China Bullet Train Derail: चीनमध्ये 300 किमी प्रतितास वेगाने धावणारी बुलेट ट्रेन रुळावरून घसरली; चालकाचा मृत्यू; अनेक जखमी
ट्रेन युएझाई बोगद्याच्या प्रवेशद्वाराजवळ पोहोचली तेव्हा ट्रेनचा सातवा आणि आठवा डबा रुळावरून घसरला. सर्व जखमी प्रवाशांना स्थानिक रुग्णालयात पाठवण्यात आले असून अन्य 136 प्रवाशांना वाचवण्यात यश आले आहे.
China Bullet Train Derail: चीनमध्ये एक मोठा रेल्वे अपघात झाला आहे. ताशी 300 किलोमीटर वेगाने धावणाऱ्या बुलेट ट्रेन (Bullet Train) चे दोन डबे गुइझोउ प्रांतात रुळावरून घसरले. या अपघातात चालकाचा मृत्यू झाला असून 7 प्रवासी जखमी झाल्याची माहिती आहे. बुलेट ट्रेन चीनच्या नैऋत्य प्रांत गुईयांगमधून दक्षिणेकडील ग्वांगझू प्रांताच्या दिशेने धावत होती. शनिवारी सकाळी 10.30 वाजता गुइझोउ येथील एका स्थानकावर भूस्खलनामुळे रेल्वे रुळावरून घसरली. यात ट्रेनचा चालक जागीच ठार झाला. चीनच्या स्थानिक मीडिया आउटलेट ग्लोबल टाइम्सने शनिवारी एका ट्विटमध्ये ही माहिती दिली.
मिळालेल्या माहितीनुसार, ट्रेन युएझाई बोगद्याच्या प्रवेशद्वाराजवळ पोहोचली तेव्हा ट्रेनचा सातवा आणि आठवा डबा रुळावरून घसरला. सर्व जखमी प्रवाशांना स्थानिक रुग्णालयात पाठवण्यात आले असून अन्य 136 प्रवाशांना वाचवण्यात यश आले आहे. घटनास्थळी बचावकार्य जोरात सुरू असून अपघाताच्या कारणाचा शोध घेतला जात आहे. (हेही वाचा - World's Largest Building: तब्बल 500 अब्ज डॉलर खर्चून सौदी अरेबिया बांधणार जगातील सर्वात मोठी इमारत)
याआधी मध्य चीनमधील हुनान प्रांतात एक ट्रेन रुळावरून घसरली होती. त्या घटनेत जहाजावरील रेल्वे पोलीस कर्मचाऱ्याचा मृत्यू झाला होता. तर 4 जण गंभीर जखमी झाले होते आणि 123 जण किरकोळ जखमी झाले होते.
Driver killed, several injured as bullet train derails in China's Guizhou province
Read @ANI Story | https://t.co/jBzfTHym0s#Accident #Bullettrainaccident #Bullettrainderailed #China #trainaccident pic.twitter.com/lK96UjkuuM
— ANI Digital (@ani_digital) June 4, 2022
दरम्यान, चीन रेल्वेने 13 मे रोजी दक्षिण चीनच्या ग्वांगडोंग प्रांताशी बीजिंगला जोडणाऱ्या हाय-स्पीड रेल्वेचा ऑपरेटिंग वेग ताशी 350 किलोमीटरपर्यंत वाढवण्याची घोषणा केल्यानंतर ट्रेन रुळावरून घसरण्याची ही ताजी घटना आहे. चीनी रेल्वेच्या मते, इतक्या वेगाने धावणारी ही चीनची पाचवी हाय-स्पीड रेल्वे असेल.
चीनकडे चार हाय-स्पीड रेल्वे -
सध्या, चीनमध्ये फक्त चार हाय-स्पीड रेल्वे आहेत ज्या 350 किमी/ताशी वेगाने कार्यरत आहेत. ज्या बहुतेक कमी अंतराच्या प्रवासासाठी वापरल्या जात आहेत. यात बीजिंग-शांघाय हाय-स्पीड रेल, बीजिंग-टियांजिन इंटरसिटी रेल, चेंगडू-चॉन्गक्विंग हाय-स्पीड रेल आणि बीजिंग-झांगजियाकौ हाय-स्पीड रेलचा समावेश आहे.
(The above story first appeared on LatestLY on Jun 04, 2022 02:32 PM IST. For more news and updates on politics, world, sports, entertainment and lifestyle, log on to our website latestly.com).
