टीम इंडिया (Photo Credit: Twitter/BCCI)

Team India's Full Schedule For 2022: गेल्या 2021 मध्ये भारतीय संघाची (Indian Team) कामगिरी सरासरी राहिली असली तर हे वर्ष म्हणजे 2022 भारतासाठी चांगले वर्ष ठरेल अशी अपेक्षा आहे. यावर्षी अनेक मोठे क्रिकेट स्पर्धा आयोजित केले जाणार आहेत. टीम इंडियाला  (Team India) यावर्षी खूप सामने खेळायचे आहेत. सर्वात चांगली बातमी म्हणजे 2023 विश्वचषक डोळ्यासमोर ठेवून काही वनडे सामनेही खेळवले जाणार आहेत. इतकंच नाही तर यावर्षी आयसीसी टी-20 विश्वचषक (T20 World Cup) पाहायला मिळणार आहे जो ऑस्ट्रेलियात होणार आहे. आणि इंडियन प्रीमियर लीग (Indian Premier League) देखील विसरू नका, ज्यामध्ये दोन नवीन संघ सामील झाल्यामुळे गेल्या हंगामाच्या तुलनेत जास्त सामने होतील. विराट कोहलीच्या नेतृत्वात कसोटी संघ सध्या दक्षिण आफ्रिकेत (South Africa) आहे आणि दौरा संपल्यानंतर घरच्या मालिकेला सुरुवात होणार आहे. 2022 वर्ष सुरू होत असताना, टीम इंडियाच्या या वर्षाच्या संपूर्ण वेळापत्रकावर एक नजर टाकूया. (IND vs SA ODI: भारताविरुद्धच्या एकदिवसीय मालिकेसाठी दक्षिण आफ्रिकेचा संघ जाहीर, पहा कोणाला मिळाली जागा)

दक्षिण आफ्रिका दौरा 2021-22 वेळापत्रक

3-7 जानेवारी: दुसरी कसोटी, जोहान्सबर्ग

11-15 जानेवारी: 11-15, तिसरी कसोटी, केपटाऊन

19 जानेवारी: पहिला वनडे, पार्ल

21 जानेवारी: दुसरी वनडे, पार्ल

23 जानेवारी: तिसरी वनडे, केपटाऊन

भारत विरुद्ध वेस्ट इंडीज 2022 वेळापत्रक

6 फेब्रुवारी: पहिला वनडे, अहमदाबाद

9 फेब्रुवारी: दुसरी वनडे, जयपूर

12 फेब्रुवारी: तिसरी वनडे, कोलकाता

15 फेब्रुवारी: पहिला टी-20, कटक

18 फेब्रुवारी : दुसरी टी-20, विशाखापट्टणम

20 फेब्रुवारी: तिसरा टी-20, तिरुवनंतपुरम

श्रीलंका दौरा 2022

25 फेब्रुवारी-1 मार्च: पहिली कसोटी, बेंगलोर

5-9 मार्च: दुसरी कसोटी, मोहाली

13 मार्च: पहिला ती-20, मोहाली

15 मार्च: दुसरा टी-20, धर्मशाला

18 मार्च: तिसरी टी-20, लखनौ

इंडियन प्रीमियर लीग

आयपीएलसाठी एप्रिल आणि मे महिना संपूर्ण बुक असेल. अधिक दोन संघ जोडले गेले असल्याने लीग संपण्यास विलंब होईल. टी-20 स्पर्धा मे महिन्याच्या शेवटच्या आठवड्यात संपू शकते.

दक्षिण आफ्रिकेचा भारत दौरा

9 जून: पहिला टी-20, चेन्नई

12 जून: दुसरी टी-20, बेंगलोर

14 जून: तिसरी टी-20, नागपूर

17 जून: चौथी टी-20, राजकोट

19 जून: पाचवा टी-20, दिल्ली

भारताचा इंग्लंड दौरा

1-5 जुलै: पाचवी कसोटी, बर्मिंगहॅम (भारतीय संघ इंग्लंड दौऱ्यावर जाईल. संघाला गेल्या वर्षी तेथे राहिलेला पाचवा कसोटी सामना खेळायचा आहे)

7 जुलै: पहिला टी-20, साउथम्पटन

9 जुलै: दुसरी टी-20, बर्मिंगहॅम

10 जुलै: तिसरा टी-20, नॉटिंगहॅम

12 जुलै: पहिला वनडे, लंडन

14 जुलै: दुसरा वनडे, लंडन

17 जुलै: तिसरी वनडे, मँचेस्टर

वेस्ट इंडिज दौरा आणि आशिया कप

जुलै-ऑगस्टमध्ये 3 एकदिवसीय आणि तितक्या T20 सामन्यांसाठी टीम इंडिया कॅरिबियन दौऱ्यावर जाईल. विंडीज दौऱ्यानंतर हे खेळाडू सप्टेंबरमध्ये आशिया चषक स्पर्धेत भाग घेतील. भारत गतविजेता असून पुन्हा एकदा या स्पर्धेद्वारे भारत आणि पाकिस्तान यांच्यात टक्कर पाहायला मिळेल. ही स्पर्धा श्रीलंकेत खेळवली जाणार आहे.

टी-20 विश्वचषक

रोहित शर्माच्या नेतृत्वात संघ आशिया चषकानंतर टी-20 विश्वचषकासाठी ऑस्ट्रेलियात दाखल होईल. या स्पर्धेत पुन्हा एकदा भारत विरुद्ध पाकिस्तान यांच्यातील चुरशीची स्पर्धा पाहायला मिळू शकते. आयसीसी स्पर्धा 16 ऑक्टोबर ते 13 नोव्हेंबर दरम्यान खेळली जाणार आहे.

बांगलादेश दौरा

टी-20 वर्ल्ड कपनंतर टीम इंडिया 2 टेस्ट आणि 3 वनडे सामन्यांसाठी बांगलादेश दौऱ्यावर जाणार आहे. येत्या काही महिन्यांत या मालिकेच्या तारखा जाहीर केल्या जातील.