Everest Masala Row: सिंगापूरच्या बाजारातून हटवण्यात आला 'एव्हरेस्ट फिश करी मसाला', उत्पादनात इथिलीन ऑक्साईड मोठ्या प्रमाणात असल्याचा गंभीर आरोप

Everest Masala Row: सिंगापूर (Singapore) ने भारतातून आयात केलेले एव्हरेस्ट फिश करी मसाला (Everest Fish Curry Masala) हे लोकप्रिय उत्पादन बाजारातून हटवण्याची घोषणा केली आहे. मसाल्यात उच्च पातळीचे कीटकनाशक इथिलीन ऑक्साईड (Ethylene Oxide) असल्याचा आरोप करून ते बाजारातून परत मागवण्यात आले आहे. हाँगकाँगमधील अन्न सुरक्षा केंद्राने जारी केलेल्या अधिसूचनेनंतर हे पाऊल उचलण्यात आले आहे. ज्यामध्ये मसाल्यामध्ये इथिलीन ऑक्साईडचे प्रमाण जास्त असल्याचे सांगण्यात आले.

सिंगापूर फूड एजन्सीने एका निवेदनात म्हटले आहे की, हाँगकाँगस्थित सेंटर फॉर फूड सेफ्टीने इथिलीन ऑक्साईडच्या उपस्थितीमुळे भारतातून आयात केलेला एव्हरेस्ट फिश करी मसाला परत मागवण्याबाबत अधिसूचना जारी केली आहे. SFA ने आयातदार SP मुथिया अँड सन्स पीटीईला उत्पादने मोठ्या प्रमाणात परत मागवण्याचे निर्देश दिले आहेत. (हेही वाचा -Fake Weight-Loss Drugs: बनावट वजन कमी करणारी औषधे विकणाऱ्या 250 वेबसाइट बंद; सायबर सिक्युरिटी फर्म BrandShield ची मोठी कारवाई)

इथिलीन ऑक्साईडचा सामान्यतः कीटकनाशक म्हणून वापरला जातो. याला अन्न उत्पादनांमध्ये वापरण्यासाठी कठोरपणे प्रतिबंधित आहे. SFA ने म्हटले आहे की, मसाल्यांचे शेल्फ लाइफ वाढवण्यासाठी सिंगापूरच्या नियमांनुसार त्याचा वापर करण्यास परवानगी आहे, परंतु एव्हरेस्ट फिश करी मसाल्यामध्ये त्याचे उच्च प्रमाण ग्राहकांसाठी संभाव्य आरोग्य धोक्यात आणते. (हेही वाचा: Protein Supplements Mislabeled In India: सावध रहा! भारतात उपलब्ध असलेल्या 70 टक्के प्रोटीन सप्लिमेंट्सचे लेबल चुकीचे; सर्वेक्षणातून समोर आले धक्कादायक सत्य)

एसएफएने आपल्या निवेदनात म्हटले आहे की, ज्या लोकांनी या उत्पादनांचे सेवन केले आहे. त्यांनी त्वरित वैद्यकीय सल्ला घ्यावा. अधिक माहितीसाठी, ग्राहकांनी जिथून ते खरेदी केले आहे त्या ठिकाणाशी संपर्क साधावा. एव्हरेस्टने अद्याप यावर आपली अधिकृत प्रतिक्रिया दिलेली नाही.