Moon Wobble: 2030च्या मध्यात पृथ्वीवर पूराचे प्रमाण वाढणार, नासाने केले स्पष्ट, वाचा कशी होणार पाणीपातळीत वाढ
यामुळे पृथ्वीवर विनाशकारी पूर येण्याची शक्यता नासाने(NASA) वर्तवली आहे.
सन 2030 च्या दशकाच्या मध्यात समुद्राचे विशेषत: अमेरिकेतील समुद्राच्या तीव्रतेचे प्रमाण झपाट्याने वाढेल. त्याचा संबंध पृथ्वीच्या शेजारी असलेल्या चंद्राशी (Moon) होणार आहे, अशी माहिती नासाने(NASA) दिली आहे. नासाच्या अभ्यासानुसार हवामानातील बदलामुळे चंद्राच्या कक्षेत समुद्राच्या वाढत्या पातळीमुळे एक भितीदायक वातावरण निर्माण झाले आहे. यामुळे पृथ्वीवर विनाशकारी पूर येण्याची शक्यता नासाने(NASA) वर्तवली आहे.
पूर किनारपट्टीच्या भागात उद्भवतात जिथे भरतीची सरासरी उंच जवळपास 2 फूटांपर्यंत पोहोचते. या घटनांचा दैनंदिन जीवनावर परिणाम होतो. 2030 च्या दशकाच्या मध्यापर्यंत 'प्रलयकारी पूर' अधिक वारंवार आणि अनियमित होतील अशी माहिती आहे. नासाच्या अभ्यासानुसार अमेरिकेच्या बहुतेक किनारपट्टीवर एका दशकात उच्च समुद्राची भरती ओहोटीत तीन ते चार पट वाढ होईल.
नासाचे प्रशासक बिल नेल्सन यांच्या म्हणण्यानुसार, समुद्रसपाटीच्या सखल भागांना वाढत्या पूरामुळे धोका निर्माण होत आहे. हे खुपच धोकादायक असल्याचे नासाचे प्रशासक बिल नेल्सन यांनी सांगितले. "चंद्राच्या गुरुत्वाकर्षणामुळे समुद्राची पातळी वाढून जगभरात पूराचे प्रमाण वाढेल. या अभ्यासानुसार पुढील काळात हे पूर कधीकधी महिनाभर किंवा त्याहून अधिक काळ राहू शकतात असा अंदाजही यावेळी व्यक्त केला.
जेव्हा चंद्र आणि पृथ्वी एकमेकांशी तसेच सूर्याशी विशिष्ट मार्गाने एकत्र येतील. तेव्हा परिणामी गुरुत्वाकर्षण खेचल्याने समुद्रात पूर निर्माण होणार. या पूराचा सामना फक्त दोन दिवस आपण करू शकतो. चंद्राच्या कक्षेत नियमित डगमग होण्यास होण्यास 18 वर्षे लागतात. चंद्र डगमगणे काहीही नवीन किंवा धोकादायक नाही. पृथ्वीवरील समुद्राच्या भरतीचे मुख्य कारण म्हणजे चंद्राच्या गुरुत्वाकर्षणामुळे होणारी तापमानवाढ आहे.
चंद्राच्या चक्रापैकी अर्धा भागामुळे समुद्र पातळीवरील वाढीचा परिणाम उच्च पातळीवर होतो. इतर अर्ध्या भागामध्ये त्याचा परिणाम वाढतो. चंद्र आता त्याच्या चक्राच्या भागात आहे. मात्र अजून अमेरिकेच्या बर्‍याच किनारपट्टीवर समुद्राची पातळी इतकी वाढली नाही की पूर निर्माण होईल. मात्र चंद्राचे चक्र 2030 ला समुद्राची भरती ओहोटी पुन्हा वाढविण्यासाठी येईल. तेव्हा परिस्थिती वेगळी असेल, असे अभ्यासानुसार म्हटले आहे.
चंद्राच्या चक्राने वाढलेली उंच समुद्र पातळीमुळे अमेरिकेचा मुख्य भूप्रदेश किनारपट्टीवर पूर येईल. या विषयाबद्दल बोलताना, हवाई विद्यापीठाचे सहाय्यक प्राध्यापक आणि अभ्यासाचे प्रमुख लेखक फिल थॉम्पसन म्हणाले की, चक्रीवादळाच्या वादळाच्या तुलनेत समुद्राच्या भरतीत मोठ्या प्रमाणात पाणी सामील होते. परंतु महिन्यात 10 किंवा 15 वेळा पूर आला तर जगजीवन विस्कळीत होऊन जाईल. लोक नोकर्‍या गमावतीत. त्यांना काम मिळू शकत नाही. सार्वजनिक आरोग्याचा प्रश्न ऊभा राहील. असे त्यांनी मत व्यक्त केले.