Disney-Reliance Deal: मुकेश अंबानींनी केली मोठी डील! रिलायन्स आणि Walt Disney चा मीडिया बिझनेस होणार मर्ज
विलीनीकरण पूर्ण झाल्यावर, Disney आणि Reliance जागतिक स्तरावर सर्वात वेगाने वाढणाऱ्या मनोरंजन बाजारपेठांपैकी एक शक्तिशाली आणि प्रभावशाली मीडिया कंपनी तयार करतील. रिपोर्ट्सनुसार, रिलायन्स आपल्या 61% स्टेकसाठी $1.5 बिलियनची गुंतवणूक करत आहे.
Disney-Reliance Deal: वॉल्ट डिस्ने (Walt Disney) आणि रिलायन्स इंडस्ट्रीज (Reliance Industries) यांनी त्यांच्या मीडिया ऑपरेशन्सचे भारतात विलीनीकरण करण्यासाठी महत्त्वपूर्ण करार केला आहे. ब्लूमबर्ग या वृत्तसंस्थेने या प्रकरणाशी संबंधित लोकांच्या हवाल्याने ही माहिती दिली आहे. अहवालानुसार, विलीन झालेल्या कंपनीत मुकेश अंबानींच्या नेतृत्वाखालील रिलायन्स इंडस्ट्रीजची 61 टक्के भागीदारी असू शकते. कारण, प्रचंड स्पर्धेमुळे डिस्ने भारतात आपल्या रणनीतीचे पुनर्मूल्यांकन करत आहे. तथापि, विलीनीकरण करारावर डिस्ने आणि रिलायन्सच्या अधिकाऱ्यांनी अद्याप भाष्य केलेले नाही.
टाटा प्ले खरेदी करण्याची तयारी सुरू -
रिलायन्स इंडस्ट्रीज टाटा प्ले लिमिटेड या ब्रॉडकास्ट सर्व्हिस प्रोव्हायडरच्या अधिग्रहणाचा विचार करत आहे. ज्यामध्ये डिस्नेचा हिस्सा आहे. टाटा प्ले सध्या टाटा सन्सच्या मालकीचे आहे. टाटा प्लेमध्ये त्याचा 50.2% हिस्सा आहे. तर उर्वरित समभाग डिस्ने आणि सिंगापूर गुंतवणूक फर्म टेमासेक यांच्याकडे आहेत. (हेही वाचा - Reliance Jio Bharat GPT: रिलायन्स जिओ घेऊन येत आहे 'भारत जीपीटी', ChatGPT शी करेल स्पर्धा, Akash Ambani ची घोषणा)
विलीनीकरण पूर्ण झाल्यावर, Disney आणि Reliance जागतिक स्तरावर सर्वात वेगाने वाढणाऱ्या मनोरंजन बाजारपेठांपैकी एक शक्तिशाली आणि प्रभावशाली मीडिया कंपनी तयार करतील. रिपोर्ट्सनुसार, रिलायन्स आपल्या 61% स्टेकसाठी $1.5 बिलियनची गुंतवणूक करत आहे.
गेल्या आठवड्यातील शेवटच्या व्यवहाराच्या दिवशी शुक्रवारी रिलायन्सचे शेअर्स वाढीसह बंद झाले. मुंबई शेअर बाजारात रिलायन्स इंडस्ट्रीजचा समभाग 0.78 टक्क्यांनी 23 रुपयांच्या वाढीसह 2986.35 रुपयांवर बंद झाला. यासह कंपनीचे मार्केट कॅप 20,20,470.88 कोटी रुपयांवर पोहोचले आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)