डोनाल्ड ट्रम्प यांच्या भारत दौऱ्यासाठी गुजरात येथे मिनी मोटेरा स्टेडिअमची उभारणी; 21 फेब्रुवारी 2020 च्या ताज्या मराठी बातम्या आणि ब्रेकिंग न्यूज LIVE

डोनाल्ड ट्रम्प यांच्या भारत दौऱ्यासाठी गुजरात येथे मिनी मोटेरा स्टेडिअमची उभारणी करण्यात आली आहे.

शाहिन बाग येथील आंदोलकांसोबत संवाद साधण्यासाठी संजय हेगडे आणि साधना रामचंद्रन यांची सुप्रीम कोर्टाकडून नियुक्ती करण्यात आली आहे.

नंदूरबार मधील सेंट्रल किचनला राज्यपाल भगतसिंग कोश्यारी यांनी भेट दिली आहे. या आश्रमात हजारोंच्या संख्येने जेवण बनवले जाते.

नंदूरबार मधील सेंट्रल किचनला राज्यपाल भगतसिंग कोश्यारी यांनी भेट दिली आहे. या आश्रमात हजारोंच्या संख्येने जेवण बनवले जाते.

मनसेचे औरंगाबाद जिल्हाध्यक्ष गौतम अमराव यांची पक्षातून हकालपट्टी करण्यात आली आहे. 

मुंबईतील पत्रकारांना धक्काबुक्की आणि शिवीगाळ करणाऱ्या 6 जणांना पोलिसांनी अटक केली आहे. ओशिवरा येथे 19 वर्षीय तरुणी नाल्यात वाहून गेल्याच्या घटनेचं वार्तांकन करण्यासाठी गेलेल्या पत्रकारांना धक्काबुक्की आणि शिवीगाळ करण्यात आली होती. दरम्यान आज पोलिसांनी या प्रकरणी 6 जणांना अटक केली आहे. 

मुख्यमंत्री उद्धव ठाकरे, आदित्य ठाकरे, संजय राऊत यांनी भाजपचे ज्येष्ठ नेते लालकृष्ण अडवाणी यांची भेट घेतली

मुख्यमंत्री उद्धव ठाकरे सोनिया गांधींच्या निवासस्थानातून बाहेर पडले आहेत. या भेटीत दोन्ही नेत्यांची तासभर चर्चा झाली.

पुण्यातील जनता वसाहतमधील कॅनॉलमध्ये 13 वर्षीय मुलगा वाहून गेल्याची घटना घडली आहे. सुरेश बागल, असं या मुलाचं नाव आहे. त्यामुळे पुण्यातील कॅनॉल शेजारी राहणाऱ्या नागरिकांच्या लहान मुलांच्या सुरक्षेचा प्रश्न ऐरणीवर आला आहे.

माजी मुख्यमंत्री देवेंद्र फडणवीस यांनी पहिल्यांदाच दिली वारिस पठाण यांच्या वादग्रस्त वक्तव्यावर प्रतिक्रिया दिली आहे. एमआयएमचे आमदार वारिस पठाण यांच्या वादग्रस्त वक्तव्याचे राज्यभरात खळबळ उडाली आहे. यावर देवेंद्र फडणवीस यांनी टीका केली आहे. वारिस पठाण यांचं वक्तव्य निंदनीय आहे. खरंतर या देशात 100 कोटीहून अधिक हिंदू असल्यानेचं देशात कुणालाही बोलण्याचा अधिकार आहे, हे वारिस पठाण यांनी लक्षात ठेवलं पाहिजे, असंही फडणवीस यावेळी म्हणाले. 

सातारा जिल्ह्यात एका 17 वर्षीय तरुणाची 25 लाखांच्या खंडणीसाठी  हत्या करण्यात आली आहे. तेजस विजय जाधव, असं या तरुणाचं नाव आहे. आरोपींनी तेजसची हत्या करून त्याचा मृतदेह विहिरीत बांधून ठेवला होता. या प्रकरणी पोलिसांनी 2 जणांना ताब्यात घेतलं आहे. 

पंतप्रधान नरेंद्र मोदी यांची भेट घेतल्यावर आता मुख्यमंत्री उद्धव ठाकरे हे काँग्रेच्या अध्यक्ष सोनिया गांधी यांच्या निवासस्थानी दाखल झाले आहेत. 

पंतप्रधान नरेंद्र मोदी यांची आज दिल्ली येथे भेट घेतल्यावर मुख्यमंत्री उद्धव ठाकरे यांनी माध्यमांशी संवाद साधला. यावेळी केंद्र आणि राज्य सार्कमध्ये कोणतीही ठिणगी नसल्याचे ठाकरे यांनी स्पष्ट केले आहे, पंतप्रधानांनी राज्याच्या वृद्धीसाठी सहकार्य करणार असल्याचे आश्वासन दिले आहे असेही ठाकरे यांनी म्हंटले आहे. 

पंतप्रधान नरेंद्र मोदी यांची भेट घेऊन CAA, NPR आणि NRC वर चर्चा झाल्याची माहिती मुख्यमंत्री उद्धव ठाकरे यांनी दिली आहे. CAA आणि NPR हा देशासाठी घातक नसल्याचे ठाकरे यांनी पुन्हा एकदा स्पष्ट केले आहे तसेच काहीही झाले तरी NRC राज्यात लागू होऊ देणार नाही असेही ते म्हणाले. तसेच आपण राज्यातील नागरिकांना सुरक्षित ठेवण्याचे आश्वासन केले होते, हे वचन पाळण्यासाठी मोदी सुद्धा मदत करतील असे आश्वासन त्यांनी या भेटीत दिल्याचे ठाकरे यांनी म्हंटले आहे. 

नायर रुग्णालयातील रहिवासी डॉक्टर पायल तडवी हिला आत्महत्येसाठी प्रवृत्त करणाऱ्या आरोपींनी नायर रुग्णालयात काम करू देण्याची विनंती केली होती ही विनंती आज मुंबई उच्च न्यायालयाने फेटाळून लावली आहे. असं असलं तरीही आरोपी डॉक्टरांचे परवाना निलंबन न्यायालयाकडून रद्द करण्यात आले आहे.

महाराष्ट्राचे मुख्यमंत्री उद्धव ठाकरे हे मागील एक तासापासून पंतप्रधान नरेंद्र मोदी यांच्या निवासस्थानी उपस्थित असून या दोघांमध्ये नेमक्या काय चर्चा सुरु आहेत याबाबत थोड्याच वेळात पत्रकार परिषदेत उद्धव ठाकरे माहिती देणार आहेत, या चर्चा सत्राला मंत्री आदित्य ठाकरे सुद्धा उपस्थित आहेत.

अयोध्येत बुद्ध मंदिर उभारण्यासाठी भूखंड देण्यात यावा अशी मागणी केंद्रीय राज्यमंत्री रामदास आठवले यांनी केली आहे . आमच्या मागणीचा विचार न झाल्यास आम्ही ट्रस्ट स्थापन करून  अयोध्येत जमीन घेऊन तेथे बुद्ध विहार बनवून उभारू असेही त्यांनी सांगितले

मुख्यमंत्री उद्धव ठाकरे यांनी काही वेळापुर्वी पंतप्रधान नरेंद्र मोदी यांच्यासोबत नियोजित भेट घेतली आहे. महाराष्ट्र सत्ता संघर्षानंतर ठाकरे आणि मोदी यांची ही पहिलीच भेट असून यामध्ये GST सहित राज्यातील केंद्राच्या योगदानाविषयी चर्चा होऊ शकते.

उद्धव ठाकरे हे 5  वाजता  पंतप्रधान नरेंद्र मोदी यांची भेट घेणार आहेत, साधारण 30 मिनिटे ही भेट होऊ शकते, तसेच आज रात्री 9 वाजता ठाकरे हे अमित शहा यांच्या भेटीला जाणार आहेत. 

दिल्ली दौऱ्यावर असलेले मुख्यमंत्री उद्धव ठाकरे पंतप्रधान नरेंद्र मोदी यांच्या भेटीसाठी निघाले आहेत. आज सायंकाळी 5 वाजता दोन्ही नेत्यांमध्ये भेट होत आहे. ठरलेल्या वेळानुसार भेटण्यासाठी उद्धव ठाकरे यांचा ताफा निघाला आहे.