Shoaib Akhtar On Indian Bowler: आमच्याकडे वेगवान गोलंदाज कारण आम्ही खूप साऱ्या प्राण्यांच मांस खातो आणि वाघासारख धावतो, शोएब अख्तरचा अजब दावा

भारतीय संघाने (Indian Team) अलीकडच्या काळात बरेच यश संपादन केले आहे. कसोटीत भारतीय संघाचा दर्जा वेगळा आहे. ज्या संघात परदेशात जाऊन जिंकण्याची ताकद आहे, त्या संघात या संघाची गणना होते. भारताने ऑस्ट्रेलियात सलग दोन कसोटी मालिका जिंकल्या आणि त्यानंतर गेल्या वर्षी इंग्लंडमध्येही चांगली कामगिरी केली. संघाच्या यशाचे मोठे रहस्य म्हणजे वेगवान गोलंदाजी. भारताकडे जसप्रीत बुमराह, इशांत शर्मा, मोहम्मद शमी, उमेश यादव, मोहम्मद सिराज असे गोलंदाज आहेत. प्रत्येकजण या गोलंदाजाची प्रशंसा करतो आणि त्यापैकी एक पाकिस्तानचा माजी वेगवान गोलंदाज शोएब अख्तर (Shoaib Akhtar) आहे, परंतु अख्तरने तरीही भारतीय संघाच्या गोलंदाजांमधील कमतरता निदर्शनास आणल्या आहेत.

अख्तरच्या मते, भारत आणि पाकिस्तानच्या वेगवान गोलंदाजांमध्ये आक्रमकता आणि उर्जेचा फरक आहे. पॉडकास्टवर बोलताना अख्तर म्हणाला की, भारतीय संघ चांगले वेगवान गोलंदाज तयार करत आहे पण त्यांच्यात उर्जेचा अभाव आहे. तो म्हणाला, “पाकिस्तान आणि भारताच्या गोलंदाजांमध्ये फरक आहे. भारतीय संघ उत्तम वेगवान गोलंदाज निर्माण करत आहे. तसेच भारतीय गोलंदाज पाकिस्तान गोलंदाजासारखे नाही. (हे ही वाचा WI vs ENG 2022: भारत दौऱ्यापूर्वी जेसन होल्डरचा धमाका, चार चेंडूत चार इंग्लंड फलंदाजांना पॅव्हिलियनमध्ये पाठवून रचला इतिहास; पहा Video)

पाकिस्तानकडे चांगले गोलंदाज 

अख्तर म्हणाला की, पाकिस्तानचे गोलंदाज अधिक धोकादायक आणि दमदार असतात कारण त्यांचा आहार चांगला असतो. तो म्हणाला, तुम्ही जे खाता तेच बनतात माझ्या देशातील लोक खूप प्राणी खातात आणि त्यामुळे आम्ही प्राण्यांसारखे झालो आहोत. वेगवान गोलंदाजांचा विचार केला तर आपण सिंहासारखे धावतो.

अख्तरने पाकिस्तानसाठी 46 कसोटी सामने खेळले आहेत. याशिवाय त्याने आपल्या देशासाठी 163 एकदिवसीय आणि 15 टी-20 सामनेही खेळले आहेत. अख्तरने 1997 मध्ये पाकिस्तानकडून पदार्पण केले. तिन्ही फॉरमॅटमध्ये त्याने 444 विकेट्स घेतल्या आहेत.

(The above story first appeared on LatestLY on Jan 31, 2022 07:28 PM IST. For more news and updates on politics, world, sports, entertainment and lifestyle, log on to our website latestly.com).