Dog Meat Festival: कोरोना काळातही चीनमध्ये डॉग मीट महोत्सवाचे आयोजन; हजारो कुत्र्यांना मारून खाल्ले जाते त्यांचे मांस
यूलिनमध्ये हा मांस महोत्सव पुढील 10 दिवस चालणार आहे. दरवर्षी हजारो लोक या उत्सवात सहभागी होण्यासाठी येतात. परंतु अशी अपेक्षा आहे की यावर्षी कमी व्हिजीटर्स असतील. या विवादास्पद उत्सवाला अनेक प्राणी मित्र गटांच्या विरोधाला सामोरे जावे लागत आहे
जगभरात कोरोना विषाणूद्वारे (Coronavirus) चीनने (China) हाहाकार माजवला आहे. लोक सध्या चीनवर प्रचंड नाराज आहेत. अनेक देशांनी चीनवर बहिष्कार टाकण्याचा निर्णयही घेतला आहे. वुहानमधील मांस बाजारातून हा विषाणू उद्भवला असल्याचे चीनने म्हटले आहे, परंतु बर्‍याच देशांनी असा दावा केला आहे की चीनने प्रत्यक्षात हा विषाणू प्रयोगशाळेत बनविला आहे. सत्य काय आहे याबद्दल अद्याप शंका आहे. दरम्यान, आता चीनमधून ताजी छायाचित्रे समोर आली आहेत, ज्यात चीनमध्ये वादग्रस्त डॉग मीट फेस्टिव्हल (Dog Meat Festival) होत असल्याचे दिसत आहे. महत्वाचे म्हणजे कोरोना काळातही चीनने हा उत्सव आयोजित केला आहे.
यूलिनमध्ये हा मांस महोत्सव पुढील 10 दिवस चालणार आहे. दरवर्षी हजारो लोक या उत्सवात सहभागी होण्यासाठी येतात. परंतु अशी अपेक्षा आहे की यावर्षी कमी व्हिजीटर्स असतील. या विवादास्पद उत्सवाला अनेक प्राणी मित्र गटांच्या विरोधाला सामोरे जावे लागत आहे. असे असूनही, हा उत्सव दरवर्षी चीनमध्ये आयोजित केला जातो. या उत्सवात, दहा दिवसांत हजारो कुत्रे मारून खाल्ले जातात. उत्सवाच्या काही महिन्यांपूर्वी कुत्र्यांची तस्करी तसेच कुत्र्यांची चोरीही सुरू होते.
30 जूनपर्यंत चालणारा कुत्रा मांस महोत्सव हा चीनमध्ये अधिकृत उत्सव नाही, परंतु त्याची लोकप्रियता देशभर आहे. कुत्र्यापासून ते अनेक प्रकारचे पाळीव प्राणी आणि वन्य प्राणी खाणारे चीनी लोक कुत्र्याच्या माणसाला ‘मीट ऑफ द अर्थ’ म्हणतात. कुत्रा मांस महोत्सवात दरवर्षी हजारो कुत्र्यांची कत्तल करून त्यांचे मांस उकडून किंवा भाजून खाल्ले जाते. (हेही वाचा: काय सांगता? फक्त 28 तासांमध्ये उभी केली 10 मजली इमारत; China च्या कंपनीची कमाल)
प्राणी खाल्ल्यामुळे चीनने जगाला अनेक जीवघेणे रोग दिले आहेत आणि कोरोना विषाणू उद्भवण्याचे कारणही प्राणीच मानले जात आहे. असे असूनही चीनमध्ये अशा क्रूर फेस्टिव्हलचे आयोजन केले आहे. डेली टाईम्सच्या वृत्तानुसार, हा महोत्सवात गर्भवती कुत्र्यांनाही सोडले नाही.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)