उत्तर प्रदेशात 6 नव्या रुग्णांसह कोरोना बाधितांची एकूण संख्या 25,430 वर ; 13 फेब्रुवारीच्या ताज्या मराठी बातम्या आणि ब्रेकिंग न्यूज LIVE

उत्तर प्रदेशात 6 नव्या रुग्णांसह कोरोना बाधितांची एकूण संख्या 25,430 वर पोहोचली आहे.

झारखंडमध्ये आज दिवसभरात 41 नवे कोरोनाचे रुग्ण आढळले असून 29 रुग्णांनी कोरोनावर मात केली आहे.

दिल्लीत मागील 24 तासांत 138 कोरोना रुग्ण बरे झाले असून आतापर्यंत एकूण 6,24,866 रुग्णांनी कोरोनावर मात केली आहे.

मणिपूर मध्ये 17 नव्या रुग्णांसह कोरोना बाधितांची एकूण संख्या 29,183 वर पोहोचली आहे. तर मृतांचा एकूण आकडा 373 वर पोहोचली आहे.

उत्तराखंड मधील तपोवन परिस्थितीचा आपत्ती निवारण दलाच्या पथकाकडून आढावा  घेण्यात आला आहे.

जपान मधील Namie च्या ईस्ट नॉर्थईस्ट मध्ये  भुंकपाचे धक्के  जाणवले आहेत.

राहुल गांधी यांनी जयपूर मधील ट्रॅक्टर रॅलीला दर्शवला पाठिंबा, पहा फोटो

मालेगाव मधील दाभाडी येथील शेतकऱ्याने शेतात पिकवले रंगीत फ्लॉवर्स, पहा फोटो

देशात आतापर्यंत 80,52,454 जणांचे लसीकरण झाल्याची आरोग्य मंत्रालयाने माहिती दिली आहे. 

दिल्ली पोलिसांकडून नागरिकांना बनावट पासपोर्ट आणि व्हिजा देणाऱ्या 59 एजेंट्सना अटक  करण्यात आली आहे.

मुंबईतील गुन्हे शाखेकडून 3.2 किलोचा चरस जप्त करण्यात आला असून दोन ड्रग्ज पेडलरला अटक करण्यात आली आहे.

नियमितपणे मालमत्ता कर भरणाऱ्या नागरिकांना करातून 12 टक्के सवलत देण्याचा लातूर महापालिकेने निर्णय घेतला आहे.

लोकसभेचे कामकाज 8 मार्च पर्यंत दुपारी 4 वाजेपर्यंत तहकूब करण्यात आले आहे.

बर्ड फ्लू तसेच इतर रोगांमुळे पोल्ट्री व्यवसायाचे होणारे नुकसान टाळण्यासाठी दुग्ध आणि पशु विकास विभाग पशुधन विमा योजना राबवणार आहे.

पूजा चव्हाण आतमहत्या प्रकरणी संबंधित मंत्र्याचा राजीनामा घेण्यात यावा अशी मागणी भाजप प्रदेध्यक्ष चंद्रकांत पाटील यांनी केली आहे.

पंतप्रधान नरेंद्र मोदी यांना देशातील शेती त्यांच्या दोन मित्रांकडे सोपवायची आहे, असा आरोप काँग्रेस नेते राहुल गांधी यांनी केला आहे.

एखाद्या प्रकरणात पूर्ण माहिती नसताना एखाद्या नेत्याचे नाव जोडणे योग्य नाही, अशी प्रतिक्रिया बंजारा समाजाचे स्वामी जितेंद्र महाराज यांनी व्यक्त केली आहे. ते पूजा चव्हाण आत्महत्या प्रकरणी संजय राठोड यांचा संबंध जोडत दिल्या जाणाऱ्या वृत्ताबाबत ते बोलत होते.

राज्यात खळबळ उडवून दिलेल्या पूजा चव्हाण आत्महत्या प्रकरणात एक मोठी माहिती पुढे आली आहे. पूजा चव्हाण हिचा मृत्यू डोक्याला मार लागल्याने झाल्याचे तिचे शवविच्छेदन अहवालातून पुढे आले आहे.

अमित शाह यांनी लोकसभेत आज काँग्रेस नेते मनीष तिवारी यांना करुन दिली काँग्रेस सरकारची आठवण करुन दिली. ते म्हणाले, मनीष भाई (मनीष तिवारी), कॉंग्रेसचे दिवस आठवा. हजारो लोक मारले गेले, दिवसांसाठी कर्फ्यू लादला. आकडेवारीच्या आधारे परिस्थितीवर बोला. काश्मीरमधील शांतता ही एक मोठी गोष्ट आहे. मला अशांततेचे दिवस आठवायचे नाहीत. असे दिवस पुन्हा (जम्मू-काश्मीर) येणार नाहीत कारण आता ते आमचे सरकार आहे, असे अमित शाह म्हणाले.

काँग्रेस खासदार टी एन प्रतापण यांनी अर्थमंत्री निर्मला सीतारमण यांच्याविरुद्ध हंक्कभंगाची नोटीस दिली आहे. लोकसभेतील भाषणादरम्यान, अर्थमंत्री सीतारमण यांनी वायनाडच खासदार राहुल गांधी यांच्याबद्दल 'Doomsday man of India' असे उद्गार काढले होते. या उद्गारांवरुनच प्रतापण यांनी ही नोटीस दिली आहे.