हरियाणा विधानसभेच्या मॉन्सून सत्राचा दुसरा भाग 5 नोव्हेंबर 2020 पासून सुरू होणार; 20 ऑक्टोबर 2020 च्या ताज्या मराठी बातम्या आणि ब्रेकिंग न्यूज LIVE

हरियाणा विधानसभेच्या मॉन्सून सत्राचा दुसरा भाग 5 नोव्हेंबर 2020 पासून सुरू होणार आहे.

दुबईच्या आयपीएल सामन्यात किंग्ज इलेव्हन पंजाबने दिल्ली कॅपिटलसवर पाच गडी राखून पराभव केला.

राज्यभरातील शाळा 2 नोव्हेंबरपासून पुन्हा सुरू होणार आहेत. शाळा केवळ अर्ध्या दिवसासाठी कार्यरत असतील आणि विद्यार्थ्यांना दुपारच्या जेवणा नंतर घरी पाठवले जाईल. राज्य सरकारनेही विद्यार्थ्यांसाठी पर्यायी दिवसांवर वर्ग घेण्याचे ठरविले आहे, असं आंध्र प्रदेशचे मुख्यमंत्र्यांनी सांगितलं आहे.

सहायक महासंचालक पंकज गोयल यांचे तातडीने निलंबन करण्यात आले आहे.

मणिपूर पोलिसांसह आसाम रायफल्सने बिष्णुपूर जिल्ह्यातील चोथे गावात केसीपी (पीडब्ल्यूजी - खुमान) च्या दोन सक्रिय कार्यकर्त्यांना अटक केली, ज्यात एक 9 मिमी पिस्तूल (यूएसए -111), जिवंत दारूगोळा, दोन चिनी हँड ग्रेनेड आणि दोन डिटोनेटर्स जप्त केले आहेत. आसाम रायफल्सने याबाबत माहिती दिली.

तेलंगणा: हैदराबादमध्ये पावसामुळे सामान्य जीवनावर मोठा परिणाम झाला आहे. पावसामुळे शहरातील अनेक भाग पाण्याखाली गेले आहेत. इथले स्थानिक, उपेंद्र म्हणतात, 'मी येथे 30 वर्षांपासून राहत आहे पण मला एवढा पूर कधी दिसला नाही. हे सरकारच्या दुर्लक्षामुळे आहे. येथे ड्रेनेजचे काम व्यवस्थित नाही.'

कोरोना नियंत्रणासाठी महत्त्वाचा घटक असलेल्या मास्कची किंमत निश्चित करून तो योग्य किंमतीत मिळण्यासाठी, पुढाकार घेणारे राज्य म्हणून महाराष्ट्र देशात अग्रेसर ठरले आहे. आता एन 95 मास्क 19 ते 49 रुपये तर दुपदरी व तिनपदरी मास्क 3 ते 4 रुपयांना मिळणार. शासन निर्णय जाहीर-आरोग्यमंत्री राजेश टोपे यांनी याबाबत माहिती दिली.

मुंबईत कोरोनाचे आणखी 1090 रुग्ण आढळले असून 1470 जणांची प्रकृती सुधारली आहे.

महाराष्ट्रात कोरोनाचे आणखी 8151 रुग्ण आढळल्याने आकडा 16,09,516 वर पोहचला आहे.

दिल्लीत कोरोनाचे आणखी 3579 रुग्ण आढळले असून 41 जणांचा बळी गेला आहे.

बिहार मधील सिलौत ते सिहो दरम्यान आज गोरखपूर-कोलकाता पूजा स्पेशल ट्रेनचे दोन डबे रुळावरुन घसरल्याची घटना घडली आहे.

सुशांत सिंह राजपूत याच्या मृत्यूप्रकरणी अटक करण्यात आलेल्या दिपेश सावंत याने हायकोर्टात याचिका दाखल केली आहे.

गुजरात येथे कोरोनाचे आणखी 1126 रुग्ण आढळले आहेत.

आंध्र प्रदेशात कोरोनाचे आणखी 3503 रुग्ण आढळले आहेत.

लोक जनशक्ती पक्षाकडून बिहार विधानसभा निवडणूकीसाठी उमेदवारांची तिसरी यादी जाहीर करण्यात आली आहे.

केरळ येथे कोरोनाचे आणखी 6591 रुग्ण आढळले आहेत.

छत्तीसगढ मधील गोलाकोंडा येथे झालेल्या चकमकीत दोन नक्षलवाद्यांचा खात्मा तर 2 जवान जखमी झाले आहेत.

पाकिस्तान मधील कराची येथे रिमोट कंट्रोल ब्लास्टमध्ये  पाच जण जखमी झाले आहेत.

कोरोनाच्या काळात अधिकाधिक जनजागृती करावी असे  पंतप्रधान नरेंद्र मोदी यांनी म्हटले आहे. 

सणासुदीचे दिवस हे आपल्या आयुष्यातील उत्साहाचे दिवस आहेत पण थोडासा सुद्धा निष्काळजीपणा आपल्या अंगी येईल असे पंतप्रधान नरेंद्र मोदी यांनी म्हटले आहे.