एचआर मॅनेजरने 22 बनावट कर्मचारी पे रोल वर दाखवत लाटले 8 वर्षात 18 कोटी; चीन मधील घटना

चीन (China) मध्ये एच आर मॅनेजरने (HR Manager) 22 फेक कर्मचारी पे रोल वर दाखवून 8 वर्षामध्ये 18 करोड कमावल्याचा प्रकार समोर आला आहे. South China Morning Post (SCMP) च्या वृत्तानुसार, 1.6 कोटी युआन (अंदाजे 18 कोटी रुपये) पगार आणि सेवानिवृत्ती वेतन समाविष्ट असलेला घोटाळा समोर आला आहे. यामध्ये एका मेहनती कर्मचार्‍याने काहीतरी संशयास्पद असल्याची बाब समोर आणल्यानंतर हा घोटाळा उघड झाला आहे.

रिपोर्ट्सनुसार, आरोपी एच आर मॅनेजरचं नाव Yang आहे. शांघाय मध्ये एका लेबर सर्व्हिस कंपनीमध्ये तो काम करत होता. त्याच्याकडे टेक फर्म मध्ये काम करत असलेल्या कर्मचार्‍यांच्या पे रोलचं काम होतं. पगाराचे कोणतेही ऑडिट होत नाहीत आणि कर्मचाऱ्यांच्या नोंदींवर पूर्ण नियंत्रण असल्याचा त्याने गैरफायदा घेत हा गुन्हा केला आहे. संधीचा फायदा घेत त्याने सन नावाचा एक अस्तित्वात नसलेला कामगार तयार केला आणि पगार त्याच्या नियंत्रणाखालील बँक खात्यात वळवला.

जेव्हा कामगार सेवा कंपनीने सनला वेतन न मिळाल्याचे वृत्त दिले तेव्हा यांगने दोष टाळला. टेक कंपनीने वेतन देण्यास विलंब केला असा दावा केला. पुढील आठ वर्षांत, त्याने 21 बनावट कर्मचारी तयार केले, तसेच त्यांना हजेरी आणि पूर्ण पगार मिळतील याची खात्री केली.

अहवालानुसार, 2022 मध्ये जेव्हा टेक फर्मच्या वित्त विभागाला काहीतरी संशयास्पद असल्याचं लक्षात आले तेव्हा हा घोटाळा उघडकीस आला. सन वेळेवर पगार घेत होता, तरीही कोणीही त्याला कामावर पाहिले नव्हते. पगाराचा रेकॉर्ड आणि बँक व्यवहारांच्या चौकशीत मोठ्या प्रमाणात फसवणूक उघडकीस आली. या प्रकरणामध्ये यांगला नंतर अटक करण्यात आली आहे.

SCMP च्यावृत्तानुसार, यांगला घोटाळ्याचा गुन्हा केल्याबद्दल 10 वर्षे आणि दोन महिने तुरुंगवासाची शिक्षा सुनावण्यात आली. सोबत दंडही ठोठावण्यात आला. एक वर्षासाठी राजकीय अधिकार हिरावून घेण्यात आले आहेत.