Layoffs at Twitter: पराग अग्रवाल यांच्यानंतर Elon Musk 3000 कर्मचाऱ्यांना काढून टाकण्याच्या तयारीत

Layoffs at Twitter: ट्विटरची मालकी इलॉन मस्क (Elon Musk) यांच्याकडे आल्यानंतर कंपनीच्या कर्मचाऱ्यांवर वाईट दिवस येण्याची शक्यता आहे. इलॉन मस्क यांनी सोशल मीडिया कंपनीची कमान हाती घेताच सीईओ पराग अग्रवाल (Parag Agarwal) यांच्यासह अनेक वरिष्ठ अधिकाऱ्यांना हटवण्यात आले. आता असे म्हटले जात आहे की, इलॉन मस्क कंपनीतून आणखी 3,000 कर्मचाऱ्यांना काढून टाकण्याच्या तयारीत आहे. ब्लूमबर्गच्या एका अहवालात ही माहिती देण्यात आली आहे. रिपोर्टनुसार, एलोन मस्कला ट्विटरच्या निम्म्या कर्मचाऱ्यांना काढून टाकायचे आहे. या कर्मचाऱ्यांची संख्या 3,700 च्या जवळपास आहे. या कर्मचाऱ्यांना या आठवड्याच्या अखेरीस नोकरीतून काढून टाकण्याबाबत माहिती दिली जाईल.

आतापर्यंत याबाबत इलॉन मस्क किंवा ट्विटरकडून कोणतीही माहिती देण्यात आलेली नाही. तथापि, ट्विटरवरील एका वापरकर्त्याने छाटणीच्या प्रश्नावर इलॉन मस्कने म्हटले होते की, अशा गोष्टी चुकीच्या आहेत. पण लोक इलॉन मस्क यांच्यावर विश्वास ठेवण्यास सक्षम नाहीत. कारण त्यांच्या नकारानंतरही सीईओ पराग अग्रवाल, कायदेशीर आणि धोरण प्रमुख विजय गडदे यांच्यासह संपूर्ण मंडळ हटवण्यात आले आहे. ट्विटरची कमान हाती घेताच मस्क यांनी हे पाऊल उचलले. याशिवाय इलॉन मस्क यांनी इंजिनीअर्सबाबत अत्यंत कडक नियम लागू करत आठवड्यातून दररोज 12 तास काम करण्याचा हुकूम जारी केला आहे. (हेही वाचा - Elon Musk New Rule: 'दिवसाचे 12 तास, आठवड्याचे 7 दिवस काम करावे लागेल', एलॉन मस्क यांचा ट्विटर कर्मचार्‍यांसाठी नवीन नियम- Reports)

याशिवाय इलॉन मस्कने ट्विटरचे वर्क फ्रॉम एनीव्हेअर हे फीचरही संपवले आहे. टेस्ला प्रमाणे, एलोन मस्क लवकरच सर्व ट्विटर कर्मचार्‍यांना कार्यालयात येऊन काम करण्यास सांगू शकेल. काही महिन्यांपूर्वीच इलॉन मस्क यांनी टेस्ला कर्मचाऱ्यांना आदेश दिले होते की, त्यांना आता कार्यालयात येऊन काम करावे लागेल. असे न करणाऱ्यांना नोकरीवरून काढण्याचा इशाराही देण्यात आला. इलॉन मस्क यांनी कार्यालयीन धोरणाची अंमलबजावणी करताना पाठवलेल्या मेलचे शीर्षक होते, 'रिमोट वर्क यापुढे स्वीकारले जाणार नाही'.

एलोन मस्कने पुढे लिहिले की, 'ज्याला दूरच्या ठिकाणाहून काम करायचे आहे, त्याला आता आठवड्यातून किमान 40 तास ऑफिसमध्ये यावे लागेल. अन्यथा त्याला टेस्ला सोडावे लागेल. आतापर्यंत अधिकृतपणे ट्विटरबद्दल काहीही सांगितले गेले नाही. परंतु, टेस्ला मॉडेल येथे देखील लागू होऊ शकते, असा अंदाज आहे.