Land For Job Case: जमिनीच्या बदल्यात नोकरी प्रकरणी ईडीची मोठी कारवाई; लालू कुटुंबाची 6 कोटींची मालमत्ता जप्त
नोकरीसाठी जमीन घोटाळ्याचे संपूर्ण प्रकरण रेल्वे भरतीशी संबंधित आहे. या प्रकरणात, लालू यादव यांच्यावर जमिनीच्या बदल्यात लोकांना नोकऱ्या दिल्याचा आरोप आहे. 2004-2009 या काळात यूपीए सरकारमध्ये लालू यादव रेल्वेमंत्री होते. या प्रकरणी सीबीआयने लालूंसह त्यांच्या कुटुंबीयांवरही गुन्हा दाखल केला आहे.
Land For Job Case: नोकरीसाठी जमीन घोटाळ्याप्रकरणी लालू यादव (Lalu Yadav) कुटुंबावर कारवाई करत ईडी (ED) ने दिल्ली आणि गाझियाबाद (Ghaziabad) मधील अनेक मालमत्ता जप्त केल्या आहेत. वृत्तानुसार, जप्त केलेल्या मालमत्तेची किंमत 6 कोटींहून अधिक आहे. सीबीआयच्या एफआयआरच्या आधारे ईडीने ही कारवाई केली आहे. या प्रकरणी ईडीने लालू, राबडी आणि तेजस्वी यांच्यासह कुटुंबातील अनेकांची चौकशी केली आहे. नोकरीसाठी जमीन घोटाळ्याचे संपूर्ण प्रकरण रेल्वे भरतीशी संबंधित आहे. या प्रकरणात, लालू यादव यांच्यावर जमिनीच्या बदल्यात लोकांना नोकऱ्या दिल्याचा आरोप आहे. 2004-2009 या काळात यूपीए सरकारमध्ये लालू यादव रेल्वेमंत्री होते. या प्रकरणी सीबीआयने लालूंसह त्यांच्या कुटुंबीयांवरही गुन्हा दाखल केला आहे.
तत्कालीन रेल्वेमंत्री लालू प्रसाद यादव यांनी रेल्वेमंत्री असताना कोणतीही जाहिरात न देता रेल्वेमध्ये ग्रुप-डीच्या नोकऱ्यांसाठी अनेकांची भरती केल्याचा आरोप आहे. कोणतीही जाहिरात न देता या भरतीमध्ये निवड झालेल्या उमेदवारांना नोकरीच्या बदल्यात त्यांच्या जमिनी द्याव्या लागल्याचेही या प्रकरणात स्पष्ट झाले आहे. अर्ज केल्यानंतर 15 दिवसांत अनेकांना नोकऱ्या देण्यात आल्या. (हेही वाचा - Red Gold Heist: काय सांगता? तब्बल 21 लाख रुपये किमतीच्या टोमॅटोने भरलेला ट्रक गायब; व्यापाऱ्यांनी दाखल केली तक्रार)
सीबीआयच्या म्हणण्यानुसार, लालूप्रसाद यादव यांनी रेल्वेमंत्री असताना ज्यांना नोकऱ्या दिल्या होत्या आणि त्यांच्याकडून लाच देऊन जमिनी घेतल्या. लालूंनी हे भूखंड पत्नी राबडी आणि मुलगी मिसासह कुटुंबातील अनेकांच्या नावावर घेतले. सीबीआयच्या म्हणण्यानुसार, लालू कुटुंबाने नोकरीच्या नावाखाली 12 जणांकडून स्वस्तात किंवा काहीही न देता 7 भूखंड मिळवले.
या घोटाळ्याबाबत सीबीआयने लालू आणि त्यांच्या निकटवर्तीयांवर अनेकदा छापे टाकले आहेत. बिहारचे उपमुख्यमंत्री तेजस्वी यादव, खासदार अशफाक करीम, फयाज अहमद, आमदार सुनील सिंग आणि सुबोध राय यांच्या गुरुग्राम मॉलवर सीबीआयने छापा टाकला आहे.
(The above story first appeared on LatestLY on Jul 31, 2023 09:12 PM IST. For more news and updates on politics, world, sports, entertainment and lifestyle, log on to our website latestly.com).
