Man Lives 52 Years With Toothbrush in Stomach: काय सांगता? 12 व्या वर्षी गिळला होता टूथब्रश, डॉक्टरांनी तब्बल 52 वर्षांनंतर पोटातून काढला बाहेर, जाणून घ्या सविस्तर
यांगने वैद्यांना सांगितले की, गेल्या काही दिवसांपासून त्याला पोटात विचित्र जाणीव होत आहे. वैद्यांनी त्याच्या पचनसंस्थेची तपासणी केली, आणि स्कॅनिंगद्वारे त्याच्या लहान आतड्यात एक वस्तू आढळली. ही वस्तू 17 सेंटीमीटर लांबीचा टूथब्रश असल्याचे समोर आले.
चीनमधील (China) अन्हुई प्रांतात 64 वर्षीय व्यक्तीच्या पोटात तब्बल 52 वर्षांपूर्वी गिळलेला टूथब्रश (Toothbrush) आढळल्याने वैद्यकीय क्षेत्रात खळबळ उडाली आहे. या व्यक्तीने वयाच्या 12 व्या वर्षी चुकून टूथब्रश गिळला होता, परंतु भीतीपोटी त्याने याबाबत कोणालाही सांगितले नाही. त्याला वाटले की, हा टूथब्रश आपोआप पोटातून बाहेर पडेल, मात्र अलीकडेच पोटात अस्वस्थता जाणवल्याने तो रुग्णालयात गेला, तेव्हा स्कॅनिंगद्वारे त्याच्या लहान आतड्यात 17 सेंटीमीटर लांबीचा टूथब्रश आढळला. वैद्यांनी 80 मिनिटांच्या एंडोस्कोपिक शस्त्रक्रियेद्वारे हा टूथब्रश यशस्वीपणे काढला.
अहवालानुसार, अन्हुई प्रांतातील एका स्थानिक रुग्णालयात 64 वर्षीय व्यक्ती, यांग, पोटातील अस्वस्थतेमुळे दाखल झाला. यांगने वैद्यांना सांगितले की, गेल्या काही दिवसांपासून त्याला पोटात विचित्र जाणीव होत आहे. वैद्यांनी त्याच्या पचनसंस्थेची तपासणी केली, आणि स्कॅनिंगद्वारे त्याच्या लहान आतड्यात एक वस्तू आढळली. ही वस्तू 17 सेंटीमीटर लांबीचा टूथब्रश असल्याचे समोर आले. यांगने सांगितले की, वयाच्या 12 व्या वर्षी खेळताना त्याने चुकून हा टूथब्रश गिळला होता. आई-वडिलांच्या भीतीने त्याने ही घटना लपवली.
आश्चर्याची बाब म्हणजे, 52 वर्षे तो या टूथब्रशसह सामान्य जीवन जगला, आणि त्याला कोणताही गंभीर त्रास जाणवला नाही. आता इतक्या वर्षांनी पोटात हा ब्रश असल्याचे दिसून आल्यानंतर, रुग्णालयातील वैद्यांनी यांगवर तातडीने एंडोस्कोपिक शस्त्रक्रिया करण्याचा निर्णय घेतला. ही शस्त्रक्रिया 80 मिनिटे चालली, आणि वैद्यांनी यशस्वीपणे 17 सेमी. लांबीचा टूथब्रश काढला. वैद्यक डॉ. झोऊ यांनी सांगितले की, हा टूथब्रश आतड्याच्या एका वळणात स्थिर राहिल्याने त्याने गंभीर नुकसान केले नाही. सामान्य परिस्थितीत, अशी वस्तू आतड्याच्या भिंतींना छिद्र पाडू शकते, ज्यामुळे प्राणघातक संसर्ग होऊ शकतो. (हेही वाचा: Doctor Beats Adopted Daughter With Stick: शिमलामध्ये डॉक्टराची 10 वर्षांच्या दत्तक मुलीला काठीने बेदम मारहाण)
यांगच्या बाबतीत, टूथब्रश स्थिर राहिल्याने त्याला कोणताही गंभीर धोका निर्माण झाला नाही. रुग्णालयाने नोंदवले की, गेल्या वर्षांमध्ये पचनसंस्थेतून काढलेली ही सर्वात लांब वस्तू आहे. शस्त्रक्रियेनंतर यांगची प्रकृती स्थिर आहे, आणि तो बरा होत आहे. मात्र डॉक्टरांनी अशा घटनांमधये तातडीने वैद्यकीय सल्ला घेण्याचा आग्रह केला आहे. डॉ. झोऊ यांनी सांगितले की, जर टूथब्रशने आतड्याच्या भिंतींना छिद्र पाडले असते, तर यांगला प्राणघातक संसर्गाचा सामना करावा लागला असता.