लॉकडाऊनच्या काळात दीड लाखाहून अधिक नागरिकांचे घरोघरी जाऊन मास स्क्रिनींग- नवी मुंबई महानगरपालिका; 13 जुलै 2020 च्या ताज्या मराठी बातम्या आणि ब्रेकिंग न्यूज LIVE

लॉकडाऊनच्या काळात दीड लाखाहून अधिक नागरिकांचे घरोघरी जाऊन मास स्क्रिनींग करण्यात आले आहेत, अशी माहिती नवी मुंबई महानगरपालिकेने दिली आहे. ट्वीट- 

आसाममधील लग्नाला आलेल्या मेघालयातील 41 जणांवर कोरोनव्हायरस प्रोटोकॉलचे उल्लंघन केल्याप्रकरणी गुन्हा दाखल करण्यात आला आहे. त्यापैकी 10 जणांची कोरोना व्हायरस चाचणी पॉझिटिव्ह आली आहे.

पुणे शहरात आज नवे 832 कोरोनाबाधित रुग्ण आढळले असून, यात नायडू-महापालिका रुग्णालये 658, खासगी 153 आणि ससूनमधील 21 रुग्णांचा समावेश आहे. आजच्या 832 रुग्णांसह पुणे शहरातील एकूण रुग्णसंख्या आता 28, 357 इतकी झाली आहे.

पुणे शहरात आज नवे 832 कोरोनाबाधित रुग्ण आढळले असून, यात नायडू-महापालिका रुग्णालये 658, खासगी 153 आणि ससूनमधील 21 रुग्णांचा समावेश आहे. आजच्या 832 रुग्णांसह पुणे शहरातील एकूण रुग्णसंख्या आता 28, 357 इतकी झाली आहे.

राज्याचे उपमुख्यमंत्री अजित पवार यांच्या वाढदिवसानिमित्त कोरोनाच्या पार्श्वभूमीवर सामाजिक जाणिवेतून परळी शहरात 15 ते 22 जुलै दरम्यान 'वाढदिवस सेवा सप्ताह' आयोजित केला आहे. शहरात कोरोना मदत केंद्र उभारून त्याद्वारे कोविड योद्ध्यांना आवश्यक साहित्य पुरविले जाणार आहे.

राज्याचे उपमुख्यमंत्री अजित पवार यांच्या वाढदिवसानिमित्त कोरोनाच्या पार्श्वभूमीवर सामाजिक जाणिवेतून परळी शहरात 15 ते 22 जुलै दरम्यान 'वाढदिवस सेवा सप्ताह' आयोजित केला आहे. शहरात कोरोना मदत केंद्र उभारून त्याद्वारे कोविड योद्ध्यांना आवश्यक साहित्य पुरविले जाणार आहे.

अमिताभ बच्चन यांना कोरोना व्हायरसची लागण झाल्याच्या बातमीने अनेकजण अस्वस्थ झाले आहेत. त्यांच्या आरोग्यासाठी सर्वत्र प्रार्थना केल्या जात आहेत. अशात पश्चिम बंगालच्या कोलकाता येथे अमिताभ बच्चन यांच्या चाहत्यांनी त्यांच्या आरोग्यासाठी 'महामृत्युंजय यज्ञ' आयोजित केला होता.

आज जारी केलेल्या आदेशानुसार, कोरोना व्हायरस प्रकरणे आढळल्याने, मध्य दिल्लीतील भारतीय रेल्वेचे मुख्यालय असलेले रेल्वे भवन 14 व 15 जुलै रोजी बंद राहणार आहे.

राजकीय परिस्थितीबद्दल चर्चा करण्यासाठी कॉंग्रेसच्या विधानसभेची (CLP) बैठक उद्या सकाळी 10 वाजता आयोजित करण्यात आली आहे. यावेळी आर.एस. सुरजेवाला यांनी सचिन पायलट व सर्व आमदारांनी उपस्थित राहावे अशी विनंती केली. या सर्वांनी यावे व परिस्थितीवर चर्चा करावी अशी इच्छा सुरजेवाला यांनी व्यक्त केली.

नेपाळ चे पंतप्रधान केपी शर्मा ओली यांनी एका प्रसंगी प्रभू श्री राम नेपाळी होते भारतीय नाही आणि खरं अयोध्या सुद्धा नेपाळ मध्ये आहे असे विधान केले आहे. नेपाळी माध्यमाच्या हवाल्याने ANI ने हे वृत्त दिले आहे.

 लातूर जिल्हयात 15 ते 30 जूलै दरम्यान पून्हा लॉकडाऊन जाहीर करण्यात आला आहे. त्यांची कठोर अमंलबजावणी करून रुग्ण वाढीची साखळी तोडण्यात येईल अशी माहिती सोमवारी लोकप्रतिनिधींच्या बैठकीत अमित देशमुख यांनी दिली आहे

अमरावती जिल्ह्यात 47 नवीन कोरोना बाधित रुग्ण मिळाले असून कोरोना रुग्णांची संख्या 961 झाली आहे.तर आतापर्यंत 641 जण कोरोनामुक्त होऊन घरी गेले आहेत.आज २ रुग्णांचा मृत्यू झाल्यामुळे आता कोरोनामुळे मृतांची संख्या 34 झाली आहे. सध्या 272 रुग्ण रुग्णालयात उपचार घेत आहेत.

मुंबईत आज कोरोनाचे 1174 नवे रुग्ण आढळून आले आहेत, यानुसार शहरातील एकूण कोरोनाबाधितांची संख्या 93 हजार 894 वर पोहचली आहे. आजच्या दिवसभरात एकूण 750 जणांनी कोरोनावर मात केली आहे तर 47 जणांचा कोरोनाने बळी गेला आहे.

महाराष्ट्रात आज 6,497 ,कोरोना रुग्ण आढळून आले आहेत, याशिवाय 4,182 जणांना आज डिस्चार्ज देण्यात आला तर 193 मृत्यूंची नोंद झाली आहे. यानुसार राज्यात एकूण रुग्णांची संख्या  2,60,924 इतकी झाली असून यापैकी आजवर 1,44,507 जण कोरोनातून बरे होऊन घरी परतले आहेत तर 10,482 जणांचा मृत्यू झाला आहे. यासंदर्भात आरोग्य विभातर्फे माहिती देण्यात आली.

रायगड जिल्ह्यात 15 जुलैच्या मध्यरात्री 12 वाजल्यापासून ते 24 जुलैच्या मध्यरात्री 12 वाजेपर्यंत पुन्हा लॉकडाऊन. लॉकडाऊनमधून शेती कामांना सूट देण्यात आली असून अलिबागमध्ये नियंत्रण कक्ष सुरू करण्यात आला असल्याची माहिती पालकमंत्री अदिती तटकरे यांनी पत्रकार परिषदेत दिली.

मुंबईला पाणीपुरवठा करणार्‍या तलावांच्या पाणलोट क्षेत्रात जुलैच्या सुरुवातीपासूनच समाधानकारक पाऊस सुरू आहे. सोमवारी  3,39,067 दशलक्ष लिटर पाणी तलावात जमा झाले असून ऑक्टोबर च्या मध्यापर्यंत पुरेल इतका हा पाणी साठा आहे.

भारतामधील महागाईचा दर जूनमध्ये 6.09 टक्के राहिला असल्याची माहिती सरकारी आकडेवारीमधून मिळाली आहे.

‘उमेश दादा’ असे टोपणनाव वापरून समाज माध्यमांवर शिवीगाळ करण्याचा व धमकी देण्याचा व्हिडीओ टाकणाऱ्या आरोपीला मुंबई पोलीस सायबर क्राईम शाखेने अटक केली आहे व भारतीय दंड संहिता व माहिती तंत्रज्ञान कायद्याच्या कलमांतर्गत कारवाई केली आहे.

सध्या राजस्थानमध्ये मोठी राजकीय उलथापालथ झाली आहे. सचिन पायलट यांनी 30 आमदारांसह बंड केल्यानंतर ते भाजपचा रस्ता धरतील अशी शक्यता वर्तवली गेली होती. मात्र आता त्यांच्या निकटवर्तीय सूत्रांनी दिलेल्या माहितीनुसार, सचिन पायलट भाजपमध्ये सामील होणार नसल्याची माहिती मिळत आहे.

राजस्थानचे उपुमख्यमंत्री सचिन पायलट यांच्या बंडानंतर काँग्रेस सरकारवर आलेले गंडांतर तुर्तास टळले आहे. असे असले तरी सचिन पायलट यांची नाराजी कायम असून, त्यांची मनधरणी सुरु असल्याचे चित्र सध्या दिसत आहे.