Airtel कडून यूजर्संना Hotstar VIP चे मोफत सबस्क्रिप्शन; जाणून घ्या खास रिचार्ज प्लॅन

दूरसंचार ऑपरेटर भारती एअरटेल (Bharti Airtel) कडून हॉटस्टार व्हीआयपी (Hotstar VIP) ची फ्री सबस्क्रिप्शन ऑफर देण्यात येत आहे. ही सबस्क्रिप्शन ऑफर एअरटेलच्या निवडक पोस्टपेड आणि ब्रॉडबँड वापरकर्त्यांसाठी असणार आहे. Airtel च्या अटी व शर्तीनुसार ही ऑफर प्लॅटिनम वापरकर्त्यांसाठी असेल. म्हणजे Hotstar VIP च्या फ्री सबस्क्रिप्शन ऑफरमध्ये प्री-पेड रिचार्ज 499 रुपये आणि त्यापेक्षा अधिक रुपयांना मिळेल. तसेच हीच समान सुविधा ब्रॉडबँड प्लॅनवर 999 आणि त्यापेक्षा अधिक किंमतीवर उपलब्ध असेल. जिओकडून निवडक वापरकर्त्यांना नेटफ्लिक्स (Netflix) सारख्या ओटीटी प्लॅटफॉर्मवर विनामूल्य सबस्क्रिप्शन देण्यात येत आहे. त्यामुळे एअरटेलनेदेखील आपल्या निवडक वापरकर्त्यांसाठी हॉटस्टार व्हीआयपी विनामूल्य सबस्क्रिप्शन ऑफर दिली आहे.

या रिचार्ज प्लॅनवर उपलब्ध असेल सुविधा -

एअरटेलच्या प्री-पेड रिचार्ज योजनेत, Hotstart VIP विनामूल्य सब्सक्रिप्शन मिळेल. यात 499, 749, 999 रुपये आणि 1,599 रुपयांच्या प्री-पेड रिचार्ज प्लानचा समावेश आहे. ब्रॉडबँड योजनेबद्दल बोलायचं झालं तर, एअरटेलच्या 999 रुपये, 1,499 रुपये आणि 3,999 रुपयांच्या रीचार्ज प्लॅनवर हॉटस्टार व्हीआयपीचे विनामूल्य सब्सक्रिप्शन मिळेल. युजर्स एअरटेल थँक्स अॅपद्वारे (Airtel Thanks) हे रिचार्ज प्लॅन तपासू शकतात. यूजर्स एअरटेल कडून देण्यात येणाऱ्या या विनामूल्य हॉटस्टार व्हीआयपी सब्सक्रिप्शनचा एकदाच फायदा घेऊ शकता. (हेही वाचा - Vodafone Idea ची बंपर ऑफर; या स्पेशल रिचार्जवर 56 दिवसांसाठी मिळणार 100 GB डेटा)

'या' प्री-पेड रिचार्ज योजनेवर विनामूल्य Disney+ Hotstar VIP सब्सक्रिप्शन मिळेल -

• Airtel च्या 401 रुपयांच्या रिचार्ज योजनेवर 28 दिवसांसाठी 30 जीबी डेटा दिला जातो. तसेच एका वर्षासाठी डिस्ने + हॉटस्टार व्हीआयपी सदस्यता विनामूल्य देण्यात येते.
• एअरटेलच्या 448 रुपयांच्या रीचार्ज योजनेत दररोज 3GB डेटासह अमर्यादित कॉलिंग आणि 100 एसएमएसची सुविधा 28 दिवसांसाठी उपलब्ध आहेत. ही योजना एक वर्षाच्या डिस्ने + हॉटस्टार व्हीआयपी सब्सक्रिप्शन योजनेसह येते.
• याशिवाय एअरटेलच्या 599 रुपयांच्या रिचार्ज योजनेत दररोज 2 जीबी डेटासह अमर्यादित कॉलिंग उपलब्ध आहे. या योजनेवर 56 दिवसांची वैधता उपलब्ध देण्यात आली असून दररोज 100 एसएमएससह एका वर्षासाठी Disney+ Hotstar VIP ची सदस्यता मिळते.
• एअरटेलच्या 2698 रुपयांच्या रिचार्ज योजनेवर एक वर्षाची वैधता उपलब्ध आहे. ही योजना दररोज 2 जीबी डेटा आणि 56 दिवसांसाठी अमर्यादित कॉलिंग प्रदान करते. तसेच एका वर्षासाठी Disney+ Hotstar VIP सदस्यता देते.

'या' ब्रॉडबँड रिचार्ज योजनेवर विनामूल्य Disney+ Hotstar VIP सब्सक्रिप्शन मिळवा -

एअरटेलच्या 999 रुपयांच्या रीचार्ज योजनेवर 200 एमबीपीएस वेगाने अमर्यादित इंटरनेट आणि कॉलिंग सुविधा प्रदान केली जात आहे. एअरटेलच्या 1499 रुपयांच्या रीचार्ज योजनेत 300 एमबीपीएसच्या वेगाने अमर्यादित इंटरनेट डेटा आणि स्थानिक व एसटीडी कॉलिंग देण्यात येत आहे. याशिवाय एअरटेलच्या 3999 रुपयांच्या रीचार्ज योजनेत 1 Gbps गतीने अमर्यादित इंटरनेट कॉलिंग देण्यात आली आहे. तसेच यावर अमर्यादित लोकल आणि एसटीडी कॉलिंग उपलब्ध आहे.