Navratri 2019: अभिनेत्री तेजस्विनी पंडित हिने कामाख्या देवीच्या अवतारात बलात्काराच्या घटनांवर केले भाष्य (See Photos)

मराठी इंडस्ट्रीमध्ये नेहमीच हटके ट्रेंड घेऊन येणारी अभिनेत्री तेजस्विनी पंडित (Tejaswini Pandit) हिने नवरात्रीच्या (Navratri 2019)  निमित्ताने दर दिवशी एका देवीच्या रूपातील लूक सोबत एक खास संदेश देण्याचा उपक्रम सुरु केला आहे. काल, नवरात्रीच्या पहिल्या दिवशी तिने कोल्हापूरच्या अंबाबाईच्या (Ambabai) रूपात फोटो शेअर केला होता तर आज म्हणजेच द्वितीयेच्या मुहूर्तावर तेजस्विनीने कामाख्या देवीच्या (Kamakhya Devi) रूपातील आपला फोटो सोशल मीडियावर पोस्ट केला आहे. तेजस्विनीने फोटो सोबत समाजात रोज घडत असणाऱ्या बलात्काराच्या घटनांवर (Rape Cases) भाष्य केले आहे.या फोटोमध्ये रक्ताळले हात योनीपर्यंत पोहचू पाहत आहेत आणि या हातांच्या मधोमध फुल वाहून पूजा केलेली योनी आहे असे प्रतीकात्मक रूप दाखवण्यात आले आहे.

Navratri Special : स्त्रीचा सन्मान करणे आवश्यक- अभिनेत्री विदुला चौगुले

भारतातील आसाम राज्यात स्थित कामाख्या मंदिर (Kamakhya Temple) हे जागृत देवस्थान मानले जाते. याठिकाणी कोणतीही मूर्ती नसून मधोमध छेद असलेला सपाट दगड देवीच्या योनीचे प्रतिनिधित्व करतो आणि याच योनीचे पूजन कामख्या मंदिरात केले जाते. तेजस्विनीने आपल्या पोस्ट मधून या देवीचा दाखला दिला आहे. तसेच प्रत्येक नव्या जीवाची निर्मिती ज्या योनी मधून होते त्याच योनीवर बलात्कारी निर्घृण वार होतात हे सहन का व कसे करावे? दुधाचे दात देखील न आलेल्या माझ्या लेकी वासनेला बळी पडतात तेंव्हा त्यासाठी कुणाला जवाबदार ठरवावे ? असा सवाल सुद्धा तिने केला आहे.

तेजस्विनी पंडित इंस्टाग्राम पोस्ट

 

View this post on Instagram

 

द्वितीय " कामाख्या " . . वेद , पुराण आणि संस्कृतीचा आपला देश... प्रत्येक नव्या जीवाची निर्मिती होते योनी मधून आणि म्हणूनच माझ्या या रूपात माझ्या योनीची पूजा होते. वेद सांगतात स्त्री प्रमाणे नदीही रजस्व संस्कारा नंतर जीवनाची (पाण्याची ) नवनिर्मिती करते तेंव्हा त्या काळात तिला स्पर्श करणं टाळावे. जिथे नदीला देखील अश्या प्रमाणे सन्मान देण्याची रीत आहे तिथेच प्रत्येक वर्षी ३०,००० हून अधिक शीलांचं हनन होतंय, ज्या योनीची पूजा व्हावी तिच्यावर निर्घृण वार केले जातात हे कसं सहन करू मी ? दुधाचे दात देखील न आलेल्या माझ्या लेकी वासनेला बळी पडतात तेंव्हा त्यासाठी कुणाला जवाबदार ठरवू मी ? . . Concept & Director : @dhairya_insta_ Photographer : @bharatpawarphotography Digital art by : @amol.hirawadekar @imvishalshinde @thenameisabhishekk Asst. Dir : @shraddha_kakade Jewellery by : @pngadgilandsons Makeup : @vinodsarode Hair : @sheetalpalsande Styled by : @stylistnakshu @saniyacool @pottering.vels Costumes By : @official_dadfashionstudio PR & Social Media By : @dreamers_pr Special thanks: @rjadhishh #navratri #tejaswinipandit

A post shared by Tejaswini Pandit (@tejaswini_pandit) on Sep 29, 2019 at 10:36pm PDT

 

View this post on Instagram

 

प्रतिपदा "कोल्हापूरची अंबाबाई " . . याच उघड्या डोळ्यांनी विनाशाचं तांडव पाहत होते मी...माझ्यासमोर जोडले जाणारे अनेक हात वाहत जाताना पाहत होते मी... पण मी अवतरणार तरी कशी ? सावरणारे माझे हात टप्या टप्प्याने छाटलेस तू... कधी मोठया रस्त्यांसाठी, कधी साखर कारखान्यांसाठी, तर कधी उंच इमारतींसाठी. ज्या किरणांनी माझं तेज प्रदीप्तीत व्हायचं त्याच्या मार्गातच तुझ्या स्वार्थाचे होर्डिंग्ज लावलेस. मत्स्येंद्री ने फ़ुलणारा माझा रंकाळा जलपर्णीनी जखडून टाकलास तू...म्हणून सावरू शकले नाही तुला... पण शेवटी मी आई आहे. कठोर झाले तरी साथ नाही सोडणार... मी बहरायचं नाही सोडणार मी बहरायचं नाही सोडणार . . Concept & Director : @dhairya_insta_ Photographer : @bharatpawarphotography Digital art by : @amol.hirawadekar @imvishalshinde @thenameisabhishekk Asst. Dir : @shraddha_kakade Jewellery by : @pngadgilandsons Makeup : @vinodsarode Hair : @sheetalpalsande Styled by : @stylistnakshu @saniyacool @pottering.vels Costumes By : @official_dadfashionstudio PR & Social Media By : @dreamers_pr Special Thanks: @rjadhishh #navratri #tejaswinipandit

A post shared by Tejaswini Pandit (@tejaswini_pandit) on Sep 28, 2019 at 10:29pm PDT

मागील वर्षी सुद्धा तेजस्विनीने फोटोग्राफर भारत पवार यांच्यासोबत हा उपक्रम केला होता, प्रत्येक दिवशीच्या देवीचे नाव आणि तिच्या रूपातील आपले फोटो शेअर करण्याच्या तिच्या या फोटो सीरिजला चाहत्यांचा भरघोस प्रतिसाद मिळाला होता.यंदा तिने एक खास संदेश देत आपले फोटो शेअर करण्यास सुरुवात केली आहे. अनेकांनी तिच्या या उपक्रमावर कौतुकाचा वर्षाव केला आहे.