पंतप्रधान नरेंद्र मोदी 13 नोव्हेंबर ला जामनगर येथील आयुर्वेद शिक्षण व संशोधन संस्था (आयटीआरए) आणि जयपूर येथील राष्ट्रीय आयुर्वेद संस्थान (एनआयए) चे उद्घाटन करणार ; 11 नोव्हेंबर 2020 च्या ताज्या मराठी बातम्या आणि ब्रेकिंग न्यूज LIVE

पंतप्रधान नरेंद्र मोदी 13 नोव्हेंबर ला जामनगर येथील आयुर्वेद शिक्षण व संशोधन संस्था (आयटीआरए) आणि जयपूर येथील राष्ट्रीय आयुर्वेद संस्थान (एनआयए) चे उद्घाटन करणार आहेत.

उद्धव ठाकरे यांना माझ्या पत्रकारितेत अडचण असेल तर त्यांनी मला मुलाखत द्यावी. मी त्याच्याशी सहमत नसलेल्या मुद्द्यांवर माझ्याशी चर्चेचे आव्हान देतो, असं रिपब्लिक टीव्ही संपादक अर्णब गोस्वामी यांनी एनआयला मुलाखत देताना म्हटलं आहे.

अभिनेता अर्जुन रामपालची मैत्रीण Gabriella Demetriades एनसीबी ने 12 नोव्हेंबरला मादक पदार्थ संबंधित प्रकरणात पुन्हा समन्स बजावले आहे.

हरियाणामध्ये आज 2,546 नवे कोरोना बाधित रुग्ण आढळून आले असून 25 जणांचा मृत्यू झाला आहे.

दलाई लामा यांना भारतरत्नाने सन्मानित करावे, अशी मागणी भारतीय जनता पक्षाचे नेते शांता कुमार यांची पंतप्रधान नरेंद्र मोदींना पत्राद्वारे केली आहे.

'सबका साथ, सबका विश्वास, सबका विश्वास' यांचा विजय झाला, बिहारच्या निकालावर पंतप्रधान मोदी यांनी अशी प्रतिक्रिया दिली.

बंगळुरु: कोविड-19 संकटाचा दिवे विक्रेत्यांना मोठा फटका बसला आहे. दिवाळीपूर्वीही विक्री कमी होत असल्याचे त्यांनी म्हटले आहे. एका विक्रेत्यांने सांगितले की, सणासुदीच्या काळात व्यवसायाला  उभारी येईल, अशी आशा होती. परंतु, लॉकडाऊनच्या शिथलीकरणानंतरही अत्यंत कमी विक्री होत आहे. 

मुंबईत आज कोविड-19 चे 1,069 नवे रुग्ण आढळून आले असून 22 जणांचा मृत्यू झाला आहे. त्यामुळे मुंबईतील कोरोना बाधितांचा आकडा 2,66,746 वर पोहचला आहे. यापैकी 2,39,800 रुग्णांनी कोरोनावर मात केली असून सध्या 12,674 अॅक्टीव्ह रुग्ण आहेत. तर 10,503 जणांचा मृत्यू झाला आहे. अशी माहिती बीएमसीकडून देण्यात आली आहे.

कर्नाटकमध्ये आज 2,584 नवे कोरोना रुग्ण आढळून आले असून 23 जणांचा मृत्यू झाला आहे. याशिवाय 2,881 जणांना डिस्चार्ज देण्यात आला आहे.

दिवाळीच्या खरेदासाठी मुंबईच्या दादर मार्केटमध्ये प्रचंड गर्दी झाली आहे.

मुंबईः सर्वोच्च न्यायालयाच्या आदेशानंतर रिपब्लिक टीव्हीचे संपादक अर्णब गोस्वामी यांना तळोजा जेलमधून सोडण्यात आलं आहे.

महाराष्ट्रात आज 4,907 नव्या कोरोना बाधित रुग्णांची नोंद करण्यात आली असून 9,164 जणांना डिस्चार्ज देण्यात आला आहे. तसेच 125 जणांचा मृत्यू झाला आहे.

जानेवारी 2017 मध्ये आपल्या अल्पवयीन मुलीवर बलात्कार केल्याप्रकरणी हैदराबाद येथील कोर्टाने 45 वर्षांच्या मजुरास जन्मठेपेची शिक्षा सुनावली आहे.

मला देशातील जनतेचे आभार मानायचे आहे, त्यांनी भाजपला राज्यभरातील निवडणुका जिंकल्यामुळे नव्हे तर आपल्या सर्वांनी उत्साहाने लोकशाही उत्सवात भाग घेतला, असं पंतप्रधान नरेंद्र मोदी यांनी म्हटलं आहे.

बिहार निवडणुकीत एनडीएच्या विजयानंतर पंतप्रधान मोदी भाजप मुख्यालयात कार्यकर्त्यांना संबोधित करीत आहेत.

भाजप नेत्या पंकजा मुंडे यांनी राज्यपाल भगतसिंह कोश्यारी यांची भेट घेतली. यावेळी त्यांनी कोरोना, अतिवृष्टीतील शेतकऱ्यांना दिलासा, नोकरभरती यासंदर्भात राज्यपालांशी चर्चा केली आणि दिवाळीच्या शुभेच्छा देखील दिल्या.

दिल्लीः BiharElections2020 मध्ये एनडीएचा विजय साजरा करण्यासाठी आयोजित कार्यक्रमात भाग घेण्यासाठी भाजपा अध्यक्ष जेपी नड्डा पक्षाच्या मुख्यालयात दाखल झाले आहेत.

कोरोना विषाणूच्या पार्श्वभूमीवर सध्या दहावीत आणि बारावीत शिकणाऱ्या विद्यार्थ्यांची अंतिम चाचणी होणार नाही, असं पश्चिम बंगालच्या मुख्यमंत्री ममता बॅनर्जी यांनी म्हटलं आहे.

Worli Seaface Mumbai Public School चा सरकारी शाळांमध्ये राष्ट्रीय स्तरावर चौथा क्रमांक आला असून आदित्य ठाकरे यांनी शाळेतील शिक्षक वर्गाचं अभिनंदन आणि कौतुक केलं आहे.

केंद्रीय आरोग्यमंत्री डॉ. हर्ष वर्धन यांनी आज विविध राज्यांच्या मुख्यमंत्री, राज्य आरोग्य मंत्री आणि प्रधान सचिवांशी संवाद साधला. यात महाराष्ट्र, उत्तराखंड, मणिपूर, मिझोरम, त्रिपुरा मेघालय आणि गोवा राज्यांचा समावेश आहे.