IND vs NZ 2nd T20: लखनौमध्ये टीम इंडियाचा रेकॉर्ड उत्कृष्ट, दुसऱ्या टी-20 मध्ये न्यूझीलंडचा मार्ग नसेल सोपा; पहा आकडेवारीवर

टीम इंडिया आणि न्यूझीलंड (IND vs NZ) यांच्यातील टी-20 मालिकेतील दुसरा सामना उद्या म्हणजेच 29 जानेवारीला होणार आहे. लखनौच्या भारतरत्न श्री अटल बिहारी वाजपेयी एकना क्रिकेट स्टेडियमवर संध्याकाळी 7 वाजल्यापासून हा सामना खेळवला जाईल. हा सामना टीम इंडियासाठी करा किंवा मरो असा असणार आहे. मालिकेत टिकून राहण्यासाठी टीम इंडियाला या सामन्यात कोणत्याही परिस्थितीत विजयाची नोंद करावी लागेल. 27 जानेवारीला रांचीमध्ये झालेल्या पहिल्या सामन्यात टीम इंडियाला 21 धावांनी पराभव स्वीकारावा लागला होता. तसे, लखनऊमध्ये टीम इंडियाचा टी-20 रेकॉर्ड आतापर्यंत उत्कृष्ट राहिला आहे. या खेळपट्टीवर टीम इंडियाच्या रेकॉर्डवर एक नजर टाकूया. (हे देखील वाचा: Women's Premier League Auction: फेब्रुवारीत मध्ये लागू शकते खेळाडूंवर बोली, दिल्लीत होणार लिलाव, जाणून घ्या संपूर्ण अपडेट)

लखनौमध्ये टीम इंडियाचा विक्रम

लखनऊच्या एकना क्रिकेट स्टेडियमवर टीम इंडियाचा टी-20 रेकॉर्ड उत्कृष्ट राहिला आहे. येथे टीम इंडिया टी-20 इंटरनॅशनलमध्ये आतापर्यंत एकही मॅच हरलेली नाही. टीम इंडियाने या मैदानावर आतापर्यंत एकूण दोन टी-20 सामने खेळले आहेत. 2018 साली, टीम इंडियाने लखनौमध्ये वेस्ट इंडिज विरुद्ध पहिला टी-20 आंतरराष्ट्रीय सामना खेळला. त्या सामन्यात टीम इंडियाने वेस्ट इंडिज संघाचा 71 धावांनी पराभव केला होता. यानंतर, फेब्रुवारी 2022 मध्ये टीम इंडियाने श्रीलंकेविरुद्ध दुसरा सामना खेळला. त्यानंतर टीम इंडियाने श्रीलंकेचा 62 धावांनी पराभव केला. अशाप्रकारे टीम इंडियाने लखनौमधील टी-20 आंतरराष्ट्रीय सामन्यात आतापर्यंत एकही सामना गमावलेला नाही.

करो किंवा मरो सामना

पहिला टी-20 सामना जिंकल्यानंतर न्यूझीलंडचा उत्साह वाढला आहे. आता मालिका जिंकण्याचे दडपण पूर्णपणे टीम इंडियावर आहे. ही मालिका जिंकण्यासाठी आता टीम इंडियाला दोन्ही सामने जिंकावे लागणार आहेत. जर टीम इंडिया यात अपयशी ठरली तर मालिका त्यांच्या हातातून निघून जाईल. त्यानंतर न्यूझीलंडचा संघ 2012 नंतर प्रथमच भारतीय भूमीवर टी-20 मालिका जिंकणार आहे. 2012 साली भारत दौऱ्यावर आलेल्या न्यूझीलंड संघाने टी-20 मालिका १-० अशी जिंकली होती. त्यामुळे टीम इंडियासाठी दुसरा सामना करो किंवा मरो असा असेल.