COVID-19: लहान मुलं आणि तरुणांमध्ये कोरोना संसर्गाचा कहर! त्यांना संसर्गापासून कसं वाचवावं? जाणून घ्या काय म्हणतात डॉक्टर्स

COVID-19: जगभरात कोरोना संसर्ग झपाट्याने वाढत आहे. सध्या भारतात कोरोनाचा उद्रेक झाला आहे. कोरोना संसर्गाच्या दुसर्‍या लाटेमध्ये लहान मुलं आणि तरुण वर्ग मोठ्या प्रमाणात बळी पडत आहे. रुग्णालयात संक्रमित मुलं आणि तरुणांची संख्या सतत वाढत आहे. मागील काही दिवसांत एका नवजात मुलाचा कोरोनामुळे मृत्यू झाला. या घटनेमुळे आरोग्य विभागाची झोप उडाली. दिल्ली आणि गुडगावमधील डॉक्टरांचा असा विश्वास आहे की, लहान मुलांमध्ये कोरोना संसर्ग होणं हे चांगलं लक्षण नाही. कारण लहानमुलांद्वारे विषाणूचे जास्त वेगाने संक्रमण पसरवू शकते. यावर लवकरात लवकर नियंत्रण मिळवण्याची गरज आहे. या संदर्भात, दिल्ली आणि गुडगाव रुग्णालयांचे डॉक्टर काय म्हणतात ते जाणून घेऊया. (वाचा - Pulse Oximeter: जाणून घ्या घरी ऑक्सिजनची पातळी मोजण्यासाठी 'पल्स ऑक्सिमीटर'चा वापर नक्की कसा करावा, तसेच त्याचे फायदे, किंमत आणि कुठे विकत घ्याल)

मुलांमध्ये संसर्ग होण्याची कारणे -

कोरोनाच्या पहिल्या लाटेपेक्षा सध्या संक्रमित लोकांची संख्या तीन पट वेगाने वाढत आहे. ताज्या आकडेवारीवरून असे दिसून आले आहे की सध्या दर 24 तासाला अडीच लाखांहून अधिक लोक संसर्गित होत आहेत. यामध्ये मुले आणि तरूणांचा देखील समावेश आहे. या संदर्भात, म्योम हॉस्पिटल गुडगावचे फिजीशियन डॉ. सुमित गुप्ता सांगतात, कोरोनाच्या दुसर्‍या लाटेत नवजात ते 18 वर्षे वयोगटातील तरुणही बाधित आहेत. दिल्ली एनसीआरशिवाय उत्तर प्रदेश, राजस्थान आणि महाराष्ट्रातही कोविड संक्रमित मुलांची संख्या वाढत आहे. याचे कारण सांगताना डॉ. गुप्ता म्हणतात, जन्मापासूनचं आईकडून कोरोना विषाणू मुलापर्यंत पोहोचतो. आई किंवा मुलाची रोग प्रतिकारशक्ती कमकुवत असल्यास त्यांना अधिक समस्यांचा सामना करावा लागतो. (वाचा - COVID-19: रक्तातील ऑक्सिजन लेव्हल कशी वाढवावी? रक्तात काय असते याची भूमिका, जाणून घ्या आरोग्य तज्ञांचे मत)

दुसऱ्या लाटेतील कोरोना विषाणूची लक्षणं कोणती ?

गेल्या दीड वर्षात कोरोनाने बरेच रंग बदलले आहेत. अनेक कोरोना रुग्णांमध्ये लक्षणे दिसतात. तर काहींमध्ये लक्षणं दिसत नाही. त्यामुळे लोकांना संसर्ग होतो. या रुग्णांमध्ये भिन्न प्रकारची लक्षणं दिसली. आज, कोरोना संसर्ग झालेल्या मुलांची लक्षणे वृद्धापेक्षा खूप वेगळी आहेत. मुलांमध्ये याची सुरूवात उलट्या, अतिसार आणि पोटदुखीसारख्या तक्रारींपासून होते. मुलांमध्ये अन्नाची चव नसणे यासारख्या तक्रारी देखील दिसत आहेत. परंतु, तुमच्या मुलांमध्ये असे लक्षण दिसत असेल तर ते हलके घेऊ नका. त्याला ताबडतोब डॉक्टरांकडे घेऊन जा. कारण त्याला कोरोना विषाणूचा संसर्ग होऊ शकतो.

कोरोनापासून लहान मुलांचे संरक्षण कसे करावे?

दिल्लीचे डॉ. जितेंद्र सिंह म्हणतात की, आजची मुले खूप हुशार आहेत. ज्या घरात कोविडच्या मार्गदर्शक मार्गांचे पालन केले जाते तेथे मुले देखील त्याच मार्गाचा अवलंब करतात. ते मास्क घालतात, सोशल डिस्टन्सिंगचे पालन करतात, वडीलधाऱ्यांना घराबाहेर पडण्यापासून रोखतात. जर मुलांना कोरोना संसर्गापासून वाचवायचे असेल तर त्यांच्या खाण्यापिण्याची विशेष काळजी घेतली पाहिजे. त्यांना घरगुती पौष्टिक आहार द्या, त्यांना जंक फूड किंवा फास्ट फूडपासून दूर ठेवा.

लहान मुलांसाठी लस?

सध्या मुलांमध्ये कोरोनाचा संसर्ग वाढत आहे. त्यामुळे लहान मुलांच्या लसीकरणाचं काय? असा प्रश्न पडतो. डॉ सुमित गुप्ता स्पष्ट करतात की, अमेरिकेतील फायझर आणि मॉडर्ना कंपन्यांमध्ये वय वर्ष 12 पेक्षा जास्त वर्षांच्या मुलांच्या लसीवर काम करत आहे. मुलांवर लसीच्या प्रभावांचे परीक्षण करून त्यांचे पुरावे मिळाल्यानंतर कदाचित त्यांच्यासाठीही लसीची प्रक्रिया सुरू केली जाऊ शकते. तथापि, असेही म्हटले जात आहे की 18 वर्षांपेक्षा जास्त वय असलेल्यांना ही लस लागू करण्याची परवानगी देण्यात आली आहे. आता ताजी परिस्थिती पाहता संशोधक यापेक्षा लहान मुलांवरील लसीचा अभ्यास करत आहेत, परंतु त्यास अजून बराच वेळ लागण्याची शक्यता आहे.

कोरोना मुलांपासून पसरू शकतो

अभ्यासत असं दिसून आलं आहे की, संक्रमित मुलांपासून कोरोना मोठ्या प्रमाणात पसरला जाऊ शकतो. बहुतेक मुलांमध्ये कोरोनाचे सौम्य लक्षणे असतात. यामुळे, त्याचा संसर्ग ताबडतोब आढळत नाही, त्यांना कोविड विषाणूचा साइलेंट स्प्रेडर म्हणून ओळखले जातात. याक्षणी, कोरोना संसर्गाची प्रकरणे वेगाने वाढत आहेत. तज्ज्ञांचा असा विश्वास आहे की, मुलांमध्ये प्रचलित कोविड विषाणू एक सुपर स्प्रेडर बनून प्रौढांना संक्रमित करू शकतो.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)