Anushka Sharma Post For Virat Kohli and Team India: भारताने T20 विश्वचषक जिंकल्यानंतर अनुष्का शर्माने शेअर केली खास पोस्ट; अनोख्या अंदाजात दिल्या विराट कोहली आणि टीम इंडियाला शुभेच्छा
प्रथम त्याने फलंदाजीत आपली ताकद दाखवली आणि नंतर क्षेत्ररक्षणातही तोच लक्ष केंद्रित करून स्थिर राहिला. त्यानंतर जेव्हा विजय मिळाला तेव्हा संपूर्ण देशातील जनतेने विराट कोहली आणि टीम इंडियावर शुभेच्छांचा वर्षाव केला. दरम्यान, विराट कोहलीची पत्नी अनुष्का शर्माने विराटचा फोटो शेअर करत त्याला या यशाबद्दल शुभेच्छा दिल्या
Anushka Sharma Post For Virat Kohli and Team India: T20 विश्वचषक 2024 (T20 World Cup 2024) मध्ये शनिवारी भारत विरुद्ध दक्षिण आफ्रिका (IND vs SA) यांच्यात अंतिम सामना झाला. भारताने विश्वचषकाच्या फायनलमध्ये दक्षिण आफ्रिकेचा पराभव करून दुसऱ्यांदा ट्रॉफी जिंकली आहे. संपूर्ण विश्वचषकात विराट कोहली (Virat Kohli)ची बॅट शांत होती पण फायनलमध्ये त्याने मॅचविनिंग इनिंग खेळली आणि सर्वात महत्त्वाच्या मॅचमध्ये टीमला विजय मिळवून दिला. सामन्यादरम्यान एके काळी, 15 षटकांनंतर दक्षिण आफ्रिकेची धावसंख्या चार गड्यांच्या मोबदल्यात 147 धावा होती. इथून सर्वांनीच भारताच्या हातून विश्वचषक गमावला असे गृहीत धरले. प्रत्येक धाव अत्यंत क्लेशदायक होती, कारण स्पष्ट होते कारण दक्षिण आफ्रिकेला विश्वचषक जिंकण्यासाठी तीस चेंडूंमध्ये तेवढ्याच धावा हव्या होत्या. एकप्रकारे सामना हाताबाहेर जात असल्याचे दिसत होते पण नंतर खेळाने असा यू-टर्न घेतला की सारेच बदलले. बुमराह, हार्दिक पटेल, अक्षर पटेल हे या सामन्याचे गेम चेंजर्स ठरले ज्यांनी विकेट घेत संपूर्ण भारताला विजयाची भेट दिली. सामना जिंकल्यानंतर संपूर्ण मैदानावर आनंदाची त्सुनामी आली. देशभरात जल्लोषाचे वातावरण होते. रोहित शर्मा, विराट कोहली, हार्दिक, बुमराह, सिराज, सगळेच खेळाडू भावूक झाले.
विराट कोहलीसाठी हा दिवस खूप खास होता. प्रथम त्याने फलंदाजीत आपली ताकद दाखवली आणि नंतर क्षेत्ररक्षणातही तोच लक्ष केंद्रित करून स्थिर राहिला. त्यानंतर जेव्हा विजय मिळाला तेव्हा संपूर्ण देशातील जनतेने विराट कोहली आणि टीम इंडियावर शुभेच्छांचा वर्षाव केला. दरम्यान, विराट कोहलीची पत्नी अनुष्का शर्मा (Anushka Sharma) ने विराटचा फोटो शेअर करत त्याला या यशाबद्दल शुभेच्छा दिल्या. (हेही वाचा - T20 World Cup 2024: T-20 विश्वचषक विजयानंतर कर्णधार रोहित शर्मा भावूक; केन्सिंग्टन ओव्हल स्टेडीयममधील चक्क गवतच खाल्ले, आयसीसीकडून व्हिडीओ शेअर (Watch Video))
ट्रॉफीसोबत विराटचा फोटो शेअर करताना अनुष्काने लिहिले की, 'मला ही व्यक्ती खूप आवडते. मी देवाचे खूप आभार मानते की मला तुझ्यात माझा जोडीदार मिळाला. आता जा आणि चमचमत्या पाण्याचा ग्लास पिऊन हा क्षण साजरा कर.' अनुष्काची ही पोस्ट इंटरनेटवर व्हायरल होत आहे. एकाने लिहिले, मॅडम, केवळ तुमचेच नाही तर संपूर्ण देश त्याच्यावर प्रेम करतो. प्रियांका चोप्राने क्राउन आयकॉनसोबत फायर आयकॉन जोडून विराटचे अभिनंदन केले आहे. (हेही वाचा: Virat Kohli Emotional: भारताच्या शानदार विजयानंतर विराट कोहली झाला भावूक, मैदानावर डोळे पाणावले - Video)
याशिवाय, अनुष्काने टीम इंडियाचा फोटो शेअर करत आणखी एक पोस्ट शेअर केली आहे. या पोस्टमध्ये तिने म्हटलं आहे की, 'आमच्या मुलीचा सर्वात मोठा प्रश्न होता की जेव्हा सर्व खेळाडू टीव्हीवर मैदानावर रडत होते, तेव्हा त्यांना मिठी मारणारे कोणी नव्हते का? होय माझ्या मुला, त्याला 150 कोटी भारतीयांनी सामावून घेतले आहे. हा मोठा विजय आणि मोठी कामगिरी आहे. चॅम्पियन्सचे खूप खूप अभिनंदन.'