Discoms Awareness Campaign: वीज बिल भरताना बँकेचे तपशील शेअर करू नका; फसवणुकीच्या वाढत्या घटनानंतर डिस्कॉम्सची जागरूकता मोहिम

Discoms Awareness Campaign: दिल्लीतील फसवणुकीच्या वाढत्या संख्येवर नजर ठेवून डिस्कॉम्सने मीडिया जागरूकता मोहिम सुरू केली आहे. त्यात वीज बिल भरण्याबाबत काही सल्ले देण्यात आले आहेत. व्हेरिफाईड ॲप्सवर वीज बिल भरणे, डेबिट किंवा क्रेडिट कार्ड तपशील कुठेही देऊ नये. संशयास्पद लिंक्सवर क्लिक करणे टाळा असे सल्ले देण्यात आले आहेत.

हे घोटाळे एका शहरापुरते मर्यादित नाहीत. हे घोटाळेबाज सर्वत्र समान डावपेच वापरत आहेत. ते थकीत पेमेंटचा दावा करणारे मॅसेज पाठवतात आणि लोकांकडून संशयास्पद लिंकवर क्लिक करण्यास किंवा अपरिचित नंबरवर कॉल करण्यास उद्युक्त करतात. या लिंक्स अनेकदा मालवेअर-ग्रस्त वेबसाइट्सकडे लोकांना नेतात. अलीकडेच दिल्लीतील एका डॉक्टरला याचा फटका बसला. अधिकाऱ्यांनी सांगितले की, त्याने वीज बिल भरण्यासाठी बनावट लिंकवर क्लिक केले आणि त्याची 6 लाख रुपयांची फसवणूक केली.

बीएसईएसच्या अधिकाऱ्याने सांगितले की, वीज बिल भरताना ग्राहकांनी सतर्क राहणे आणि सावधगिरी बाळगणे आवश्यक आहे. केवळ बीएसईएस-अधिकृत प्लॅटफॉर्म वापरणे आवश्यक आहे. अधिकारी पुढे म्हणाले, “आमचे अधिकारी ग्राहकांना त्यांच्या बँक किंवा क्रेडिट/डेबिट कार्ड तपशील, CVV क्रमांक किंवा OTP कधीही विचारणार नाहीत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)