IND vs NED ICC World Cup 2023: टीम इंडियात होऊ शकतो मोठा बदल, तीन स्टार खेळाडू होऊ शकतात बाहेर! कोणाला मिळणार संधी?
भारताने याआधीच गुणतालिकेत अव्वल स्थान निश्चित केले आहे. अशा स्थितीत नेदरलँडविरुद्धच्या सामन्यातील विजय किंवा पराभवाचा भारताच्या गुणतालिकेवर कोणताही परिणाम होणार नाही. पण या सामन्यात भारतीय संघाच्या प्लेईंग इलेव्हनमध्ये मोठा बदल पाहायला मिळू शकतो.
आयसीसी विश्वचषक 2023 चा (ICC Cricket World Cup 2023) पुढील सामना भारत नेदरलँड्सविरुद्ध (IND vs NED) खेळणार आहे. हा सामना 12 नोव्हेंबर रोजी बेंगळुरूच्या चिन्नास्वामी क्रिकेट स्टेडियमवर होणार आहे. भारताने याआधीच गुणतालिकेत अव्वल स्थान निश्चित केले आहे. अशा स्थितीत नेदरलँडविरुद्धच्या सामन्यातील विजय किंवा पराभवाचा भारताच्या गुणतालिकेवर कोणताही परिणाम होणार नाही. पण या सामन्यात भारतीय संघाच्या प्लेईंग इलेव्हनमध्ये मोठा बदल पाहायला मिळू शकतो. या सामन्यातून तीन स्टार खेळाडूंना वगळले जाऊ शकते. (हे देखील वाचा: ENG vs PAK ICC World Cup 2023 Live Streaming: उपांत्य फेरीच्या शेवटच्या आशेने पाकिस्तानसाठी 'करो कि मरो'चा सामना, कुठे पाहणार लाइव्ह; घ्या जाणून)
प्लेइंग इलेव्हनमध्ये होणार का बदल?
भारतासाठी पुढील सामना ही केवळ औपचारिकता आहे. अशा परिस्थितीत कर्णधार रोहित शर्मा आपल्या काही स्टार खेळाडूंना विश्रांती देऊन संघात काही नव्या चेहऱ्यांना संधी देऊ शकतो. भारत थेट नेदरलँडनंतर उपांत्य फेरीत खेळणार आहे. या सामन्यात सर्व खेळाडूंनी तंदुरुस्त राहणे अत्यंत गरजेचे आहे, पण जर कोणी दुखापत झाली तर रोहित शर्माला त्याचा बॅकअप घ्यावा लागेल. अशा परिस्थितीत रोहित शर्मा पुढील सामन्यात भारतीय संघात बदल करून नव्या खेळाडूंना संधी देईल, अशी अटकळ बांधली जात आहे.
संघात होऊ शकतात 3 बदल
कर्णधार रोहित शर्मा प्लेइंग इलेव्हनमध्ये 3 मोठे बदल करू शकतो, अशी शक्यता वर्तवली जात आहे. सर्व प्रथम, उत्कृष्ट फॉर्मात असलेला वेगवान गोलंदाज जसप्रीत बुमराहच्या जागी प्रसिध कृष्णाला संधी दिली जाऊ शकते. फिरकी आणि फलंदाजीची जादू अप्रतिम असलेल्या रवींद्र जडेजाच्या जागी रविचंद्रन अश्विनला संधी दिली जाऊ शकते. तिसरा बदल : उपकर्णधार केएल राहुलच्या जागी इशान किशनला संधी दिली जाऊ शकते. हे तिन्ही खेळाडू भारतीय संघासाठी अत्यंत महत्त्वाचे आहेत. अशा परिस्थितीत, त्यांना विश्रांती देऊन दुखापतीपासून संरक्षण करणे हे त्यांना वगळण्याचे कारण असू शकते.
(The above story first appeared on LatestLY on Nov 11, 2023 01:07 PM IST. For more news and updates on politics, world, sports, entertainment and lifestyle, log on to our website latestly.com).
