परराष्ट्रमंत्री Jaishankar पुढील आठवड्यात Mission Vaccine साठी अमेरिकेत जाणार; कोविड-19 लस खरेदी आणि संयुक्त उत्पादनावर करणार चर्चा

परराष्ट्रमंत्री एस जयशंकर (S Jaishankar) सोमवारी 24 मे पासून पाच दिवसांच्या अमेरिकेच्या दौर्‍यावर जातील. तेथे अमेरिकन कंपन्यांसह कोविड विरोधी लस खरेदी आणि नंतर त्याचे संयुक्त उत्पादन यावर चर्चा होण्याची शक्यता आहे. परराष्ट्र मंत्रालयाने जारी केलेल्या निवेदनात म्हटले आहे की, एस जयशंकर 24 ते 28 मे 2021 पर्यंत अमेरिकेच्या दौर्‍यावर जात आहेत. न्यूयॉर्कमध्ये त्यांनी संयुक्त राष्ट्र संघटनेचे सरचिटणीस अँटोनियो गुतारिस यांची भेट घेण्याची शक्यता आहे.

यात्रेमध्ये कोविड सहकार्य आणि लस ही मोठी समस्या ठरणार असल्याचे सूत्रांनी सांगितले. तसेच प्रादेशिक विषयांवरही चर्चा केली जाईल. कोविड संकटाच्या दरम्यान त्याचा हा दौरा महत्वाचा मानला जात आहे. मंत्रालयाने म्हटले आहे की, जयशंकर वॉशिंग्टनमध्ये अमेरिकेचे परराष्ट्रमंत्री अँटनी ब्लिंकेन यांच्याशी चर्चा करतील. ते अमेरिकेच्या मंत्रिमंडळाचे सदस्य आणि तेथील प्रशासनाच्या वरिष्ठ अधिकाऱ्यांशी द्विपक्षीय संबंधांवर चर्चा करतील. (वाचा -Coronavirus in India: आज देशात 4,194 कोरोनाबाधितांचा मृत्यू; नव्या रुग्णांच्या संख्येत मात्र घट)

निवेदनात म्हटले आहे की, परराष्ट्रमंत्र्यांच्या दौऱ्यादरम्यान कोविड-19 साथीच्या रोगाशी संबंधित आर्थिक आणि सहकार्याबाबत भारत आणि अमेरिका यांच्यात संवाद करण्याचा त्यांचा कार्यक्रम आहे. जयशंकर यांचा अमेरिकेचा दौरा अशा वेळी आला आहे, जेव्हा परराष्ट्र मंत्रालयाचे प्रवक्ते अरिंदम बागची यांनी एक दिवस आधी सांगितले होते की, अमेरिकेच्या उद्योजकांसह भारत कोविड विरोधी लस खरेदी आणि नंतर उत्पादनाची शक्यता यासंदर्भात प्रयत्न करणार आहे.

अमेरिकेचे अध्यक्ष जो बिडेन यांनी पाच दिवसांपूर्वी जाहीर केले होते की, जून अखेरीस गरज असलेल्या देशांना अमेरिकेने फायझर-बायोनोटेक, मॉडेर्ना आणि जॉनसन आणि जॉनसनच्या कोविड-लसीची 2 दशलक्ष डोस देणाक आहे. यात अ‍ॅस्ट्रॅजेनेकाच्या सुमारे 60 दशलक्ष डोसचा समावेश आहे. तसेच, वितरणाच्या तपशीलांबाबत अद्याप स्पष्टता नाही. परंतु, असे म्हटले जात आहे की, लाभार्थ्यांमध्ये भारताचाही समावेश असू शकतो. कोविशिल्ट म्हणून भारतात तयार आणि वितरित होणार्‍या अ‍ॅस्ट्रॅजेनेकाची लस अद्याप अमेरिकेत वापरण्यास अधिकृतपणे परवानगी देण्यात आलेली नाही.

जयशंकर आपल्या भेटीदरम्यान अमेरिकेला भारत आणि आसपासच्या देशांना अधिक लसीचे डोस पाठवण्यास उद्युक्त करण्याचा प्रयत्न करणार आहे. यासंदर्भात सूत्रांनी माहिती दिली आहे. नुकतेचं, बांगलादेशचे परराष्ट्रमंत्री ए के अब्दुल मोमेन यांनी या संदर्भात जयशंकर यांच्याकडे संपर्क साधला होता. सध्या नेपाळ, श्रीलंका आणि मालदीव या देशांतही लसीचे डोस देण्याची मागणी होत आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)