Gaza Polio Vaccinations: गाझामध्ये तीन दिवसांचा युद्धविराम; Israel आणि Hamas यांची सहमती, राबवली जाणार पोलिओ लसीकरण मोहीम- WHO
डब्ल्यूएचओच्या अधिकाऱ्याने सांगितले की, लसीकरण मोहीम मध्य गाझामध्ये सुरू होईल, जिथे तीन दिवसांचा युद्धविराम असेल. त्यानंतर ते दक्षिण गाझाकडे जातील, जिथे आणखी तीन दिवस युद्धविराम असेल. त्यानंतर उत्तर गाझामध्ये लसीकरण मोहीम राबविण्यात येणार आहे.
Gaza Polio Vaccinations: इस्रायल (Israel) आणि हमास (Hamas) यांनी गाझामधील (Gaza) काही भागात प्रत्येकी तीन दिवसांसाठी युद्धविराम करण्यास सहमती दर्शवली आहे. 25 वर्षांनंतर गाझामध्ये 23 ऑगस्ट रोजी पोलिओचा पहिला रुग्ण आढळला होता, त्यानंतर 6.40 लाख मुलांना पोलिओची लसीकरण करण्यात येणार आहे. या लसीकरण मोहिमेसाठी हा युद्धविराम असणार आहे. जागतिक आरोग्य संघटनेचे (WHO) अधिकारी रिक पेपरकॉर्न यांनी सांगितले की, पॅलेस्टिनी भागात लसीकरण मोहीम रविवारी (1 सप्टेंबर) सुरू होईल. स्थानिक वेळेनुसार सकाळी 6 ते दुपारी 3 या वेळेत युद्धविराम असेल.
डब्ल्यूएचओच्या अधिकाऱ्याने सांगितले की, लसीकरण मोहीम मध्य गाझामध्ये सुरू होईल, जिथे तीन दिवसांचा युद्धविराम असेल. त्यानंतर ते दक्षिण गाझाकडे जातील, जिथे आणखी तीन दिवस युद्धविराम असेल. त्यानंतर उत्तर गाझामध्ये लसीकरण मोहीम राबविण्यात येणार आहे. पेपरकॉर्न म्हणाले की, गरज भासल्यास प्रत्येक भागातील युद्धबंदी चौथ्या दिवसापर्यंत वाढवता येऊ शकते. (हेही वाचा: Afghanistan: तालिबानचे अफगाणिस्तानमधील महिलांसाठी नवे फर्मान; गाण्यावर, कविता म्हणण्यास किंवा मोठ्याने वाचण्यास बंदी)
डब्ल्यूएचओ, युनिसेफ आणि यूएनआरडब्ल्यूए यांच्या सहकार्याने पॅलेस्टिनी आरोग्य मंत्रालयाद्वारे या लसीकरण मोहिमेवर लक्ष ठेवले जा. यामध्ये 2000 आरोग्य कर्मचारी सहभागी होणार आहेत. डब्ल्यूएचओला गाझा पट्टीमध्ये 90 टक्के लसीकरण करावे लागेल. डब्ल्यूएचओ म्हणते की, संघर्षापूर्वी गाझा आणि वेस्ट बँकमध्ये लसीकरण पुरेसे होते. मीडिया रिपोर्ट्सनुसार, 2022 मध्ये गाझा आणि वेस्ट बँकमध्ये 99 टक्के लसीकरण झाले होते, जे गेल्या वर्षी 89 टक्क्यांवर आले होते.
इस्रायल आणि हमास यांच्यातील युद्धाला 11 महिन्यांपासून गाझामध्ये युद्ध सुरू आहे. गेल्या वर्षी 7 ऑक्टोबर रोजी हमासच्या दहशतवाद्यांनी इस्रायलवर हल्ला केला होता. इस्रायलने या दिवशी युद्धाची घोषणा केली होती. त्यानंतर सुरु झालेल्या हिंसाचारात आतापर्यंत 40 हजारांहून अधिक लोकांचा मृत्यू झाला आहे. तर 90 हजारांहून अधिक जखमी झाले आहेत. या हिंसाचारात सर्वाधिक मुले आणि महिलांचा मृत्यू झाला आहे.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
