Battery Explosion: आदल्या दिवशी घेतलेल्या इलेक्ट्रिक स्कूटरच्या बॅटरीचा स्फोट; कुटुंबातील एकाचा मृत्यू, तर 3 जण जखमी

Battery Explosion: इलेक्ट्रिक स्कूटर (Electric Scooter) ला आग लागण्याच्या घटना थांबण्याचे नाव घेत नाहीत. इलेक्ट्रिक स्कूटरच्या बॅटरीचा स्फोट (Battery Explosion) झाल्याची आणखी एक घटना समोर आली आहे. आंध्र प्रदेशात शनिवारी पहाटे एका घरात इलेक्ट्रिक स्कूटरच्या बॅटरीचा स्फोट होऊन एकाचा मृत्यू झाला तर कुटुंबातील अन्य तीन सदस्य जखमी झाले. शनिवारी पहाटे विजयवाडा येथे व्यक्तीने बॅटरी चार्ज करण्यासाठी बेडरूममध्ये ठेवली होती. यावेळी ही घटना घडली.

या अपघातात शिवकुमार, त्यांची पत्नी आणि त्यांची दोन मुले जखमी झाली आहेत. या सर्वांचा आवाज ऐकून शेजाऱ्यांनी त्याला वाचवण्यासाठी धाव घेतली आणि त्याला रुग्णालयात नेले. जिथे शिव कुमारचा मृत्यू झाला, तर त्याच्या पत्नीची प्रकृती चिंताजनक असल्याचे सांगण्यात येत आहे. मिळालेल्या माहितीनुसार, या व्यक्तीने एक दिवस आधी शुक्रवारीचं इलेक्ट्रिक स्कूटर खरेदी केली होती. मात्र, स्कूटर निर्मात्याचे नाव आणि इतर तपशील अद्याप कळू शकलेले नाहीत. (हेही वाचा - Indian Railways Rule: रेल्वेचा प्रवाशांना इशारा! ट्रेनमध्ये प्रवास करताना 'या' चूका केल्यास होणार जेल; भरावा लागेल मोठा दंड)

तेलगू राज्यात एका आठवड्यापेक्षा कमी कालावधीतील ही दुसरी घटना आहे. यापूर्वी 19 एप्रिल रोजी तेलंगणातील निजामाबाद जिल्ह्यात इलेक्ट्रिक स्कूटरचा स्फोट होऊन एका 80 वर्षीय व्यक्तीचा मृत्यू झाला होता. बॅटरी चार्ज होत असताना ही घटना घडली होती. या घटनेत रामास्वामी ठार झाले, तर त्यांचा मुलगा बी प्रकाश आणि मुलगी कमलम्मा वडिलांना वाचवताना भाजले. या घटनेनंतर Pure EV ने खेद व्यक्त करणारे निवेदन जारी केले आणि ते स्थानिक प्राधिकरणांना सहकार्य करत असल्याचे सांगितले.

यापूर्वीही घडल्या आहेत अनेक घटना -

याआधीही देशात अशा अनेक घटना घडल्या आहेत. ज्यामुळे बॅटरीच्या सुरक्षेबाबत ग्राहकांच्या मनात चिंता निर्माण झाली आहे. अलीकडच्या काही महिन्यांत वेगळ्या घटनांमध्ये इलेक्ट्रिक स्कूटर आणि इतर काही ईव्ही निर्मात्यांच्या इलेक्ट्रिक वाहनांना आग लागली होती. यापूर्वी, हैदराबादजवळील निजामाबादमध्ये प्युअर ईव्ही स्कूटरच्या बॅटरीला आग लागल्याची घटना समोर आली होती, ज्यामध्ये एका 80 वर्षीय वृद्धाचा मृत्यू झाला होता. त्यानंतर कंपनीने आपल्या इलेक्ट्रिक स्कूटर परत मागवल्या होत्या. त्याच वेळी, गेल्या आठवड्यात भारतातील शीर्ष इलेक्ट्रिक दुचाकी निर्मात्या ओकिनावा ऑटोटेकच्या इलेक्ट्रिक स्कूटरला देखील आग लागली. त्यानंतर कंपनीला 3,000 हून अधिक युनिट्स परत मागवाव्या लागल्या.

ईव्ही कंपन्यांवर कारवाई होण्याची शक्यता -

ईव्ही कपंन्यांच्या स्कूटरमध्ये आग लागण्याच्या घटना घडू शकतात. त्यामुळे केंद्रीय मंत्री नितीन गडकरी यांनी सदोष इलेक्ट्रिक वाहनांविरोधात कठोर भूमिका घेतली आहे. गडकरी यांनी एका निवेदनात म्हटले आहे की, या प्रकरणाच्या चौकशीसाठी स्थापन करण्यात आलेल्या तज्ज्ञ समितीचा अहवाल प्राप्त झाल्यानंतर केंद्र सरकार थकबाकीदार कंपन्यांवर कठोर कारवाई करेल.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)