Pakistan Flood: पाकिस्तानात पूराचा हाहाकार! 1208 लोकांचा मृत्यू, 3 कोटींहून अधिक लोकांना बसला पूराचा फटका

Pakistan Flood: पाकिस्तानमध्ये आलेल्या पुरामुळे (Flood) 1200 हून अधिक लोकांना आपला जीव गमवावा लागला आहे. तर लाखो लोक बेघर झाले आहेत. त्यांच्यासमोर खाण्यापिण्याचा प्रश्न निर्माण झाला आहे. राष्ट्रीय आपत्ती व्यवस्थापन प्राधिकरणाने सांगितले की, मान्सूनच्या विक्रमी पावसामुळे आलेल्या पुरामुळे 1208 जणांना आपला जीव गमवावा लागला. मृतांमध्ये 416 मुले आणि 244 महिलांचा समावेश आहे. त्यांच्या म्हणण्यानुसार पुरामुळे 6082 लोक जखमी झाले आहेत.

तीन दशकांतील सर्वाधिक पाऊस आणि हिमनद्या वितळल्यामुळे देशाचा एक तृतीयांश भाग पाण्याखाली गेला आहे. सिंध आणि बलुचिस्तान प्रांतांना पुराचा सर्वाधिक फटका बसला आहे. गिलगिट बाल्टिस्तानला भेट दिल्यानंतर पंतप्रधान शाहबाज शरीफ म्हणाले, "पुरामुळे येथे झालेल्या जीवितहानीमुळे मला खूप दुःख झाले आहे. देशभर विध्वंस झाला आहे. तुम्ही कुठेही जाल, तुम्हाला सर्वत्र विध्वंस दिसेल." (हेही वाचा -Strongest Global Storm: सध्या 160 मैल प्रति तास वेगाने पुढे सरकत आहे यावर्षीचे सर्वात शक्तिशाली वादळ Typhoon Hinnamnor; दक्षिण आशियाई देशांना धोका)

पाकिस्तानच्या इतिहासातील सर्वात धोकादायक पूर असे त्याचे वर्णन केले जात आहे. देशातील एक तृतीयांश लोकसंख्येला पाण्याखाली जगावे लागत आहे. युरोपियन स्पेस एजन्सीने काही सॅटेलाइट फोटो जारी केले आहेत, ज्यामध्ये पुराची तीव्रता पाहता येते. पुराच्या पाण्यात अडकल्याने अनेकांना अन्नाची नितांत गरज आहे. पुरामुळे लाखो एकर पिके उद्ध्वस्त झाली आहेत. त्यामुळे समस्या अधिक गंभीर बनली आहे.

चॅरिटी अॅक्शन अगेन्स्ट हंगरच्या मते, पाकिस्तानमधील 27 दशलक्ष लोकांकडे पुरापूर्वी पुरेसे अन्न नव्हते. आता उपासमारीची समस्या मोठ्या प्रमाणावर निर्माण झाली आहे. युनायटेड किंगडमस्थित मदत युती आपत्ती आपत्कालीन समितीचे मुख्य कार्यकारी सालेह सईद यांनी मदत आणि बचाव कार्याची माहिती दिली. ते म्हणाले, 'पाणी सतत वाढत आहे. जास्तीत जास्त जीव वाचवणे हे आमचे प्राधान्य आहे. पुरामुळे मोठ्या प्रमाणात जीवित व वित्तहानी झाली आहे.'

परराष्ट्र कार्यालयाचे प्रवक्ते असीम इफ्तिखार अहमद यांनी सांगितले की, मोठ्या आपत्तीमुळे 33 दशलक्षाहून अधिक लोक प्रभावित झाले आहेत. आपत्तीचा सामना करण्यासाठी त्यांनी 160 दशलक्ष डॉलर्सची तात्काळ मदत करण्याचे आवाहन केले आहे. अहमद म्हणाले की, या कठीण काळात पाकिस्तानला आंतरराष्ट्रीय समुदायाची एकता आणि पाठिंबा दर्शविण्यासाठी संयुक्त राष्ट्रांचे महासचिव अँटोनियो गुटेरेस 9-10 सप्टेंबर रोजी पाकिस्तानला भेट देतील. ऑस्ट्रेलिया, चीन, अमेरिका यासह अनेक देश आणि जागतिक बँक, आशियाई विकास बँक आणि संयुक्त राष्ट्रांच्या विविध संस्थांसह विविध जागतिक संस्थांनी मदत देऊ केली आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)