Elon Musk On Twitter Employees: आठवड्यात 80 तास काम, खाण्यापिण्याच्या सुविधा बंद; ट्विटर कर्मचार्‍यांसाठी एलोन मस्कचे नवे फर्मान जारी
एलॉन मस्क यांचे म्हणणे आहे की, जो कोणी कामावर येणार नाही, त्याने राजीनामा दिला आहे असे मानले जाईल. इलॉन मस्क यांनी आपल्या भाषणात सांगितले की, जर कंपनी अधिक रोख जमा करू शकली नाही तर दिवाळखोरीचा धोका देखील असू शकतो.
Elon Musk On Twitter Employees: एलॉन मस्क (Elon Musk) यांनी कंपनीची सूत्रे हाती घेतल्यापासून ट्विटर कर्मचाऱ्यांचे (Twitter Employees) अत्यंत वाईट दिवस आले आहेत. आता एलॉन मस्कने असे काही फर्मान जारी केले आहेत, ज्यामुळे आगामी काळात ट्विटर कर्मचाऱ्यांच्या अडचणी वाढू शकतात. 44 अब्ज डॉलर्समध्ये कंपनी विकत घेतल्यानंतर ट्विटर कर्मचार्‍यांना त्यांच्या पहिल्याचं महिन्यात एलॉन मस्कने कंपनी दिवाळखोर होण्याची भीती व्यक्त केली आहे. एलॉन मस्क यांसदर्भात बोलताना म्हणाले की, फायदेशीर स्थितीत राहण्यासाठी आठवड्यातून 80 तास काम करावे लागेल. याशिवाय कार्यालयातील मोफत भोजनासारख्या सुविधाही रद्द करण्यात येणार आहेत. एवढेच नाही तर कोरोनाच्या काळात घरून काम करण्याची सुविधाही तात्काळ प्रभावाने रद्द करण्यात आली आहे.
एलॉन मस्क यांचे म्हणणे आहे की, जो कोणी कामावर येणार नाही, त्याने राजीनामा दिला आहे असे मानले जाईल. इलॉन मस्क यांनी आपल्या भाषणात सांगितले की, जर कंपनी अधिक रोख जमा करू शकली नाही तर दिवाळखोरीचा धोका देखील असू शकतो. एलॉन मस्क यांनी ट्विटरची सूत्रे हाती घेतल्यानंतर दोन महिन्यांत अनेक मोठे निर्णय घेतले आहेत. त्यांनी अर्ध्याहून अधिक कामगारांना कामावरून काढून टाकले आहे. भारतातही ट्विटर इंडियाच्या 90% कर्मचाऱ्यांना कामावरून काढून टाकण्यात आले आहे. या लोकांमध्ये ट्विटरचे सीईओ पराग अग्रवाल यांचाही समावेश आहे. त्यांनी इतर थकबाकीदार कर्मचाऱ्यांना कार्यालयात येऊन काम करण्याचा सल्ला दिला आहे. (हेही वाचा - Changes in Twitter: आता भारतीय सरकारी खाती, कंपन्या, सार्वजनिक व्यक्तींच्या हँडलवर दिसू लागले 'Official' लेबल)
या संपूर्ण प्रकरणाची माहिती असलेल्या एका व्यक्तीने सांगितले की, एलॉन मस्क यांनी कर्मचाऱ्यांना सांगितले की, तुम्ही कार्यालयात आला नाही, तर तुमचा राजीनामा स्वीकारला जाईल. इतकंच नाही तर लोकांना कामावरून काढलं जात असल्याच्या प्रश्नावर इलॉन मस्क म्हणाले की, आपल्याला आणखी मजबूत व्हावं लागेल. मस्क म्हणाले की, या संकटाचा सामना करण्यासाठी, आम्हाला $ 8 सदस्यता शुल्क योजनेसह त्वरित पुढे जावे लागेल.
दरम्यान, कर्मचार्‍यांकडून अधिकाधिक काम करून घेण्यासाठी आणि त्यांना प्रेरीत करण्यासाठी त्यांना आर्थिक संकटाची कल्पना देण्यात आली आहे. जर लोक गांभीर्याने वागले नाही तर ट्विटरची स्थिती कठीण होईल, असा संदेश त्यांना देण्यात आला आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)