The Kapil Sharma Show फेम Tirthanand Rao यांनी सोशल मीडियावर लाईव्ह संवादादरम्यान केला आत्महत्येचा प्रयत्न; या महिलेवर केला गंभीर आरोप

The Kapil Sharma Show: टीव्हीचा प्रसिद्ध द कपिल शर्मा शो (The Kapil Sharma Show) लोकांना हसवण्यासाठी ओळखला जातो. पण अलीकडेच या शोच्या एका कॉमेडियनने विषारी द्रव्य प्राशन करून आत्महत्येचा प्रयत्न केल्याची बातमी समोर येत आहे. तीर्थानंद राव (Tirthanand Rao) असे आत्महत्येचा प्रयत्न करणाऱ्या ज्युनियर आर्टिस्टचे नाव आहे. तीर्थानंद राव यांना कपिल शर्मा शोमध्ये ज्युनियर नाना पाटेकर म्हणूनही ओळखले जाते. तीर्थानंद आधी सोशल मीडियावर लाइव्ह आला आणि नंतर त्याने आत्महत्येचा प्रयत्न केला. मात्र, घटनास्थळी पोहोचलेल्या पोलिसांनी कलाकाराला तातडीने रुग्णालयात नेले.

द कपिल शर्मा शोमध्ये दिसलेले ज्युनियर आर्टिस्ट तीर्थानंद राव यांनी फेसबुक लाईव्ह दरम्यान फिनाईल पिण्याचा प्रयत्न केला. सोशल मीडियावर लाईव्ह येत असताना तीर्थानंद म्हणाले की, त्यांच्या या अवस्थेला एक महिला जबाबदार आहे. त्यांचे काही चुकले असेल तर त्यांना न्याय मिळाला पाहिजे. या महिलेला दोन मुली असून तीर्थानंद तिच्यासोबत रिलेशनशिपमध्ये आहे. (हेही वाचा - समीर वानखेडे यांना लाच दिल्याबद्दल Shah Rukh Khan विरोधात FIR दाखल करावा; उच्च न्यायालयात याचिका दाखल)

तीर्थानंद यांनी सांगितले की, काही महिन्यांपूर्वी तो एका महिलेला भेटला ज्याला दोन मुली आहेत. आम्ही लिव्ह-इनमध्ये राहत होतो, पण आमच्या एकत्र राहण्याच्या काळात मला नंतर कळलं की ती वेश्या आहे. मला त्या महिलेची सुटका करायची होती, पण तिने माझ्यावर गुन्हा दाखल केला, मला धमकावले. यामुळे मी बरेच दिवस माझ्या घरी जाऊ शकलो नाही. मला फूटपाथवर झोपायला लावले आणि त्रास झाला, त्यामुळेच मी असे पाऊल उचलणार आहे, असं तीर्थानंद यांनी म्हटलं.

तीर्थानंदच्या या व्हिडिओची माहिती मिळताच शांती नगर पोलिस स्टेशनचे पोलिस पथक त्यांच्या घरी पोहोचले. पोलिसांनी तीर्थानंद बेशुद्ध अवस्थेत दिसला. त्याला तातडीने जवळच्या रुग्णालयात दाखल करण्यात आले आहे. तीर्थानंद यांनी त्या महिलेवर 3 ते 4 लाख रुपयांचे कर्ज असल्याचे सांगितले.

तीर्थानंद यांनी आत्महत्येचा प्रयत्न करण्याची ही पहिलीच वेळ नाही. याआधीही त्यांनी एकदा असे पाऊल उचलले आहे. याआधीही 27 डिसेंबर 2021 रोजी त्यांनी विष प्राशन करून आत्महत्येचा प्रयत्न केला होता. आर्थिक विवंचनेमुळे तीर्थानंद यांनी आत्महत्येचा निर्णय घेतला होता मात्र शेजाऱ्यांच्या सतर्कतेमुळे त्यांचे प्राण वाचले.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)