BCCI: विराट फॅन्सच्या दुखावल्या भावना; सामन्यादरम्यान 18 क्रमांकाची जर्सी घालून खेळाडू मैदानात उतरला, नेटकऱ्यांच्या सतप्त प्रतिक्रीया
भारत अ आणि इंग्लंड लायन्स यांच्यात खेळल्या जाणाऱ्या अनधिकृत कसोटी सामन्यादरम्यान टीम इंडियाचा वेगवान गोलंदाज मुकेश कुमारने विराट कोहलीची 18 क्रमांकाची जर्सी घातली, ज्यामुळे गोंधळ उडताना दिसत आहे.
18 क्रमांकाची जर्सी कोणी घातली?
इंग्लंडविरुद्धच्या 5 सामन्यांच्या कसोटी मालिकेपूर्वी विराट कोहलीने कसोटी क्रिकेटमधून निवृत्ती घेऊन सर्वांना आश्चर्यचकित केले. विराट कोहलीचा जर्सी क्रमांक 18 आहे. जो चाहत्यांनीही निवृत्त करण्याची मागणी केली आहे. मात्र, इंडिया अ आणि इंग्लंड लायन्स यांच्यात खेळल्या जाणाऱ्या अनधिकृत कसोटीत मुकेश कुमार गोलंदाजी करताना 18 क्रमांकाची जर्सी घालून आला होता. यामुळे वाद निर्माण झाला आहे. चाहत्यांना ते आवडले नाही. चाहत्यांनी आता बीसीसीआयकडे ही जर्सी क्रमांक 18 निवृत्त करण्याची मागणी केली आहे.
या सामन्यात प्रथम फलंदाजी करताना इंडिया अ ने 557 धावा केल्या होत्या. इंडिया अ साठी फलंदाजी करताना करुण नायरने सर्वाधिक 204 धावा केल्या. याशिवाय ध्रुव जुरेलने 94, सरफराज खानने 92, हर्ष दुबेने 32, शार्दुल ठाकूरने 27 आणि यशस्वी जयस्वालने 24 धावा केल्या. इंग्लंडकडून गोलंदाजी करताना जोश हल आणि झमान अख्तर यांनी 3-3 बळी घेतले.
याशिवाय, दुसऱ्या दिवसाच्या खेळाअखेरीस इंग्लंड लायन्सने 2 बळी गमावून 237 धावा केल्या होत्या. इंग्लंडकडून टॉम हेन्स सध्या 103 धावांवर आणि मॅक्स होल्डन 64 धावांवर नाबाद आहेत. इंडिया अ कडून गोलंदाजी करताना अंशुल कंबोज आणि हर्ष दुबे यांनी 1-1 बळी घेतले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)