Assam Rifles महिला सैनिक पहिल्यांदाच कश्मीरमध्ये तैनात; 4 ऑगस्ट 2020 च्या ताज्या मराठी बातम्या आणि ब्रेकिंग न्यूज LIVE

असम रायफल्सच्या महिला सैनिकांना पहिल्यांदाच कश्मीरमध्ये तैनात करण्यात आले . त्यांना पाहून स्थानिकांच्या चेहऱ्यावर उमललेले हस्य हे या सैनिकांचे यश असल्याचे असम रायफल्सने म्हटले आहेे.

लेबनानची राजधानी बैरुतमध्ये झालेल्या स्फोटांत 10 जणांचा मृत्यू झाला आहे.

कोरोनाच्या पार्श्वभूमीवर गणेशोत्सवासाठी कोकणात जाणाऱ्या चाकरमान्यांना 12 ऑगस्टपर्यंत कोकणात जाता येणार आहे.

मुंबईत आज दिवसभरात कोरोना व्हायरस संक्रमित 709 रुग्णांची नोंद, 56 जणांचा मृत्यू झाला आहे. मुंबईतील एकूण कोरोना संक्रमितांची संख्या 1,18,130 इतकी झाली आहे. यात डिस्चार्ज मिळालेल्या 90,962, प्रत्यक्ष उपचार घेत असलेल्या 20,326 आणि एकूण मृत्यूमुखी पडलेल्या 6,546 जणांचाही समावेश आहे. मुंबई महापालिकेने ही आकडेवारी दिली आहे.

एचडीएफसी बँकेचे व्यवस्थापकीय संचालक आणि मुख्य कार्यकारी अधिकारी म्हणून शशिधर जगदीशन यांच्या नियुक्तीला रिझर्व्ह बँक ऑफ इंडियाने (आरबीआय) मान्यता दिली आहे.

सुशांत सिंह राजपूत आत्महत्या प्रकरणाचा तपास सीबीआय द्वारे करण्यास बिहारच्या राज्यपालांनी सहमती दर्शवली आहे. सुशांतच्या कुटुंबीयांनी पाटना पोलिसांमध्ये तक्रार दाखल केली आहे. त्यानंतर या प्रकरणाची चौकीश सीबीआयद्वारे करण्यासाठी बिहार पोलीस आणि सरकार आग्रही आहेत.

राम मंदिर भूमिपूजन कार्यक्रमावर मनसे अध्यक्ष राज ठाकरे यांनी प्रतिक्रिया दिली आहे. राज ठाकरे यांनी म्हटले आहे की, जवळपास ३ दशकांचा संघर्ष, शेकडो करसेवकांचं बलिदान आणि दोन पिढ्यांमधील राजकीय कार्यकर्त्यांचा त्याग ज्या एका मूर्त स्वप्नासाठी होता, त्या स्वप्नपूर्तीचा क्षण अवघ्या काही तासांवर येऊन ठेपला आहे. आपल्या रामाचा वनवास संपला. उद्या राममंदिराचं अयोध्येत भूमिपूजन होणार, स्वतंत्र भारताच्या इतिहासातील जे काही मोजके मंगलमय क्षण आहेत त्यातील हा एक क्षण आहे.

ज्येष्ठ भाजप नेते आणि राम जन्मभूमी आंदोलनाचे प्रमुख नेते लालकृष्ण अडवाणी यांनी अयोध्येत होत असलेल्या राम मंदिर भूमिपूजन कार्यक्रमाबाबत पहिल्यांदाच प्रतिक्रिया दिली आहे. माझ्या हृदयातील एक मोठे स्वप्न पूर्णत्वाच्या दिशेने जात आहे, अशी प्रतिक्रिया अडवाणी यांनी दिली आहे.

राज्यात आज 7,760 नवे कोरोना बाधित रुग्ण आढळले असून 300 रुग्णांचा मृत्यू झाला आहे. तर 12,326 रुग्णांची प्रकृती सुधारल्यामुळे त्यांना रुग्णालयातून डिस्चार्ज देण्यात आला आहे. या नव्या वाढीमुळे राज्यातील कोरोना बाधितांचा आकडा 4,57,956 वर पोहचला आहे. त्यापैकी 1,42,151 सक्रीय रुग्ण असून 2,99,356 रुग्ण कोरोनामुक्त झाले आहेत. तर कोरोना संसर्गामुळे तब्बल 16,142 रुग्णांचा मृत्यू झाला आहे. अशी माहिती राज्याच्या आरोग्य विभागाने दिली आहे.

पुणे शहरात आणखी 28 कोरोनाबाधितांचे मृत्यू झाले असून यात DMH 8, ससून 7, नायडू 2, DH AUNDH 2, जहांगीर, जोशी, बुधराणी, दळवी, सूर्या, विनोद, नवले, राव नर्सिंग आणि KEM प्रत्येकी 1 अशा तपशील आहे. सदरील मृत्यू 2 ते 4 ऑगस्ट दरम्यानचे आहेत. दरम्यान कोरोना संसर्गामुळे मृत्यू झालेल्यांची संख्या 1412 वर पोहचली आहे. अशी माहिती पुण्याचे महापौर मुरलीधर मोहोळ यांनी दिली आहे.

मध्य प्रदेश: राम मंदिर भूमिपूजन सोहळ्याच्या पूर्वसंध्येला भोपाळ येथील भाजप कार्यकर्त्यांनी पक्षाच्या कार्यालयाबाहेर फटाके फोडून आनंद व्यक्त केला.

Sushant Singh Rajput Death Case: बिहारचे राज्यपाल यांनी पटना येथे नोंदवलेल्या खटल्याचा तपास CBI कडे सोपवण्यास संमती दिली आहे.

अयोध्या येथील राम मंदिर भूमिपूजन सोहळ्याच्या पूर्वसंध्येला दीपोत्सवात उत्तर प्रदेशचे मुख्यंमत्री योगी आदित्यनाथ यांनी सहभाग घेतला.

सकाळपासून मुंबईत बसरत असलेल्या मुसळधार पावसामुळे शहारतील विविध भागात पाणी साचले होते. दरम्यान गांधी मार्केट, किंग्ज सर्कल येथे साचलेल्या पाण्याचा निचरा करण्यात आला अशी माहिती BMC ने ट्विटच्या माध्यमातून दिली आहे.

सुशांत सिंह राजपूत आत्महत्या प्रकरणात होत असलेल्या आरोपांवर आदित्य ठाकरे यांनी पहिल्यांचा प्रतिक्रीया दिली आहे. हे तर गलिच्छ राजकारण, तरीही मी संयम बाळगलाय असं म्हणत आदित्य ठाकरे यांनी आपल्या भावना व्यक्त केल्या आहेत.

मुंबईः सांताक्रूझच्या धोबीघाट परिसरातील अग्रिपदा येथे निवासी चाळीत खोली कोसळल्यानंतर नाल्यात पडलेल्या आणखी एका महिलेचा मृतदेह बाहेर काढण्यात एनडीआरएफच्या पथकाला यश आले आहे. आतापर्यंत 2 मृत, 1 मुलीला बाहेर काढण्यात आले आहे. हरवलेल्या 7 वर्षाच्या मुलीचा शोध घेण्यासाठी शोधमोहीम सुरू आहे.

दिल्लीमध्ये कोरोना व्हायरसचे 674 नवे रुग्ण, 12 जणांचा मृत्यू झाला आहे. यामुळे दिल्लीतील कोरोना बाधितांचा आकडा 1,39,156 वर पोहचला असून आतापर्यंत 1,25,226 रुग्ण कोरोना संसर्गातून पूर्णपणे रिकव्हर झाले आहेत. तर 4033 रुग्णांचा मृत्यू झाला असल्याची माहिती दिल्ली सरकारकडून देण्यात आली आहे.

अयोध्येत राममंदिरच्या भूमिपूजन सोहळ्यापूर्वी सोशल मीडियावर आक्षेपार्ह संदेश पसरवणाऱ्यांविरोधात कारवाई करण्याचा पुणे पोलिसांचा इशारा पुणे ग्रामीण पोलिस आणि पिंपरी चिंचवड पोलिसांनी दिला आहे.

सीरम इन्स्टिट्यूट ऑफ इंडिया द्वारा निर्मित ऑक्सफोर्ड लसीच्या दुसऱ्या आणि तिसऱ्या टप्प्यातील क्लिनिकल ट्रायल्सला आठवड्याभरात सुरुवात होईल अशी माहिती ICMR चे महासंचालक डॉ. बलराम भार्गव यांनी दिली आहे.

पुण्याचे जिल्हाधिकारी नवल किशोर राम यांची पंतप्रधान कार्यालयात नियुक्ती करण्यात आली आहे. त्यांच्या खांद्यावर पंतप्रधान कार्यालयातील उपसचिव पदाची जबाबदारी देण्यात आली आहे. एएनआयचे ट्वीट-