध आहेत. 

अमेरिकेहून एअर इंडियाचे विमान दिल्ली येथे दाखल झाले आहे.

महाराष्ट्रातील विद्यापीठांच्या विद्यार्थ्यांच्या अंतिम वर्षाच्या परीक्षेसंदर्भात लवकर निर्णय घ्या, अशी सुचना राज्यपाल भगसिंग कोश्यारी यांनी मुख्यमंत्री उद्धव ठाकरे यांना केली आहे.

राज्यात आज दिवसभरात 30 हजार 624 ग्राहकांना घरपोच मद्यसेवा देण्यात आली.

थायोरोकेअर लॅब या आयसीएमआरच्या अधिकृत प्रयोगशाळेत कोव्हीड-19 च्या स्वब तपासणीत, 6 प्रकरणात चुकीचा अहवाल आढळला आहे. यामुळे या लॅबला ठाण्यात कोव्हीड-19 चे स्वॅब तपासणी करण्यास बंदी घालण्याचा आदेश, मा. महापालिका आयुक्त श्री विजय सिंघल यांनी दिला आहे.

मुंबईसह राज्यातील सर्व खासगी व धर्मादाय आयुक्तांकडे नोंदणीकृत असलेल्या रुग्णालयांमधील 80 टक्के खाटा कोरोना व अन्य रुग्णांच्या उपचारासाठी राखीव राहणार असल्याचा महत्त्वपूर्ण निर्णय आरोग्यमंत्री राजेश टोपे यांनी दिला आहे.

पश्चिम बंगाल येथे आणखी 135 कोरोनाग्रस्त रुग्ण आढळून आल्याने आकडा 3322 वर पोहचला आहे.

जम्मू-कश्मीर मधील श्रीनगर येथे 2G इंटरनेट सेवा पुन्हा सुरु करण्यात आली आहे.

मुंबईत आज नवे 1751 कोरोनाबाधित रुग्ण आढळून आल्याने आकडा 27,068 वर पोहचला तर 27 जणांचा बळी गेला आहे.

मुंबईतील धारावीत आज आणखी 53 कोरोनाबाधित रुग्ण आढळून आल्याने आकडा 1478 वर पोहचला आहे.

महाराष्ट्रात एका दिवसात सर्वाधिक 2940 कोरोनाबाधित रुग्ण आढळून आल्याने आकडा 44,582 वर पोहचला आहे.

महाराष्ट्र सरकारकडून टीव्ही उत्पादन सुरु करण्याचा विचार करण्यात येत आहे.

पंजाब येथे कोरोनाबाधितांचा आकडा 2029 वर पोहचला असून 39 जणांचा बळी गेला आहे.

गोव्यात आणखी 2 कोरोनाग्रस्त रुग्ण आढळून आल्याने आकडा 54 वर पोहचला आहे.

मुंबईत कंन्टेंटमेंट झोन वगळून दारुची घरपोच विक्री करण्यास परवानगी देण्यात आली आहे. मात्र दुकानात जाऊन दारु खरेदी करण्यास मनाई असणार आहे.

पाकिस्तान येथील विमान अपघात दुर्घटनेप्रकरणी पंतप्रधान नरेंद्र मोदी यांनी दु:ख व्यक्त केले आहे.

तमिळनाडू येथे नवे 786 कोरोनाबाधित रुग्ण आढळून आल्याने आकडा 14,753 वर पोहचला आहे.

आसाम मधील तेजापूर क्वारंटाइन सेंटर मधील आणखी 6 जण कोरोनाग्रस्त आढळून आल्याने आकडा 222 वर पोहचला आहे.

अम्फान चक्रीवादळाच्या परिस्थितीसाठी भारत सरकारकडून ओडिशासाठी 500 कोटींची घोषणा करण्यात आली आहे.