Flipkart Big Billion Days, Amazon Great Indian Festival | (Photo Credits: Archived, edited, symbolic images)Chhatrapati

Amazon and Flipkart Festival Sale 2024 Dates: सर्वसाधारणपणे गणेश चतुर्थीपासून देशात उत्सवाचा, सणासुदीचा हंगाम सुरू होतो. गणेशोत्सवापासून विविध प्रकारच्या वस्तूंची खरेदीही सुरू होते. त्यानंतर येणारी नवरात्र, दिवाळी यासाठी लोक विशेष खरेदी करतात. हाच फेस्टिव्ह सिझन ध्यानात घेऊन देशातील दोन प्रसिद्ध ई-कॉमर्स प्लॅटफॉर्म ॲमेझॉन व फ्लिपकार्ट (Amazon  and Flipkart) खास सेल घेऊन येत आहेत. येत्या काही दिवसांत ॲमेझॉन आणि फ्लिपकार्टवर फेस्टिव्ह सेल सुरू होणार आहे. या कालावधीत, दोन्ही प्लॅटफॉर्मवर इलेक्ट्रॉनिक्सपासून ते मोबाइल फोन आणि इतर वस्तूंपर्यंत सर्व काही मोठ्या सवलतींसह उपलब्ध असेल.

अमेझॉन व फ्लिपकार्ट सेलच्या तारखा- 

फ्लिपकार्टने एका निवेदनात म्हटले आहे की, यंदाचा सेल 'बिग बिलियन डेज 2024' (Big Billion Days Sale 2024) प्रत्येक ग्राहकासाठी 27 सप्टेंबरपासून लाइव्ह होईल, मात्र व्हीआयपी आणि फ्लिपकार्ट प्लस ग्राहकांसाठी तो 24 तास अगोदर, म्हणजेच 26 सप्टेंबरला सुरु होईल. दुसरीकडे ॲमेझॉन इंडियानेही आपल्या वार्षिक उत्सव सेल, अमेझॉन ग्रेट इंडियन फेस्टिव्हल (Amazon Great Indian Festival) ची घोषणा केली आहे. कंपनीने सांगितले की, हा सेल 27 सप्टेंबरपासून सुरू होईल आणि प्राइम सदस्यांना 24 तास लवकर प्रवेश मिळेल. याचा अर्थ दोन्ही कंपन्यांचे सेल एकाचवेळी सुरु होणार आहेत. (हेही वाचा: Employment Opportunities During Festive Season: सणासुदीच्या काळात निर्माण होणार 10 लाख अतिरिक्त रोजगाराच्या संधी; महिलांचा सहभाग वाढणार- Reports)

ॲमेझॉनने या सेलमध्ये स्मार्टफोन्सवर उपलब्ध असलेल्या डीलची एक झलक उघड केली आहे. सॅमसंगच्या Galaxy M35 5G, Galaxy S24 Ultra, Galaxy A35 5G, Galaxy A55 5G यासह यावर्षी लॉन्च केलेल्या स्मार्टफोन्सवर आतापर्यंतची सर्वात मोठी सूट दिली जाईल. त्याच वेळी, OnePlus 11R, OnePlus 12, OnePlus 12R, OnePlus Nord CE 4 Lite, Nord CE 4 च्या खरेदीवर विशेष सूट मिळेल. ॲमेझॉन इंडियावर फॅशन आणि सौंदर्य उत्पादनांवरही 80 टक्क्यांपर्यंत सूट मिळू शकते. या सवलतीमुळे तुम्हाला अनेक उत्पादने अतिशय स्वस्त दरात खरेदी करण्याची संधी मिळणार आहे. यामध्ये कपडे, सौंदर्य उत्पादने, पिशव्या, घड्याळे इत्यादींचा समावेश असेल.

टीझरच्या रिपोर्टनुसार, फ्लिपकार्ट सेलमध्ये सर्वात कमी किमतीत iPhone 15, iPhone 15 Plus, iPhone 15 Pro आणि iPhone 15 Pro Max खरेदी करता येतील. ग्राहकांना घरगुती उपकरणे आणि इलेक्ट्रॉनिक्सवर सर्वोत्तम डील आणि सवलती मिळतील.