PV Sindhu Engagement Photo (फोटो सौजन्य - इन्स्टाग्राम)

PV Sindhu Engagement: दोन वेळा ऑलिम्पिक पदक विजेती बॅडमिंटनपटू पीव्ही सिंधू (PV Sindhu) ने शनिवारी आयटी प्रोफेशनल व्यंकट दत्ता साई (Venkata Datta Sai) सोबत साखरपूडा केला. पीव्ही सिंधूने इंस्टाग्रामवर एक पोस्ट शेअर करून चाहत्यांना यासंदर्भात खुशखबर दिली आहे. सिंधूच्या लग्नाचे कार्यक्रम 20 डिसेंबरपासून सुरू होणार आहेत. त्याच्या कुटुंबीयांनी सांगितले की, 24 डिसेंबरला हैदराबादमध्ये ग्रँड वेडिंग रिसेप्शनही होणार आहे.

पीव्ही सिंधूने तिच्या इंस्टाग्रामवर एक पोस्ट शेअर केली आहे, ज्यामध्ये तिच्या एंगेजमेंट सोहळ्याचा फोटो आहे. पीव्ही सिंधू आणि व्यंकट दत्ता यांच्या चेहऱ्यावरील आनंद या फोटोमध्ये स्पष्ट दिसत आहे. हातात अंगठी धरून या जोडप्याने केक कापून हा क्षण आणखी खास बनवला. सिंधूने तिच्या इन्स्टा पोस्टच्या कॅप्शनमध्ये लेबनीज लेखक खलील जिब्रानचा कोट लिहिला आहे, 'जेव्हा प्रेम तुम्हाला बोलावेल तेव्हा त्याला फॉलो करा, कारण प्रेम स्वतःशिवाय काहीही देत ​​नाही.' (हेही वाचा -PV Sindhu Wedding: पीव्ही सिंधू लवकरच अडकणार विवाह बंधनात, 22 डिसेंबरला होणार विवाह सोहळा)

बॅडमिंटनपटू 22 डिसेंबरला अडकणार लग्नबंधनात -

हे क्यूट कपल 22 डिसेंबर रोजी उदयपूरमध्ये लग्नबंधनात अडकणार आहे. सिंधूच्या लग्नाची घोषणा दोन आठवड्यांपूर्वी लखनौ येथील सय्यद मोदी इंटरनॅशनलमध्ये विजेतेपद पटकावल्यानंतर काही दिवसांनी झाली. सिंधूच्या लग्नाचा सोहळा 20 डिसेंबरपासून उदयपूरमध्ये सुरू होणार असून 22 डिसेंबरला लग्न होणार आहे. बॅडमिंटन स्टारने दिग्गज क्रिकेटपटू सचिन तेंडुलकर, पंतप्रधान नरेंद्र मोदी आणि गृहमंत्री अमित शहा यांच्यासह अनेकांना लग्नासाठी आमंत्रित केले आहे. (हेही वाचा -PV Sindhu Paris Olympic 2024: पीव्ही सिंधू सलग दुसरा सामना जिंकून उपांत्यपूर्व फेरीत दाखल)

 

View this post on Instagram

 

A post shared by PV Sindhu (@pvsindhu1)

कोण आहे व्यंकट दत्ता साई?

पीव्ही सिंधू संपूर्ण जगाला माहित आहे. परंतु चाहत्यांना तिच्या भावी पतीबद्दल जाणून घेण्याची उत्सुकता आहे. सिंधूचे भावी पती व्यंकट दत्ता साई हे हैदराबादस्थित पोसिडेक्स टेक्नॉलॉजीजचे कार्यकारी संचालक आहेत. ते एक व्यावसायिक आणि अनुभवी उद्योजक देखील आहेत, ज्यांनी वित्त, डेटा विज्ञान आणि मालमत्ता व्यवस्थापन या क्षेत्रात आपला ठसा उमटवला आहे. व्यंकट दत्ता यांनी लिबरल स्टडीज आणि बिझनेसमध्ये शिक्षण पूर्ण केले. त्यांनी फाउंडेशन ऑफ लिबरल अँड मॅनेजमेंट एज्युकेशनमधून लिबरल आर्ट्स अँड सायन्सेसमध्ये डिप्लोमा मिळवला आणि नंतर FLUM विद्यापीठातून अकाउंटिंग आणि फायनान्समध्ये बीबीए मिळवले. ते 2018 मध्ये पदवीधर झाले. त्याच्या कारकिर्दीची सुरुवात JSW मध्ये समृद्ध कार्यकाळापासून झाली.