Karnataka: आंबेडकरांच्या पूजेला उपस्थित न राहिल्याने अल्पवयीन मुलाला भोगावी लागली वेदनादायक शिक्षा; सहकारी विद्यार्थ्यांनी नग्न करून काढली परेड

Karnataka: कर्नाटकातील कलबुर्गी (Kalburgi) जिल्ह्यात शनिवारी धक्कादायक घटना घडली. येथील शासकीय वसतिगृहात बी.आर.आंबेडकर (BR Ambedkar) यांच्या फोटोच्या पूजेत अल्पवयीन मुलाने सहभाग घेतला नाही. यानंतर विद्यार्थ्यांच्या एका गटाने त्याचे कपडे काढून त्याची नग्न परेड काढली. पीडितेच्या वडिलांनी कलबुर्गी शहरातील अशोक नगर पोलिस ठाण्यात आरोपी विद्यार्थ्यांविरुद्ध तक्रार दाखल केली आहे. पोलिसांनी दिलेल्या माहितीनुसार, पीडित मुलगा प्री-युनिव्हर्सिटी कॉलेजमध्ये शिकत असून सरकारी वसतिगृहात राहत होता.

वसतिगृहातील विद्यार्थी दर रविवारी डॉ.बी.आर.आंबेडकर यांच्या फोटोचे पूजन करतात. पीडित मुलगा इतर काही कामामुळे गेल्या रविवारी पूजेला उपस्थित राहू शकला नाही. पीडित मुलाच्या मित्रांनी त्याला मारहाण केली. तसेच त्याला नग्न करून त्याची परेड काढली. (हेही वाचा - Delhi Suicide Video: मेट्रो स्टेशनवर चालत्या ट्रेनसमोर तरुणाची उडी, पीडितेचा मृत्यू, व्हिडिओ समोर)

या घटनेत इतर वसतिगृहातील काही विद्यार्थीही होते. मुलाला अर्धनग्न करून आंबेडकरांचा फोटो धरण्यास लावण्यात आल्याचे मुलाच्या वडिलांनी तक्रारीत म्हटले आहे. (हेही वाचा - Madhya Pradesh Blast: मध्य प्रदेशात रुग्णालयाबाहेर बॉम्बस्फोट, 3 जखमी, पोलिसांचा तपास सुरु)

विद्यार्थी अर्धनग्न अवस्थेत परेड करत असताना परिसरात पोलिसांचे वाहन दिसले. यानंतर आरोपी विद्यार्थी तेथून पळून गेले. पोलिसांना घटनेचा व्हिडिओ मिळाला असून ते या प्रकरणाचा तपास करत आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)