IND vs BAN: तिसरा एकदिवसीय सामना खेळण्यासाठी आज भारत आणि बांगलादेश येणार आमनेसामने, 'असा' असेल संभाव्य संघ

भारत आणि बांगलादेश (IND vs BAN) यांच्यातील तीन एकदिवसीय सामन्यांच्या मालिकेतील शेवटचा सामना आज होणार आहे. बांगलादेशने या मालिकेत 2-0 अशी अजेय आघाडी घेतली आहे. उभय संघांमधील शेवटचा वनडे सामना चट्टोग्राम येथे होणार आहे. या एकदिवसीय सामन्यात भारतीय संघ आपली प्रतिष्ठा वाचवण्याचा प्रयत्न करेल, तर बांगलादेश संघाला मालिकेत क्लीन स्वीप करून इतिहास रचायचा असेल. अशा परिस्थितीत आज सामन्यापूर्वी आम्ही तुम्हाला प्लेइंग इलेव्हन, खेळपट्टीचा अहवाल आणि हवामानाची संपूर्ण माहिती सांगणार आहोत.  चट्टोग्राममधील जबूर अहमद चौधरी स्टेडियमची (Jaboor Ahmad Chaudhary Stadium) खेळपट्टी फलंदाजांना आवडेल.

या खेळपट्टीवर नाणेफेक जिंकल्यानंतर फलंदाजीचा निर्णय घेणाऱ्या कोणत्याही संघाला धावफलकावर मोठी धावसंख्या लटकवायची असते. या मैदानावर चाहत्यांना 300+ चा स्कोअर पाहता येईल. वेगवान गोलंदाजांना सामन्याच्या सुरुवातीला थोडी मदत मिळू शकते. भारत आणि बांगलादेश यांच्यातील वनडे मालिकेतील तिसरा आणि शेवटचा सामना 10 डिसेंबरला खेळवला जाईल. हेही वाचा FIFA World Cup Quarter-Finals: तब्बल 5 वेळा विश्वविजेता ब्राझील स्पर्धेतून बाहेर; क्रोएशियाने पेनल्टीवर केला 4-2 असा पराभव

उभय संघांमधील हा सामना चितगाव येथील जबूर अहमद चौधरी क्रिकेट स्टेडियमवर होणार आहे. या सामन्यापूर्वी हवामान खात्याने चाहत्यांना मोठी बातमी दिली आहे.  वास्तविक, हवामान खात्याने सांगितले आहे की सामन्यादरम्यान ढाकामध्ये पावसाची अजिबात शक्यता नाही. दुसरीकडे, शनिवारी येथील तापमान 29 अंशांच्या आसपास असू शकते. क्रिकेटच्या महान खेळासाठी तापमान अगदी योग्य आहे.

टीम इंडिया संभाव्य प्लेइंग इलेव्हन

शिखर धवन, विराट कोहली, श्रेयस अय्यर, इशान किशन/राहुल त्रिपाठी, केएल राहुल (कर्णधार आणि यष्टिरक्षक), वॉशिंग्टन सुंदर, अक्षर पटेल, शार्दुल ठाकूर, कुलदीप यादव, मोहम्मद सिराज, उमरान मलिक.

बांगलादेश संभाव्य प्लेइंग इलेव्हन

नजमुल हुसेन शांतो, लिटन दास (क), अनामूल हक, शकीब अल हसन, मुशफिकुर रहीम (विकेटकीपर), महमुदुल्ला, अफिफ हुसैन, मेहदी हसन मिराज, नसुम अहमद, इबादत हुसेन, मुस्तफिजुर रहमान.