Singapore Airlines Flight मध्ये एकाचा मृत्यू, अनेक प्रवाशी जखमी

लंडनहून सिंगापूरला जाणाऱ्या सिंगापूर एअरलाइन्सच्या (Singapore Airlines) विमानात गंभीर अशांतता पसरल्याने एका व्यक्तीचा मृत्यू झाला आहे. तर, याच घटनेत अनेक जण गंभीर जखमी झाल्याची माहिती असे वाहकाने मंगळवारी (21 मे) सांगितले. आंतरराष्ट्रीय प्रसारमाध्यमांनी दिलेल्या वृत्तानुसार "बोईंग 777-300ER मध्ये काही लोक जखमी आणि एकाचा मृत्यू झाल्याची पुष्टी झाली आहे. घटना घडली तेव्हा विमानात एकूण 211 प्रवासी आणि 18 कर्मचारी होते," असे एसआयएने मंगळवारी संध्याकाळी फेसबुक पोस्टमध्ये म्हटले आहे.

सोमवारी स्थानिक वेळेनुसार रात्री 10.38 वाजता लंडनच्या हिथ्रो विमानतळावरून निघालेली SQ321 मंगळवारी बँकॉककडे वळवण्यात आली. ते सुवर्णभूमी विमानतळावर स्थानिक वेळेनुसार दुपारी 3.45 वाजता (सिंगापूर वेळेनुसार ४.४५ वाजता) उतरले. SIA ने सांगितले की, "विमानातील सर्व प्रवासी आणि क्रू यांना शक्य ती सर्व मदत पुरवणे हे आमचे प्राधान्य आहे."

"आम्ही आवश्यक वैद्यकीय सहाय्य प्रदान करण्यासाठी थायलंडमधील स्थानिक अधिकाऱ्यांसोबत काम करत आहोत आणि आवश्यक असलेली कोणतीही अतिरिक्त मदत देण्यासाठी एक टीम बँकॉकला पाठवत आहोत", असेही SIA ने म्हटले आहे.

व्हिडिओ

दरम्यान, मरण पावलेल्या व्यक्तीचे राष्ट्रीयत्व किंवा तो किंवा ती प्रवासी किंवा क्रू मेंबर आहे की नाही याबद्दल कोणतीही माहिती अद्याप उपलब्ध होऊ शकली नाही. तसेच, ही घटना नेमकी कोणत्या कारणामुळे घडली याबाबतही अद्याप कोणताही तपशील पुढे आला नाही.