Virat Kohli 1000th Instagram Post: विराट कोहलीने इंस्टाग्रामवर शेअर केली 1000 वी पोस्ट, प्रेरणादायक मेसेज देत मानले चाहत्यांचे आभार (Check Photo)

गुरुवारी टीम इंडियाचा कर्णधार विराट कोहलीने इंस्टाग्रामवर आपले 1000 वी पोस्ट (Virat Kohli 1000th Instagram Post) शेअर केली. सोशल मीडियावर खूप सक्रिय असणारा कोहली 69.5 मिलियन फॉलोअर्ससह इन्स्टाग्रामवर सर्वाधिक फॉलो होणार भारतीय आहे. कोहलीने एक प्रेरणादायक पोस्ट शेअर केली आणि समर्थन केल्याबद्दल त्याच्या चाहत्यांचे आभार मानले. त्याने फोटोला कॅप्शन देत लिहिले, "2008 2020. वाटेत बर्‍याच शिकण्यांसह, तुमच्या प्रेम आणि आधाराबद्दल मी कृतज्ञ आहे. येथे #1000 वी पोस्ट." फोटोशॉप इमेजमध्ये युवा कोहली स्वत:च्या सध्याची आवृत्तीशी फिस्ट-बॅम्पिंग करताना दिसत आहे, जो या पिढीतील महान फलंदाजांपैकी एक आहे. कोहलीने 2008 मध्ये श्रीलंकेविरुद्ध वनडे मालिकेत आंतरराष्ट्रीय क्रिकेटमध्ये पदार्पण केले होते. भारतीय कर्णधार सध्या आयसीसी वनडे क्रमवारीत अव्वल तर कसोटीत क्रमवारीत दुसऱ्या स्थानावर आहे. (विराट कोहलीचा नवा ‘रेट्रो’ लूक पाहून चाहते इम्प्रेस; 'रईस'च्या शाहरुख खानपासून Money Heistच्या प्राध्यापकाशी केली तुलना)

कोहलीने पदार्पण केले असताना भारताचे प्रशिक्षक असलेले गॅरी कर्स्टन म्हणाले की त्याच्या सुरुवातीच्या दिवसात त्याच्याकडे क्षमता आणि कौशल्य होते पण तो सर्वोत्कृष्ट काम करीत नव्हता. “जेव्हा मी विराटला पहिल्यांदा भेटलो तेव्हा त्याच्यात क्षमता व कौशल्य होते आणि तो तरुण होता. पण मला एक प्रकारे माहित होते की तो स्वत:च्या सर्वोत्कृष्ट आवृत्तीमध्ये कार्य करीत नाही. ”म्हणून आमच्यामध्ये बर्‍याच चर्चा झाल्या,” कर्स्टन यांनी युट्यूबवरील आरके शोमध्ये सांगितले.

पाहा विराटची 1000 वी पोस्ट:

 

View this post on Instagram

 

2008 🤜🤛2020 . With many learnings along the way, I'm grateful for your love and support you guys have shown me. ♥️ Here's to the #1000thPost

A post shared by Virat Kohli (@virat.kohli) on Jul 22, 2020 at 9:31pm PDT

सध्याच्या पिढीतील कोहली हा सर्वोत्कृष्ट फलंदाज म्हणून गणला जातो. कोहलीने आपल्या खेळाच्या जोरावर जगभरात मोठी फॅनफॉलोईंग निर्माण केली आहे.यापूर्वी, TAMच्या अहवालानुसार सर्व टीव्ही चॅनेल्समध्ये दररोज सरासरी 10 तास दृश्यमानतेसह जाहिरातींद्वारे विराट सर्वाधिक लोकप्रिय व्यक्तींच्या यादीमध्ये अव्वल स्थानावर आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)