Laxmii: 'लक्ष्मी' चित्रपटाने प्रेक्षकांची केली घोर निराशा; मात्र शरद केळकरच्या अभिनयावर नेटीझन्स फिदा, सोशल मिडियावर होत आहे कौतुक
अक्षय कुमार (Akshay Kumar) स्टारर चित्रपट 'लक्ष्मी' (Laxmii) सोमवारी डिस्ने प्लस हॉटस्टारवर रिलीज झाला आहे. तमिळ हॉरर कॉमेडी फिल्म कंचनाचा हा हिंदी रीमेक आहे. चित्रपटाच्या प्रदर्शनापूर्वी याची बरीच चर्चा झाली होती.
अक्षय कुमार (Akshay Kumar) स्टारर चित्रपट 'लक्ष्मी' (Laxmii) सोमवारी डिस्ने प्लस हॉटस्टारवर रिलीज झाला आहे. तमिळ हॉरर कॉमेडी फिल्म कंचनाचा हा हिंदी रीमेक आहे. चित्रपटाच्या प्रदर्शनापूर्वी याची बरीच चर्चा झाली होती. लोकांना आशा होती की हा चित्रपट त्यांचे मनोरंजन करेल मात्र ‘लक्ष्मी’ने प्रेक्षकांची घोर निराशा केली. प्रेक्षकांना हा चित्रपट अजिबात आवडला नसून त्याबाबत ट्विटरवर विविध प्रतिक्रिया उमटत आहेत. परंतु चित्रपट रिलीज होण्यापूर्वी निर्मात्यांनी त्यातील एक पात्र लपवून ठेवले होते, यावर कधीच चर्चा झाली नव्हती. आता चित्रपटाच्या रिलीजनंतर या पात्राने खळबळ उडवून दिली आहे. ही व्यक्तिरेखा आहे चित्रपटामधील मूळ ‘लक्ष्मी’ व जी साकारली आहे अभिनेता शरद केळकर (Sharad Kelkar) याने.
महत्वाचे म्हणजे लोक अक्षय कुमारला डावलून शरद केळकरच्या अभिनयाचे व त्याच्या व्यक्तिरेखेचे कौतुक करत आहेत. पब्लिक रिव्ह्यू पहिला तर, लोकांना हा चित्रपट फारसा आवडला नाही, परंतु चित्रपटात 'लक्ष्मी' ची भूमिका साकारणारा शरद केळकर हिट ठरला आहे. शरद केळकरने या सिनेमात फारच छोटी, अवघी 15 ते 20 मिनिटांची भूमिका साकारली असेल, परंतु त्याने आपल्या कसदार अभिनयाने लोकांची मने जिंकली आहेत. एकीकडे लोक अक्षय कुमारच्या अभिनयाला ओव्हर अॅक्टिंग म्हणत आहेत, तर दुसरीकडे ते शरद केळकरच्या अभिनयाचे कौतुक करत आहेत.
चित्रपटाच्या ट्रेलरमध्ये शरद केळकर दाखवलेला नाही, तो एका सरप्राईज पॅकेजप्रमाणे चित्रपटा दिसला आहे. अभिनेत्याने पुन्हा सिद्ध केले की तो एक अंडररेटेड जेम असून, चित्रपटात मोठी स्क्रीन मिळणे गजरेचे आहे. शरद केळकर यापूर्वी 'तानाजी' चित्रपटात दिसला होता, ज्यात त्याने छत्रपती शिवाजी महाराजांची भूमिका साकारली होती.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)