Beer Made From Urine: 'या' देशात बनवली जाते लघवी आणि सांडपाण्यापासून बिअर; जगातील सर्वात इको-फ्रेंडली बिअर प्यायची रिस्क तुम्ही घेऊ शकता का?
न्यूब्रू (Newbrew) नावाची ही बिअर जगातील सर्वात इको-फ्रेंडली बिअर म्हणून ओळखली जात आहे. सुमारे 95 टक्के न्यूब्रू बिअर ही Newater पासून बनविली जाते, जी सुरक्षित पेयजलासाठी आंतरराष्ट्रीय मानक पूर्ण करते.
Beer Made From Urine: सिंगापूर ( Singapore) मध्ये सध्या बिअर (Beer) ला मोठी मागणी आहे. मात्र, ही बिअर सांडपाणी (Sewage) आणि लघवी (Urine) पासून बनवली जाते. न्यूब्रू (Newbrew) नावाची ही बिअर जगातील सर्वात इको-फ्रेंडली बिअर म्हणून ओळखली जात आहे. सुमारे 95 टक्के न्यूब्रू बिअर ही Newater पासून बनविली जाते, जी सुरक्षित पेयजलासाठी आंतरराष्ट्रीय मानक पूर्ण करते.
पुनर्नवीनीकरण केलेल्या सांडपाण्यापासून बनवलेल्या बिअरमध्ये प्रीमियम जर्मन बार्ली माल्ट, सुगंधी सिट्रा आणि कॅलिप्सो हॉप्स, तसेच नॉर्वे, क्वेक मधील फार्म-हाऊस यीस्ट यासारख्या उत्कृष्ट घटकांचा वापर केला जातो. द स्ट्रेट टाईम्सच्या मते न्यूब्रू हे राष्ट्रीय जल एजन्सी PUB आणि स्थानिक क्राफ्ट बिअर ब्रुअरी 'ब्रेवर्क्ज़' द्वारे 8 एप्रिल रोजी सिंगापूर आंतरराष्ट्रीय जल सप्ताहातील जल परिषदेच्या संयोगाने लाँच केली गेली. निवाटर माल्ट, हॉप्स आणि यीस्ट स्ट्रेनचे स्वाद दूषित करत नाही. (हेही वाचा - Heart Failure-Related Death: अविवाहित लोकांमध्ये हृदयविकारामुळे होणाऱ्या मृत्यूचा धोका जास्त; संशोधनातून खुलासा)
सिंगापूर इंटरनॅशनल वॉटर वीकचे व्यवस्थापकीय संचालक रयान युएन यांच्या मते, पाण्याच्या पुनर्वापरासाठी आणि जागरूकता वाढवण्याच्या उद्देशाने न्यूब्रू ही सिंगापूरची सर्वात इको फ्रेंडली बिअर आहे. सिंगापूरच्या पाणीटंचाईबद्दल जागरूकता निर्माण करण्यासाठी, देशाच्या जलसंस्थेने ही बिअर लॉन्च करून जलसंकटाचा सामना करण्याचा मार्ग शोधला आहे.
सिंगापूरमध्ये पाण्याची टंचाई -
क्राफ्ट बिअर कंपनी 'स्टोन ब्रूइंग' ने 2017 मध्ये 'स्टोन फुल सर्कल पेले आले' लाँच केले. 'क्रस्ट ग्रुप' आणि 'स्टोन फुल सर्कल पेल एले' सारख्या इतर ब्रुअरीजने देखील सांडपाणी पुनर्वापर केलेल्या पाण्याचा वापर करून क्राफ्ट बिअरची स्वतःची आवृत्ती लाँच केली होती. चहूबाजूंनी समुद्राने वेढलेल्या सिंगापूरमध्ये पाण्याची मोठी टंचाई आहे. सिंगापूर पिण्याच्या पाण्यासाठी मलेशियाकडून पाणी विकत घेते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)