Team India New Record In T20: हार्दिक पांड्याच्या नेतृत्वाखाली टीम इंडियाने केला अनोखा विश्वविक्रम, पाकिस्तानचा 'हा' विक्रम काढला मोडीत

बुधवारी टीम इंडियाने न्यूझीलंडविरुद्धच्या तीन सामन्यांच्या टी-20 मालिकेतील (IND vs NZ 3rd T20) तिसरा आणि निर्णायक सामना 168 धावांनी जिंकला. टी-20 फॉरमॅटमध्ये टीम इंडियाचा (Team India) हा सर्वात मोठा विजय ठरला. त्याचवेळी टीम इंडियाने हार्दिक पांड्याच्या नेतृत्वाखाली सलग चौथी टी-20 मालिकाही जिंकली. याशिवाय, टीम इंडियाचा हा सलग आठवा टी-20 मालिका विजय होता आणि मागील 12 मालिकांपासून संघाची अपराजितता कायम आहे. या सगळ्याशिवाय असाच एक विक्रम टीम इंडियाच्या नावावर होता. याआधी जगातील कोणत्याही संघाला अशी कामगिरी करता आलेली नाही. खरं तर, घरच्या मैदानावर टीम इंडियाचा हा 50 वा टी-20 विजय होता. याआधी जगातील कोणत्याही संघाने अशी कामगिरी केलेली नाही. टीम इंडियाने आपल्या 78व्या टी-20 आंतरराष्ट्रीय सामन्यात ही कामगिरी केली आहे.

टीम इंडियाच्या देशांतर्गत रेकॉर्डबद्दल बोलायचे झाले तर, टीम इंडियाने घरच्या मैदानावर 78 पैकी 50 टी-20 आंतरराष्ट्रीय सामने जिंकले आहेत. त्याच वेळी, त्यांना 26 मध्ये पराभवाचा सामना करावा लागला आहे आणि दोन सामने अनिर्णित राहिले आहेत. परदेशी भूमीवरील या विक्रमावर नजर टाकली तर तिथेही टीम इंडियाने 69 पैकी 42 सामने जिंकले आहेत, तर केवळ 23 सामन्यांत पराभवाचा सामना करावा लागला आहे. तेथे 3 सामने टाय झाले असून एक सामना अनिर्णित आहे. (हे देखील वाचा: Shubman Gill New Record: शुभमन गिलने 'या' खेळाडूंचा मोडला रेकाॅर्ड, सचिन तेंडुलकर आणि विनोद कांबळी यांच्या विक्रमाशी केली बरोबरी)

टीम इंडियाने एकूण 198 टी-20 आंतरराष्ट्रीय सामने खेळले आहेत, त्यापैकी 126 सामने टीम इंडियाने जिंकले आहेत आणि 63 मॅचमध्ये टीम इंडियाचा पराभव झाला आहे. याशिवाय चार सामने बरोबरीत संपले असून पाच सामन्यांपैकी एकही निकाल लागला नाही. हे आकडे 2006 पासून आत्तापर्यंतचे आहेत, जेव्हा टीम इंडियाने माजी सलामीवीर वीरेंद्र सेहवागच्या नेतृत्वाखाली पहिला टी-20 आंतरराष्ट्रीय सामना खेळला होता. या बाबतीत टीम इंडियाच्या आसपास एकही संघ नाही. सध्या टीम इंडिया वनडे आणि टी-20 मध्ये नंबर वन टीम आहे.

टीम इंडियाने पाकिस्तानचा विक्रम काढला मोडीत

टी-20 फॉरमॅटमध्ये धावांच्या बाबतीत टीम इंडियाचा हा सर्वात मोठा विजय आहे. बुधवारी झालेल्या तिसऱ्या आणि निर्णायक सामन्यात टीम इंडियाने न्यूझीलंडचा 168 धावांनी पराभव केला. टीम इंडियाने प्रथम खेळताना न्यूझीलंडला 235 धावांचे मोठे लक्ष्य दिले होते, प्रत्युत्तरात न्यूझीलंडचा संघ अवघ्या 66 धावांवर गारद झाला. यापूर्वी 2018 मध्ये टीम इंडियाने आयर्लंडचा 143 धावांनी पराभव केला होता. यापूर्वी 2007 मध्ये श्रीलंकेने केनियाचा 172 धावांनी पराभव केला होता. त्याचबरोबर टीम इंडियाने पाकिस्तानचा हाँगकाँगवर (वर्ष 2022) १५५ धावांचा विजयाचा विक्रमही मोडला आहे.

सर्वात मोठा टी-20 आंतरराष्ट्रीय विजय (धावांच्या बाबतीत)

वर्ष 2007 - श्रीलंकेने केनियाचा 172 धावांनी पराभव केला

वर्ष 2023 - टीम इंडियाने न्यूझीलंडचा 168 धावांनी पराभव केला

वर्ष 2022 - पाकिस्तानने हाँगकाँगचा 155 धावांनी पराभव केला

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)