ICC World Cup 2023 Semifinal: भारतासह या संघांची उपांत्य फेरी गाठणे जवळपास निश्चित, पॉइंट टेबलने चित्र केले स्पष्ट; समजून घ्या पूर्ण समीकरण
सध्या टीम इंडिया पॉइंट टेबलमध्ये अव्वल स्थानावर आहे. पॉइंट्स टेबलवर नजर टाकली तर सेमीफायनलमधील परिस्थिती जवळपास स्पष्ट झाली आहे. टीम इंडियाचे सर्वाधिक गुण असून ते उपांत्य फेरीत जाणार हे जवळपास निश्चित झाले आहे.
आयसीसी एकदिवसीय विश्वचषक 2023 च्या (ICC Cricket World Cup 2023) 8 संघांनी प्रत्येकी पाच सामने खेळले आहेत. सध्या टीम इंडिया पॉइंट टेबलमध्ये अव्वल स्थानावर आहे. पॉइंट्स टेबलवर नजर टाकली तर सेमीफायनलमधील परिस्थिती जवळपास स्पष्ट झाली आहे. टीम इंडियाचे सर्वाधिक गुण असून ते उपांत्य फेरीत जाणार हे जवळपास निश्चित झाले आहे. टीम इंडियासह अन्य दोन संघही उपांत्य फेरीचे प्रबळ दावेदार मानले जात आहेत. उपांत्य फेरी गाठणारा चौथा संघ कोण असेल याबाबत अद्याप काहीही सांगता येणार नाही. टीम इंडियासोबतच दक्षिण आफ्रिका आणि न्यूझीलंडचे संघ सेमीफायनलमध्ये आपले स्थान पक्के करू शकतात. टीम इंडियाने आतापर्यंत 5 सामने खेळले आहेत आणि सर्व जिंकले आहेत. टीम इंडियाचे 10 गुण आहेत. टीम इंडियाचा निव्वळ रन रेट +1.353 आहे.
तर दक्षिण आफ्रिकेने 5 सामने खेळले असून चार जिंकले आहेत. दक्षिण आफ्रिकेचे 8 गुण आहेत. दक्षिण आफ्रिकेचा निव्वळ रन रेट +2.370 आहे. हे सर्व संघांपेक्षा जास्त आहे. त्याचबरोबर न्यूझीलंडचेही 8 गुण आहेत. पण न्यूझीलंडचा नेट रन रेट दक्षिण आफ्रिकेपेक्षा कमी आहे. त्यामुळे पॉइंट टेबलमध्ये न्यूझीलंड तिसऱ्या क्रमांकावर आहे. हे तिन्ही संघ उपांत्य फेरीचे प्रबळ दावेदार आहेत. (हे देखील वाचा: ICC World Cup 2023: विश्वचषकाच्या इतिहासात 'या' संघांनी सर्वाधिक वेळा 350+ केल्या आहेत धावा, जाणून घ्या टीम इंडिया कोणत्या नंबरवर)
ऑस्ट्रेलियाने आत्तापर्यंत 5 सामने खेळले असून 3 सामने जिंकले आहेत. ऑस्ट्रेलियाचे 6 गुण आहेत. ऑस्ट्रेलिया सध्या गुणतालिकेत चौथ्या स्थानावर आहे. पाकिस्तान आणि अफगाणिस्तानचे प्रत्येकी 2 गुण आहेत. या दोन्ही संघांनी प्रत्येकी पाच सामने खेळले असून प्रत्येकी दोन सामने जिंकले आहेत. उपांत्य फेरीसाठी या तिघांमध्ये चुरशीची स्पर्धा होणार आहे. याशिवाय श्रीलंका, इंग्लंड, बांगलादेश आणि नेदरलँडचे प्रत्येकी दोन गुण आहेत. श्रीलंका आणि इंग्लंड यांच्यात फक्त चार सामने झाले आहेत.
टीम इंडियाचा पुढचा सामना 29 ऑक्टोबरला इंग्लंडशी होणार आहे. यानंतर टीम इंडियाचा सामना श्रीलंका, दक्षिण आफ्रिका आणि नेदरलँडशी होणार आहे. या काळात टीम इंडिया इतर संघांचे गणितही बिघडू शकते.