Sex With Soldiers For Food: अन्नासाठी महिलांना सैनिकांसोबत सेक्स करण्यास भाग पाडले जाते; पोट भरण्यासाठी होतो शरीराचा व्यापार, अहवालात धक्कादायक खुलासा
काही महिलांनी सांगितले की, सैनिकांशी सेक्स केल्यानंतर त्यांना अन्न, स्वयंपाकघरातील उपकरणे आणि इतर वस्तू घेण्याची परवानगी देण्यात आली. ओमदुरमनच्या सैनिकांनी आणि रहिवाशांनी महिलांना सेक्स करण्यास भाग पाडल्याच्या वृत्ताची पुष्टी केली.
Sex With Soldiers For Food: युद्धग्रस्त सुदानमध्ये (Sudan) मानवतावादी संकट दिवसेंदिवस गहिरे होत चालले आहे. देशातील परिस्थिती अशी आहे की महिलांना अन्नासाठी शरीराचा व्यापार करावा लागत आहे. सुदानच्या ओमदुरमन शहरात जगण्यासाठी संघर्ष करणाऱ्या महिलांचे म्हणणे आहे की त्यांना अन्नाच्या बदल्यात सैनिकांसोबत लैंगिक संबंध ठेवण्यास भाग पाडले जात आहे. लढाईनंतर ओमदुरमनमध्ये राहणाऱ्या अनेक महिलांनी सांगितले की, सुदानी सैन्यातील पुरुषांसोबत सेक्स हाच त्यांना अन्न आणि इतर मूलभूत गरजा मिळण्याचा एकमेव मार्ग आहे. स्वतःचे व कुटुंबाचे पोट भरण्यासाठी त्यांना हे करावे लागले.
गार्डियनच्या रिपोर्टनुसार, एका पीडित महिलेने सांगितले की, तिचे वृद्ध आई-वडील आणि 18 वर्षांच्या मुलीला अन्न पुरवण्याचे तिच्यासमोर मोठे आव्हान आहे. महिलेने सांगितले, 'माझे आई-वडील दोघेही खूप वृद्ध आहेत आणि मी माझ्या मुलीला अन्नाच्या शोधात कधीही बाहेर जाऊ दिले नाही. मी सैनिकांकडे जायचे आणि त्यांच्याशी शारीरिक संबंध अन्न प्राप्त करायचे. माझ्याकडे जेवणासाठी दुसरा पर्याय नव्हता.’
महिलेने पुढे सांगितले की, पूर्वी ती घरात काम करून आपला उदरनिर्वाह करत होती. सैन्य आणि निमलष्करी रॅपिड सपोर्ट फोर्स यांच्यात सुदानमध्ये गृहयुद्ध सुरू झाल्यानंतर बहुतेक लोक इतर शहरांमध्ये गेले. गरिबीमुळे ती तिच्या कुटुंबाला सुरक्षित ठिकाणी घेऊन जाऊ शकली नाही आणि उदरनिर्वाहाच्या समस्येला तोंड द्यावे लागले. यामुळे तिला सैनिकांशी संबंध प्रस्थापित करावे लागले.
गार्डियनशी बोललेल्या काही महिलांनी सांगितले की, सैनिकांशी सेक्स केल्यानंतर त्यांना अन्न, स्वयंपाकघरातील उपकरणे आणि इतर वस्तू घेण्याची परवानगी देण्यात आली. ओमदुरमनच्या सैनिकांनी आणि रहिवाशांनी महिलांना सेक्स करण्यास भाग पाडल्याच्या वृत्ताची पुष्टी केली. एका सैनिकाने सांगितले की, त्याने आपल्या सहकाऱ्यांना हे करताना पाहिले आहे. (हेही वाचा: Husband, Wife, Anal Sex and HC: 'पत्नीसोबत अनैसर्गिक लैंगिक संबंध हा बलात्कार नाही'; उच्च न्यायालयाची महत्त्वपूर्ण टिप्पणी)
दरम्यान, सुदानमध्ये सुरू असलेल्या लढाईत हजारो लोकांच्या मृत्यूशिवाय सुमारे एक कोटी लोक विस्थापित झाल्याचे संयुक्त राष्ट्राच्या अहवालात म्हटले आहे. देशातील निम्म्याहून अधिक लोकसंख्येला अन्न असुरक्षिततेचा सामना करावा लागत आहे. एप्रिल 2023 मध्ये संघर्ष सुरू झाल्यानंतर महिलांवर मोठ्या प्रमाणावर बलात्कार झाल्याच्या बातम्याही समोर आल्या. खार्तूम आणि दारफूरमधील आरएसएफच्या सैनिकांवर मोठ्या प्रमाणात महिलांचे लैंगिक शोषण केल्याचा आरोप होता.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)