MC Mary Kom: युवा खेळाडूंसाठी मेरी कोमने घेतला मोठा निर्णय, आशियाई खेळ आणि वर्ल्ड चॅम्पियनशिपमध्ये सहभागी होणार नसल्याचे केले जाहीर

सहा वेळा विश्वविजेती बॉक्सर मेरी कोमने (MC Mary Kom) एक मोठा निर्णय घेतला असून या वर्षी होणार्‍या IBA महिला जागतिक बॉक्सिंग चॅम्पियनशिप (IBA World Boxing Championship) आणि आशियाई खेळ 2022 (Asian Games 2022) मध्ये सहभागी होणार नसल्याचे जाहीर केले आहे. सोमवारपासून या खेळांच्या चाचण्या सुरू होणार असून मेरी कोमने या चाचण्यांमध्ये भाग न घेण्याचा निर्णय घेतला आहे. आता युवा खेळाडूंना संधी मिळावी, अशी तिची इच्छा आहे. जागतिक अजिंक्यपद स्पर्धेसाठी 12 प्रकारांच्या चाचण्या सोमवार ते बुधवार या कालावधीत होणार आहेत. यासोबतच आशियाई क्रीडा प्रकारासाठीही चाचण्या होणार आहेत. 51 किलो आणि 69 किलो वजनी गट जागतिक चॅम्पियनशिपचा भाग नसणार आहे. अशा परिस्थितीत 11 ते 14 मार्च या कालावधीत या श्रेणींसाठी स्वतंत्र चाचण्या होतील. अशा स्थितीत या श्रेणीतील खेळाडूंना अधिक संधी मिळेल. आयबीए महिला जागतिक बॉक्सिंग चॅम्पियनशिप 6 ते 21 मे दरम्यान तुर्कीची राजधानी इस्तंबूल येथे होणार आहे. त्याचवेळी बर्मिंगहॅम येथे राष्ट्रकुल क्रीडा स्पर्धा होणार आहेत.

Tweet

मेरी कोम जागतिक बॉक्सिंग चॅम्पियनशिप आणि आशियाई क्रीडा स्पर्धेत सहभागी होणार नाही

भारतीय बॉक्सिंग फेडरेशनला दिलेल्या निवेदनात मेरी कोम म्हणाली, 'मी आशियाई खेळ आणि जागतिक स्पर्धेत सहभागी होणार नाही. नवीन पिढीने पुढे यावे आणि आंतरराष्ट्रीय स्पर्धांमध्ये भाग घेऊन एक्सपोजर व्हावे, अशी माझी इच्छा आहे. मला सध्या राष्ट्रकुल खेळांवर लक्ष केंद्रित करायचे आहे. (हे ही वाचा Shane Warne Demise: सहकारी शेन वॉर्न याला श्रद्धांजली वाहताना रिकी पॉन्टिंग भावुक, माजी ऑस्ट्रेलियन कर्णधारल अश्रू झाले अनावर (Watch Video)

मेरी कोमच्या या निर्णयावर भारतीय बॉक्सिंग फेडरेशनच्या अध्यक्षा म्हणाल्या, 'मेरी कोम दोन दशकांहून अधिक काळ भारतीय बॉक्सिंगचा चेहरा आहे. तिने देशभरातील अनेक बॉक्सर्सना प्रेरणा दिली आहे. आम्ही तिच्या या निर्णयाचा आदर करतो आणि या संधीचा फायदा तरुणांना घ्यावा. आमच्याकडे खूप मजबूत बेंच स्ट्रेंथ आहे याचा आम्हाला आनंद आहे. देशाची नावलौकिक मिळवण्यासाठी हे सर्व सज्ज आहे. कॉमनवेल्थ गेम्सच्या तयारीसाठी मेरी कोमला माझ्या शुभेच्छा.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)