Queen Elizabeth II Death: 'या' कारणामुळे पुढील 10 दिवस राणी एलिझाबेथच्या पार्थिवावर होणार नाही अंत्यसंस्कार; वाचा सविस्तर

Queen Elizabeth II Death: राणी एलिझाबेथ द्वितीय (Queen Elizabeth II) यांच्या निधनानंतर त्यांना श्रद्धांजली वाहण्यासाठी लोकांची गर्दी झाली आहे. त्यांची आठवण करून लोक भावूक होत आहेत. दरम्यान, अनेकांना हे जाणून घ्यायचे आहे की, राणीचे अंत्यसंस्कार केव्हा केले जातील? जेणेकरून लोक त्यांना अखेरचा निरोप देऊ शकतील. या प्रश्नाचे उत्तर गेल्या वर्षी लीक झालेल्या अहवालातून मिळते. या रिपोर्टमध्ये काय आहे आणि राणी एलिझाबेथचा अंत्यसंस्कार कसा होणार हे आम्ही तुम्हाला सांगणार आहोत.

दरम्यान, 2021 मध्ये, एका अमेरिकन न्यूज वेबसाइटवर एक अहवाल लीक झाला होता. हा अहवाल 'ऑपरेशन लंडन ब्रिज'शी संबंधित होता. ज्यामध्ये राणीच्या मृत्यूनंतर अंत्यसंस्कारची माहिती देण्यात आली होती. या लीक झालेल्या रिपोर्टनुसार, राणी एलिझाबेथ II च्या अंत्यसंस्काराचा कार्यक्रम पूर्ण 10 दिवस चालणार आहे. (हेही वाचा - Queen Elizabeth II Death: ब्रिटनच्या महाराणी क्वीन एलिझाबेथ यांच्या मृत्यूनंतर बकिंगहॅम पॅलेसच्या बाहेर दुहेरी इंद्रधनुष्य, सोशल मिडीयावर फोटोची जोरदार चर्चा)

राणीचे पार्थिव 3 दिवस संसदेतील शवपेटीमध्ये ठेवण्यात येणार आहे. दफनविधीपूर्वी त्यांचा नवीन वारस, त्याचा मुलगा प्रिन्स चार्ल्स, त्याच्या अंत्यविधीपूर्वी देशभरात प्रवास करेल. यामध्ये यूकेमध्ये येणाऱ्या सर्व देशांचाही समावेश असेल.

अंत्यसंस्काराच्या दिवशी राष्ट्रीय शोक -

वरील सर्व प्रक्रिया पूर्ण केल्यानंतर, योजनेनुसार, राणी एलिझाबेथ द्वितीय यांना प्रिन्स फिलिपच्या शेजारी दफन केले जाईल. गेल्या वर्षी या लीक झालेल्या अहवालानुसार, राणीच्या मृत्यूनंतर, अंत्यसंस्काराच्या दिवशी राष्ट्रीय शोक असेल. या दिवशी संपूर्ण देशात सुट्टी असेल. म्हणजेच सर्व सरकारी आणि खाजगी शाळा, महाविद्यालये, कंपन्या आणि इतर संस्था पूर्णपणे बंद राहतील. महाराणी एलिझाबेथ द्वितीय यांच्या निधनाच्या दिवसाला अधिकारी 'डी-डे' मानतील, असे या अहवालात सांगण्यात आले आहे. राणीला तिच्या मृत्यूनंतर 10 दिवसांनी दफन करण्याची योजना आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)